گ. ابدىقالىقوۆا ازاماتتاردىڭ بورىش جۇكتەمەسىن تومەندەتۋ جۇمىسى جارلىقتا كورسەتىلگەن ناقتى كريتەريلەرگە سايكەس بولاتىنىن اتاپ ءوتتى. اتالعان شارالارمەن كەپىلسىز تۇتىنۋشىلىق نەسيەلەرى بار ازاماتتاردىڭ بارلىعى قامتىلمايدى, مەملەكەتتىڭ كومەگىنە اسا مۇقتاج جاندار عانا قامتىلادى. كومەك كورسەتىلەتىن تۇلعالار ساناتى:
كوپبالالى وتباسىلار;
اسىراۋشىسىنان ايرىلۋ جاعدايىنا بايلانىستى تولەم الاتىن وتباسىلار;
مۇگەدەك بالالارى بار وتباسىلار;18 جاستان اسقان, بالا جاسىنان مۇگەدەك ادامدى تاربيەلەپ وتىرعان وتباسىلار;
اتاۋلى مەملەكەتتىك الەۋمەتتىك كومەك الاتىندار;
جەتىم بالالار;
اتا-اناسىنان كامەلەتتىك جاسقا دەيىن ايرىلعان, 29 جاسقا تولماعان, اتا-انانىڭ قامقورلىعىنسىز قالعان بالالار.
«18 جاسقا دەيىنگى 4 جانە ودان كوپ بالاسى بار وتباسىلار كوپ بالالى وتباسى رەتىندە ەسەپتەلەدى. بازالار بويىنشا وسىنداي وتباسىلاردىڭ نەسيەلەرى بار-جوعى قارالادى. ەكىنشى – اسىراۋشىسىنان ايىرىلۋ جاعدايىنا بايلانىستى تولەم الاتىن وتباسىلار. بۇگىندە مەملەكەتىمىزدە اسىراۋشىسىنان ايىرىلعان 600-گە جۋىق وتباسى بار. بازا بويىنشا بانكتەرمەن كەلىسىلگەن تۇردە وسى وتباسىلاردىڭ قانشاسى نەسيە تولەپ وتىرعانى قارالادى», دەپ ءتۇسىندىردى ۆيتسە-پرەمەر.
سونداي-اق ول بانكتەر وسىنداي وتباسىلاردىڭ نەسيەسىنىڭ بار-جوعىن انىقتاۋ ءۇشىن اتاۋلى الەۋمەتتىك كومەك الۋشىلار بازاسىن قارايتىنىن اتاپ ءوتتى. بۇگىندە 240 جۋىق وتباسى ااك الادى.
«ولاردىڭ بارلىق دەرەكتەرى تىركەلگەن. سوندىقتان دا اتالعان ماسەلە بويىنشا ءبىز ەكىنشى دەڭگەيلى بانكتەرمەن كەزدەسەمىز. ارينە, ولاردىڭ بارلىعى نەسيە الماعان. بىزگە ولاردىڭ ىشىنەن نەسيە تولەپ وتىرعاندارى ءمالىم بولادى, تاعى دا تەكسەرىستەر جۇرگىزىلەدى. الدىن الا دەرەكتەر بويىنشا, مەملەكەت كومەگىنە اسا مۇقتاج ءارى نەسيەلەرى بار ازاماتتار سانى 443 مىڭدى قۇرايدى», دەدى پرەمەر-ءمينيستردىڭ ورىنباسارى.سونداي-اق ول وسى قارجىلاي كومەكتى كورسەتۋ كەزىندە نەسيەنىڭ قانداي ماقساتتا الىنعانىنا قاتىستى ەشقانداي دا تەكسەرىس جۇمىستارى جۇرگىزىلمەيتىنىن ايتتى.
«نەسيەنىڭ نە ءۇشىن الىنعانى, ول قاراجاتتىڭ قايدا جۇمسالعانى تەرەڭىنەن زەرتتەلمەيدى. سەبەبى, بۇل الەۋمەتتىك قولداۋعا مۇقتاج, از قامتىلعان ازاماتتار. سوڭعى 2-3 ايدا ءبىز وبلىستاردا, ەلوردادا حالىقپەن بەلسەندى تۇردە كەزدەسۋلەر وتكىزدىك. كوپتەگەن ازاماتتار قابىلداندى. اتالعان ماسەلەنى قوزعاعان كەزدە, بۇل ساناتتىڭ قانداي دا ءبىر قىمبات زاتتار, ماسەلەن, ايفوندار, سۋپەر تەلەديدارلار, جاڭا تەحنيكا ساتىپ المايتىنىن كوردىك. نەگىزىنەن ولاردىڭ ازىق-ت ۇلىككە, ءدارى-دارمەككە, ەمدەلۋگە – تىرشىلىكتى قامتاماسىز ەتۋشى ەڭ قاجەتتى نارسەلەرگە, ونىمدەرگە قاراجاتتارى جەتپەيدى», دەدى گ. ابدىقالىقوۆا.