يوردانيا كورولى ءىى ابداللا قازاقستاننىڭ دامۋى مەن گۇلدەنۋىنە, قاسىم-جومارت توقاەۆتىڭ جۇمىسى تابىستى بولۋىنا تىلەكتەستىك ءبىلدىردى.
«يوردانيا حالقى ءبىزدىڭ ەلدەرىمىزدىڭ اراسىنداعى دوستىق ءوزارا قاتىناستاردى, ەكىجاقتى ىنتىماقتاستىقتى ودان ءارى نىعايتۋعا مۇددەلى», دەلىنگەن يوردانيا كورولىنىڭ قۇتتىقتاۋ حاتىندا.
ماروككو كورولى VI مۇحاممەد قازاقستان پرەزيدەنتىنە جولداعان قۇتتىقتاۋىندا جەمىستى ىنتىماقتاستىقتا بولۋعا دايىن ەكەنىن جەتكىزدى.
«ءبىزدىڭ ەلدەرىمىزدىڭ اراسىنداعى ەرەكشە دوستىق ءوزارا قاتىناستاردى نىعايتۋ جولىندا ءوزىڭىزبەن بىرگە جۇمىس ىستەۋگە ءازىرمىن», دەپ جازدى ماروككو بيلەۋشىسى.
ۆەنەسۋەلا رەسپۋبليكاسىنىڭ پرەزيدەنتى نيكولاس مادۋرو مەملەكەت باسشىسىن قۇتتىقتاپ, قازاقستان حالقىنا زور جەتىستىكتەر ءتىلەدى.
«قازاقستان رەسپۋبليكاسىنا ورلەۋ مەن باق-بەرەكە تىلەيمىن. مەن ءبىزدىڭ دوستىق نەگىزدەگى ءارى ءوزارا سىيلاستىقتاعى قاتىناستارىمىزدى نىعايتۋعا نيەتتىمىن», دەلىنگەن جەدەلحاتتا.
يزرايل پرەزيدەنتى رەۋۆەن ريۆلين ءوزىنىڭ قۇتتىقتاۋىندا قاسىم-جومارت توقاەۆتى ءوز ەلىنە رەسمي ساپارمەن كەلۋگە شاقىردى.
«ءسىزدىڭ پرەزيدەنتتىك كەزىڭىزدە قازاقستان مەن يزرايل اراسىنداعى دوستىق جانە ىسكەرلىك بايلانىستار ودان ءارى نىعايا تۇسەتىنىنە سەنىمدىمىن», دەپ اتاپ وتكەن يزرايل پرەزيدەنتى.
يسپانيا ۇكىمەتىنىڭ توراعاسى پەدرو سانچەس قاسىم-جومارت توقاەۆتى قۇتتىقتاپ, ەكىجاقتى ءارىپتەستىكتىڭ جوعارى دەڭگەيىن ايتقان.
«مەنىڭ ۇكىمەتىم حالىقتارىمىزدىڭ يگىلىگى ءۇشىن ەلدەرىمىز اراسىنداعى ىنتىماقتاستىقتى نىعايتىپ, تەرەڭدەتۋ جۇمىستارىن جالعاستىرادى», دەپ جازعان پەدرو سانچەس.
اندوررانىڭ پرەمەر-مينيسترى حاۆەر ەسپوت زامورا قاسىم-جومارت توقاەۆقا تابىس تىلەپ, ىنتىماقتاستىقتى دامىتۋعا دايىن ەكەنىن ءبىلدىردى.
«سوڭعى جىلدارى دامۋدىڭ جاڭا دەڭگەيىنە كوتەرىلگەن حالىقتارىمىز اراسىنداعى ەكىجاقتى قارىم-قاتىناستاردى تەرەڭدەتۋ ماقساتىندا ءوزارا ءتيىمدى ەكىجاقتى ىنتىماقتاستىقتى نىعايتۋعا ءمۇددەلى ەكەنىمىزدى راستايمىن, – دەلىنگەن حاۆەر ەسپوت زامورانىڭ جەدەلحاتىندا.
سونىمەن قاتار قاسىم-جومارت توقاەۆتىڭ اتىنا ءوز قۇتتىقتاۋلارىن كاريكوم باس حاتشىسى يرۆين لا روك, حالىقارالىق ساۋدا ورتالىعىنىڭ اتقارۋشى ديرەكتورى ارانچا گونزالەس, ورتالىق ازياداعى ەۋروپالىق وداقتىڭ ارنايى وكىلى پەتر بۋريان, كۋبانىڭ مەملەكەتتىك كەڭەسىنىڭ جانە مينيسترلەر كەڭەسىنىڭ ءتوراعاسى ميگەل دياس-كانەل بەرمۋدەس, كانادانىڭ گەنەرال-گۋبەرناتورى جيۋلي پايەتت, باحرەين كورولدىگىنىڭ تاق مۇراگەرى-پرەمەر-ءمينيستردىڭ ءبىرىنشى ورىنباسارى سالمان بين حاماد ءال حاليفا, رۋمىنيا دەپۋتاتتار پالاتاسىنىڭ توراعاسى يون-مارسەل چولاكۋ, ءۇندىستاننىڭ بۇرىنعى ۆيتسە-پرەزيدەنتى موحامماد حاميد انساري, كانادا پارلامەنتىنىڭ سەناتورى, كانادا-قازاقستان پارلامەنتارالىق دوستىق توبىنىڭ تەڭ توراعاسى دجوزەف دەي, پورتۋگاليا رەسپۋبليكاسى اسسامبلەياسىنىڭ دەپۋتاتى جۋاو بارروزۋ سۋارەش, ءۇندىستان پارلامەنتىنىڭ مۇشەسى شاشي تارۋر, پورتۋگالياداعى مايا قالاسىنىڭ قالالىق كەڭەسىنىڭ توراعاسى انتونيۋ براگانسا فەرناندەش جولدادى.