بەيسەنبى, 30 مامىر 2013 2:12
وزدەرىنە بولادى, وزگەلەرگە جوقاقش مەملەكەتتىك دەپارتامەنتى ەۋروپا وداعىنىڭ سيريا وپپوزيتسياسىنا قارۋ-جاراق بەرۋ قاجەت دەگەن ۇستانىمىنا قولداۋ ءبىلدىردى. بۇل تۋرالى اقش مەملەكەتتىك دەپارتامەنتىنىڭ وكىلى پاتريك ۆەنترەلل مالىمدەدى.
بەيسەنبى, 30 مامىر 2013 2:12
وزدەرىنە بولادى, وزگەلەرگە جوقاقش مەملەكەتتىك دەپارتامەنتى ەۋروپا وداعىنىڭ سيريا وپپوزيتسياسىنا قارۋ-جاراق بەرۋ قاجەت دەگەن ۇستانىمىنا قولداۋ ءبىلدىردى. بۇل تۋرالى اقش مەملەكەتتىك دەپارتامەنتىنىڭ وكىلى پاتريك ۆەنترەلل مالىمدەدى.
پ.ۆەنترەللدىڭ سوزىنە قاراعاندا, قۇراما شتاتتار سيريا وپپوزيتسياسىن قولداۋعا باعىتتالعان حالىقارالىق كۇش-جىگەر اياسىنداعى ۇستانىمداردى جاقتايدى. بۇعان دەيىن لوندون مەن پاريج سيريا وپپوزيتسياسىنا دەرەۋ قارۋ-جاراق بەرۋگە دايىن ەكەندىكتەرىن جاريا ەتكەن بولاتىن. وسى ارالىقتا اقش مەملەكەتتىك دەپارتامەنتى رەسەيدىڭ سيريانىڭ زاڭدى وكىمەتى اسكەرلەرىنە قارۋ-جاراق ساتۋ تۋرالى ۇستانىمىنا ءۇزىلدى-كەسىلدى قارسىلىق تانىتتى.
يراكتا 23 ادام قازا تاپتى
يراكتا جارىلىستار مەن قارۋلى شابۋىلدار سالدارىنان 23 ادام قازا تاۋىپ, 45-ءى ءتۇرلى دەنە جاراقاتتارىن الدى. لاڭكەستىكتىڭ ەڭ ۇلكەنى ەل استاناسى باعداد قالاسىنداعى شيت اۋداندارىنىڭ بىرىندە جاسالدى.جولاۋشىلار اۆتوبۋسىنداعى قۋاتتى جارىلىستان 6 ادام كوز جۇمسا, 30-دان استامى زارداپ شەككەن. تاعى ءبىر جارىلىس جانكەشتى قۋاتتى فۋگاستى ىسكە قوسقان تارميا ەلدى مەكەنىندە ورىن الدى. وندا جانكەشتىمەن قوسا 4 ادام ءولىپ, 8-ءى جارالاندى. جالپى, لاڭكەستىكتەر بايدجي, موسۋل, تيكريت جانە كيركۋك ەلدى مەكەندەرىندە جاسالدى. يراكتاعى قازىرگى احۋال ەلدەگى اسا ءىرى ءسۇننيت جانە شيت قاۋىمداستىقتارىنىڭ اراسىنداعى قارسى تۇرۋشىلىقتارمەن تىكەلەي بايلانىستى.
يراندى وقشاۋلاۋدى كۇشەيتە تۇسەدى
يراندى ەكونوميكالىق وقشاۋلاۋ جاقىندا ايتارلىقتاي ۋشىعا تۇسپەك. 1 شىلدەدەن باستاپ اقش تاراپىنان جاڭا سانكتسيالار كۇشىنە ەنەدى. بۇل ءجايت يراننىڭ تەڭىز ساۋداسىن ايتارلىقتاي كۇردەلەندىرە تۇسەدى.بۇل جەردە اڭگىمە اقش زاڭناماسىنىڭ ءبىر ەرەجەسىنە بايلانىستى بولىپ وتىر. 1 شىلدەدەن باستاپ ونىڭ قارماعىنا يران ونەركاسىبىنىڭ تەڭىز تاسىمالى, كەمە جاساۋ, سونداي-اق تەڭىز پورتتارىن باسقارۋ سەكىلدى سەگمەنتتەرى ىلىگەدى. قارا تىزىمگە ەنۋدەن قاۋىپتەنگەن كوپتەگەن شەتەلدىك كومپانيالار قازىردىڭ وزىندە يرانعا تەڭىز تاسىمالىن توقتاتا باستاعان. جالپىلاي العاندا, ازىق-ت ۇلىك, ءدارى-دارمەك جانە باسقا دا گۋمانيتارلىق تاۋارلار جاڭا سانكتسيا تىزىمىنە كىرمەيدى. دەگەنمەن, سانكتسيانىڭ قانداي دا ءبىر تارماعىنا قايشى كەلىپ قالامىز با دەپ قاۋىپتەنەتىن كومپانيالار كوپ.
كەمەلەردى جاسىرىپ قويۋدى بۇيىردى
سولتۇستىك كورەيا كوسەمى كيم چەن ىن ينسپەكتسيالىق ساپارى كەزىندە ەلدىڭ اسكەري كورابلدەرىن سىرت كوزدەن جاسىرىپ قويۋ تۋرالى بۇيرىق بەردى. مۇنداي ەسكەرتۋ ەل باسشىسىنىڭ كحدر اسكەري-تەڭىز كۇشتەرىنىڭ 291-پۋنكتىندە بولعان كەزىندە جاسالدى.كيم چەن ىن سۋ بەتىندە اشىق تۇرعان اسكەري كەمەلەردى كورگەن كەزىندە اشۋعا بۋلىققان سىڭايلى. كورەيا حالىق ارمياسى جوعارعى باس قولباسشىسىنىڭ پىكىرىنشە, ەلدىڭ جاۋلارى سولتۇستىككورەيالىق اسكەري كۇشتەردىڭ قوزعالىستارىن قاداعالاۋدى جالعاستىرۋدا كورىنەدى. سوندىقتان, كحدر-ءدىڭ اسكەري تەحنيكالارىنىڭ سىرت كوزدەن جاسىرىن ۇستالۋى اسا ماڭىزدى بولماق.
