«اپات تۋرالى اقپارات جەتكەن العاشقى كۇنى-اق ورالدان قۇرىلىس ماتەريالدارى تيەلگەن العاشقى كەرۋەن اتتانىپ كەتتى» دەپ حابارلادى باتىس قازاقستان وبلىسى اكىمىنىڭ ءباسپاسوز حاتشىسى داۋرەن ساكەن ۇلى.
اكتسيا اياسىندا كوپتەگەن مەكەمە-ۇيىمداردىڭ قىزمەتكەرلەرى وزدەرىنىڭ بىركۇندىك جالاقىسى كولەمىندە قارجىلاي كومەكتى جاپا شەككەندەرگە اۋدارۋ جونىندە شەشىم قابىلداعان. ولاردىڭ الدىڭعى لەگىندە ورال قالاسى اكىمدىگىنىڭ قىزمەتكەرلەرى, «باتىس سۋ ارناسى» جشس-نىڭ 900 قىزمەتكەرى بار.
«ءبىز بارلىق تۇرعىنداردى, جاستاردى, ەرىكتىلەردى اپاتقا ۇشىراعان ادامدارعا كومەك كورسەتۋگە شاقىرامىز. ءبىزدىڭ وتانداستارىمىزعا قولداۋ قاجەت!» دەيدى ەرىكتىلەر.
ءدال قازىر ورال قالاسىندا ءۇش جەردە: ن.نازارباەۆ داڭعىلى بويىنداعى 188 ءۇيدىڭ ءبىرىنشى قاباتىندا, قادىر مىرزا ءالي كوشەسىندەگى 18 ۇيدە ورنالاسقان «باستاۋ» كوۆوركينگ ورتالىعىندا جانە ج.مولداعاليەۆ كوشەسىنىڭ 19 ۇيىندە ارنايى ورتالىق اشىلىپ, جۇمىس ىستەۋدە.
بۇگىن, 25 ماۋسىم كۇنى ءتۇس اۋا ورال قالاسىنان 30 توننا گۋمانيتارلىق جۇك تيەگەن تاعى ءبىر كەرۋەن ارىسقا قاراي بەت الدى. كومەك ىشىندە 6 توننا ۇن, 2 توننا ماكارون ونىمدەرى, 2 توننا وسىمدىك مايى, 5 توننا تاۋىق ەتى, بالالار كيىمدەرى, ت.ب. قاجەتتى زاتتار بار. بۇل «بەلەس-اگرو», «تەرەكتى ماي كومبيناتى», «كۇبىلەي», «جايىق ەت», «ورال ترانسفورماتور زاۋىتى» سەكىلدى ءىرى كاسىپورىندار ۇسىنعان العاشقى كومەك.
باتىس قازاقستان