وبلىس ورتالىعىندا گۋمانيتارلىق كومەكتى قابىلداۋ پۋنكتى شامامەن ءبىر اي كولەمىندە تاڭعى ساعات 09:00-دەن كەشكى 21:00 ارالىعىندا جۇمىس ىستەمەك. قولداۋ اكتسياسىن ۇيىمداستىرۋشىلار الماتى وبلىسىنىڭ اتىنان ارىس قالاسىنا ۇلكەن كەرۋەن باراتىنىن مالىمدەدى. قازىر زارداپ شەككەن ارىستىقتارعا بەرەتىن ەڭ قاجەتتى زاتتاردىڭ ءتىزىمى دايىندالعان. ولاردىڭ قاتارىندا كونسەرۆىلەر, ءداندى داقىلدار, ماكارون ونىمدەرى, مينەرالدى سۋ جانە بالالارعا ارنالعان كيىمدەر مەن كورپە, جاستىقتار بار.
سونداي-اق, جەتىسۋلىق مەملەكەتتىك قىزمەتشىلەر باس بولىپ, ءبىر كۇندىك ەڭبەكاقىلارىن قوعامدىق قورعا اۋدارۋ باستالدى. ال الماتى وبلىسىنىڭ اكىمدىگى ارىس قالاسىنان 150 بالانى جەتىسۋدىڭ ەمدەۋ-ساۋىقتىرۋ ورىندارىندا تەگىن دەم الۋعا شاقىراتىنىن مالىمدەدى
ەرتەڭ گۋمانيتارلىق كومەك تيەلگەن اۆتوكەرۋەننىڭ العاشقى لەگى جولعا شىقپاق.