تەلەارناعا اۋىر ايىپ تاعىلدىۆەنەسۋەلا پرەزيدەنتى نيكولاس مادۋرو امەريكالىق سي-ەن-ەن تەلەارناسىنىڭ باسشىلىعىن ەلدەگى جاعدايدى تۇراقسىزداندىرۋعا ارەكەتتەندى, مەملەكەتتىك توڭكەرىس جاساۋعا ارانداتتى دەگەن ايىپ تاقتى.«يسپانشا العاندا, سي-ەن-ەن ەلدەگى جاعدايدى تۇراقسىزداندىرۋعا ۇمتىلاتىن ادامدار باقىلاۋىنداعى جەلى دەگەن ۇعىمدى بىلدىرەدى. ۆەنەسۋەلادا ادامداردى مەملەكەتتىك توڭكەرىس جاساۋعا اشىق شاقىرىپ وتىرعاندارعا باسقاشا باعا بەرۋ مۇمكىن ەمەس», دەدى ن.مادۋرو مەملەكەتتىك تەلەۆيزيادا سويلەگەن سوزىندە. پرەزيدەنتتىڭ ايتۋىنشا, امەريكالىق تەلەارنا 24 ساعات بويى الەمدە نە بولىپ جاتقانىن ايتۋدىڭ ورنىنا, ۆەنەسۋەلانى جامانداۋدان ءبىر تانبايدى.
جاڭا ۆيرۋستان ءبىر ادام كوز جۇمدىفرانتسيادا جاڭا ۆيرۋستان اۋىرعان ادامنىڭ ءولىمى تىركەلدى. 65 جاستاعى ەر ادام ەلدىڭ سولتۇستىگىندەگى «ۆالەنسەنن» اۋرۋحاناسىنا 23 ءساۋىر كۇنى تۇسكەن كورىنەدى. سول كەزدە ونىڭ بىرىككەن اراب امىرلىكتەرىنە ساپاردان ەندى عانا ورالعان بەتى ەكەن.سودان كەيىن پاتسيەنت ليلل قالاسىنداعى اۋرۋحاناعا اۋىستىرىلسا, 7 مامىردا دارىگەرلەر ونىڭ جاڭا ۆيرۋس جۇقتىرعانىن قۋاتتاعان. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە, بۇل ۆيرۋس العاش رەت بىلتىر تاياۋ شىعىستا انىقتالسا, وتكەن جىلدىڭ قىركۇيەك ايىنان بەرى ودان 16 ادام كوز جۇمىپتى. عالىمدار ۆيرۋس ادامنان ادامعا تىعىز بايلانىس جاساعاندا جۇعادى دەپ ەسەپتەيدى.
قىسقا قايىرىپ ايتقاندا:بيرمانىڭ سولتۇستىك-شىعىسىندا مۇسىلماندار مەن بۋدديستەر اراسىندا قاقتىعىس ورىن الدى. وقيعاعا لاشو قالاسىندا ءبىر مۇسىلماننىڭ بۋدديست ايەلدىڭ ۇستىنە بەنزين قۇيىپ جاعىپ جىبەرۋى سەبەپ بولدى.بۇۇ باس حاتشىسى پان گي مۋن «حەزبوللا» قوزعالىسىن جاقتايتىن ليۆاندىق شيتتەردى سيريا اۋماعىنداعى جانجالداردان اۋلاق بولۋعا شاقىردى. «حەزبوللانىڭ» كوسەمى شەيح ناسرۋللا وتكەن اپتادا العاش رەت ءوزىنىڭ جاقتاستارى سيريادا سوعىسىپ جۇرگەنىن مويىنداعان بولاتىن.بانگلادەشتە وپپوزيتسياداعى بەلسەندىلەر بىرنەشە قولدان جاسالعان بومبالاردى جارىپ, كوشەدە تۇرعان اۆتوكولىكتەردى قيراتتى. مانيفەستانتتار پرەمەر-مينيستر حاسينا ۆازەدتىڭ جالپىعا ورتاق سايلاۋ وتپەي تۇرىپ وتستاۆكاعا كەتۋىن وسىلايشا تالاپ ەتتى. ەۋروايماقتىڭ ىدىراۋى تەك ۋاقىت ەنشىسىندەگى ماسەلە. جاقىندا قۇرىلعان كونسەرۆاتيۆتىك «گەرمانيا ءۇشىن بالاما» پارتياسىنىڭ باسشىسى بەرند ليۋكە وسىنداي كوزقاراس تانىتىپ وتىر. ونىڭ پىكىرىنشە, گەرمانيا ەۋرودان باس تارتىپ, ءوزىنىڭ جەكە ۆاليۋتاسىنا قايتا ورالۋى ءتيىس.سوڭعى مالىمەتتەرگە قاراعاندا, ءۇندىستاننىڭ چحاتتيسگارح شتاتىنداعى دەپۋتاتتار كورتەجىنە ماويست-سودىرلار جاساعان شابۋىل سالدارىنان كەم دەگەندە 27 ادام قۇربان بولعان. بۇعان قوسا, تاعى 32 ادام ءتۇرلى دەنە جاراقاتتارىن العان.
ينتەرنەت ماتەريالدارى نەگىزىندە ازىرلەندى.