سەيسەنبى, 12 ناۋرىز 2013 7:19
وبلىسىمىزدا سوڭعى ءۇش جىلدا قىلمىس سانىنىڭ ءوسۋى بايقالۋدا. قۇقىقتىق ستاتيستيكا باسقارماسىنىڭ مالىمەتتەرىنشە, بىلتىر وبلىستىڭ قۇقىق قورعاۋ ورگاندارىندا 14 415 قىلمىس تىركەلىپتى. وتكەن جىلمەن سالىستىرعاندا قىلمىس سانى 38,7 پايىزعا ارتقان. مىسالى, وتكەن جىلدىڭ 12 قاراشاسى كۇنى سالتانات نىسانبەكوۆانىڭ پاتەرى تونالىپتى. بىراق, كۇنى بۇگىنگە دەيىن قۇقىق قورعاۋ ورىندارى تاراپىنان ەشقانداي كومەك جوق كورىنەدى. ءتىپتى, حال-جاعدايلارىڭىز قالاي دەپ قاراپايىم ادامگەرشىلىك تە تانىتىلماسا كەرەك. وزدەرىن ىزدەۋشىلەر بولماعان سوڭ, ۇرىلار ەركىنسىمەگەندە قايتسىن.
سەيسەنبى, 12 ناۋرىز 2013 7:19
وبلىسىمىزدا سوڭعى ءۇش جىلدا قىلمىس سانىنىڭ ءوسۋى بايقالۋدا. قۇقىقتىق ستاتيستيكا باسقارماسىنىڭ مالىمەتتەرىنشە, بىلتىر وبلىستىڭ قۇقىق قورعاۋ ورگاندارىندا 14 415 قىلمىس تىركەلىپتى. وتكەن جىلمەن سالىستىرعاندا قىلمىس سانى 38,7 پايىزعا ارتقان. مىسالى, وتكەن جىلدىڭ 12 قاراشاسى كۇنى سالتانات نىسانبەكوۆانىڭ پاتەرى تونالىپتى. بىراق, كۇنى بۇگىنگە دەيىن قۇقىق قورعاۋ ورىندارى تاراپىنان ەشقانداي كومەك جوق كورىنەدى. ءتىپتى, حال-جاعدايلارىڭىز قالاي دەپ قاراپايىم ادامگەرشىلىك تە تانىتىلماسا كەرەك. وزدەرىن ىزدەۋشىلەر بولماعان سوڭ, ۇرىلار ەركىنسىمەگەندە قايتسىن.
«ەگەمەن قازاقستاننىڭ» پاۆلودار وبلىسىنداعى مەنشىكتى ءتىلشىسى فاريدا بىقاي وبلىستىق قۇقىقتىق ستاتيستيكا جانە ارنايى ەسەپكە الۋ باسقارماسىنىڭ باستىعى مۇرات حاميتوۆكە:
– ءسىز بۇعان نە دەيسىز؟
–قوعامدىق ءتارتىپتى ساقتاۋ مەن قوعامدىق قاۋىپسىزدىكتى قامتاماسىز ەتۋ, قىلمىسپەن كۇرەس ىشكى ىستەر ورگاندارىنىڭ باستى مىندەتى ەكەنى بەلگىلى. الايدا, وڭىردە قۇقىق بۇزۋشىلىقپەن كۇرەس شارالارى تەك پوليتسەيلەردىڭ «موينىندا» عانا ەمەس. جوعارىدا كەلتىرىلگەن مالىمەتتەر جەرگىلىكتى مەملەكەتتىك ورگانداردىڭ, ءبىلىم بەرۋ, الەۋمەتتىك قامسىزداندىرۋ, مادەنيەت جانە سپورت سالالارىنىڭ ءوزارا ءىس-قيمىل شارالارىنىڭ پارمەنسىز ەكەنىن بايقاتادى. بۇل ورايدا, قوعامدىق جەرلەردە جاسالاتىن قىلمىستاردىڭ الدىن الۋ ماقساتىندا ەلىمىزدىڭ باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ وبلىس بويىنشا باسقارماسى قالالار مەن اۋدانداردىڭ اكىمدەرىمەن بىرلەسىپ, ارنايى شارالار كەشەنىن ازىرلەۋدە. سونداي-اق, «قىلمىستىلىق كارتاسى» مەن «جول وقيعالارىنىڭ كارتاسىن» دايىنداۋ قولعا الىندى. كارتالاردى pravstat.prokuror.kz سايتىنان كورۋگە بولادى.
مىسالى, قىلمىس سانىنىڭ ارتۋى وبلىس ورتالىعىندا 52,4 پايىز بولسا, اۋداندار اراسىندا لەبياجى 36,8 پايىزدى كورسەتىپ وتىر. ياعني, اۋىلدىڭ وزىندە قىلمىس جاساۋ ارتا تۇسكەن. سول سەكىلدى, – اقسۋدا –33,6, جەلەزيندە – 32,3, ەرتىستە 25 پايىز… قىلمىس تۇرلەرىنىڭ اراسىندا وزگەنىڭ مۇلكىن ۇرلاۋ, بۇزاقىلىق باسىم. بۇلار جالپى قىلمىستار سانىنىڭ ۇشتەن ءبىر بولىگىن قۇرايدى. سونداي-اق, ادام ءولتىرۋ, دەنساۋلىققا اۋىر زارداپ كەلتىرۋ, الاياقتىق سياقتى زاڭ بۇزۋشىلىقتار دا ازايار ەمەس. ساراپتاما ناتيجەلەرى بويىنشا, قوعامدىق جەرلەردە جاسالعان قىلمىستاردىڭ نەگىزگى بولىگى كوشەدەگى بۇزاقىلىق ساناتىنا جاتادى. قىلمىستىق وقيعالاردى زەرتتەۋ بارىسىندا كوشە بۇزاقىلىعى كۇز, قىس مەزگىلدەرىندە جانە جۇما, دەمالىس كۇندەرى مەن مەرەكەلەردە ءجيى تىركەلەتىنى انىقتالدى. كلۋبتار مەن ساۋدا-ساتتىق ورىندارىندا جاسالعان قىلمىس سانى جالپى تىركەلگەن زاڭ بۇزۋشىلىقتاردىڭ 22 پايىزىن قۇراپ وتىر. قۇقىق بۇزۋشىلىقتارعا جول بەرگەندەردىڭ كوبى جۇمىسسىز جۇرگەندەر, سپيرتتىك ىشىمدىك ىشكەندەر مەن بۇرىن ءىستى بولعاندار. وبلىس بويىنشا تىركەلگەن قىلمىستاردىڭ 3879-ىن – جۇمىسسىزدار, 1008-ءىن – ىشكىشتەر مەن ناشاقورلار, 1020-سىن – بۇرىن سوتتالعاندار جانە 267-ءسىن جاسوسپىرىمدەر جاساعان ەكەن. بۇل دەرەكتەر وڭىردە قىلمىستىڭ الدىن الۋ ءۇشىن بىرلەسكەن جۇمىستاردى كۇشەيتۋدى قاجەت ەتەتىنىن كورسەتەدى.
پاۆلودار وبلىسى.