2019 جىلعا دەيىن تەستىلەۋگە 1 ميلليون 800 مىڭعا جۋىق ادام قاتىسقان. 169 تاپسىرۋ پۋنكتىندە وتەتىن تەستىلەۋگە قاتىسۋعا 117 242 ادام ءوتىنىش بەرگەن.
ۇبت-ءدىڭ فورماتىندا وزگەرىس جوق, ياعني بەس ءپان بويىنشا 120 سۇراق (20+20+20+30+30=120 تاپسىرما) بەرىلەدى. پاندەردىڭ ۇشەۋى مىندەتتى جانە تالاپكەردىڭ جوعارى وقۋ ورنىنا تاپسىراتىن ماماندىعىنا بايلانىستى ەكى بەيىندىك ءپانى بويىنشا سۇراقتار بەرىلەدى. ماتەماتيكالىق ساۋاتتىلىق, وقۋ ساۋاتتىلىعى جانە قازاقستان تاريحى پاندەرى – مىندەتتى, ارقايسىسىندا 20 سۇراق بولىپ, ءبىر دۇرىس جاۋاپ – ءبىر ۇپاي. بەيىندىك پاندەر بويىنشا سىناق تاپسىرۋشى وتىز سۇراقتىڭ جاۋابىن دۇرىس شەشۋى كەرەك. ءۇشىنشى جىل قولدانىلاتىن جاڭا فورماتتىڭ جاڭالىعى – تالاپكەر تاڭداۋ پاندەرىنىڭ سوڭعى ون سۇراعىنان ءبىر نەمەسە بىرنەشە جاۋاپ نۇسقالارىن تابۋى كەرەك. تاڭدالعان جاۋاپ نۇسقالارىنىڭ بارلىعى دۇرىس بولسا, 2 ۇپاي بەرىلەدى. ابيتۋريەنت وسىلايشا وتىز سۇراقتان 40 ۇپاي جينايدى. بارلىق پاندەر بويىنشا ماكسيمالدى بالل – 140. شەكتى بالل – 50.
فورمات وزگەرمەگەنىمەن, تۇلەكتەرگە بەرىلەتىن مۇمكىندىكتەر سانى ارتتى. بيىلدان باستاپ مەكتەپ بىتىرۋشىلەر سىناقتى ءتورت رەت (قاڭتار, ناۋرىز. ماۋسىم جانە تامىز ايلارىندا) تاپسىرا الادى. قاڭتار مەن ناۋرىز ايلارىندا تاپسىرىلعان سىناق ناتيجەلەرى بويىنشا جوعارى وقۋ ورنىنىڭ اقىلى بولىمىنە تۇسە الادى. ال, ماۋسىم ايىنداعى تەستىلەۋ تالاپكەرگە وقۋ گرانتىن جەڭىپ الۋ كونكۋرسىنا قاتىسۋعا مۇمكىندىك بەرەدى.
تەست تاپسىرۋعا ءوتىنىش بەرگەن جانداردىڭ 72 پايىزى – مەكتەپ تۇلەكتەرى, 20 مىڭنان استامى كوللەدج جانە شەتەلدىك ءبىلىم بەرۋ ۇيىمدارىنىڭ بىتىرۋشىلەرى. سونداي-اق ۇبت-ءدى كوللەدجدەن كەيىن تاپسىرۋشىلارعا دا بىرقاتار جەڭىلدىك كورسەتىلىپ وتىر. مىسالى, ولار بىتىرگەن ماماندىعى بويىنشا جوو-دا اقىلى نەگىزدە وقۋعا تۇسەم دەسە, ۇبت-دان بوساتىلىپ, تەك ەمتيحان تاپسىرادى.
بيىل گرانتتار ءبىلىم باعدارلامالارىنىڭ توپتارى بويىنشا بەرىلەدى. گرانتقا قۇجات تاپسىرعاندا تالاپكەر ءبىلىم باعدارلامالارىنىڭ توبى بويىنشا ءوتىنىش بەرەدى, ال گرانت جەڭىپ العاننان كەيىن وقۋ ورنىن جانە سول توپتىڭ ىشىندەگى ناقتى باعدارلامانى تاندايدى.
وسىنداي جەڭىلدىكتەر جاسالىپ, وزگەرىس ەنگەن ون ءبىر جىلعى ءبىلىم سىنالاتىن سىناقتى تالاپكەرلەردىڭ 75,3 پايىزى قازاق تىلىندە, 24,6 پايىزى ورىس, 0,1 پايىزى اعىلشىن تىلىندە تاپسىرادى.
تالاپكەرگە كەڭەس
ۇبت – ءبىلىمدى تەكسەرۋشى قۇرال عانا. سىناقتان سۇرىنگەندەرگە ومىردەن تۇڭىلۋگە بولمايدى, ويتكەنى ۇبت بارلىعىن شەشپەيدى. قوبالجۋ مەن قورقۋدى سەزىنىپ جۇرگەن جاس تۇلەك, اۋديتوريادا وزىڭە بەرىلگەن 3 ساعات 50 مينۋتتى ءتيىمدى جۇمساۋعا تىرىس. الدىمەن جاۋابىن بىلەتىن سۇراقتاردى بەلگىلەۋگە, شەشىمىن تابا الاتىن ەسەپتەردى شەشۋگە بارلىق ماماندار مەن ۇبت-ءدى باسىنان وتكەرگەن ءار ازامات كەڭەس بەرەدى.
سونىمەن قاتار تەستىلەۋدىڭ الدىندا ميدى دەمالدىرعان دۇرىس. مي تىنىققان كەزدە جاقسىراق جۇمىس ىستەي باستايدى. ۇيدەن تاڭعى اس ءىشىپ شىعۋ دا ماڭىزدى. ۆ, س دارۋمەندەرىنە باي جەمىس-جيدەكتەرمەن, كوكونىستەرمەن تاماقتانعان ءجون. گرەك جاڭعاعى ەستە ساقتاۋ قابىلەتىن جاقسارتادى. كۇش-قۋات بەرەتىن تاعامدار – جاقسى بالل جيناۋدىڭ شارتتارىنىڭ ءبىرى دەسەك, ارتىق ايتقاندىق بولماس.
تەستىلەۋ كەزىندە انىقتاما كىتاپشالارى مەن ۇيالى تەلەفوندى قولدانۋعا تىرىسپاۋ كەرەك. ول ويدى ءبولىپ, سۇراقتاردىڭ شەشىمىن تابۋ ءۇشىن ويلانۋعا مۇمكىندىك بەرمەيدى.
«وزىڭە سەن, ءوزىڭدى الىپ شىعار,
اقىلىڭ مەن ەڭبەگىڭ ەكى جاقتاپ» دەپ اباي اتامىز ايتپاقشى, ءوزىمىز بەن بىلىمىمىزگە سەنگەن دۇرىس. ەندەشە, ۇلكەن جولدىڭ الدىنداعى جاس تۇلەك, ءسات ساپار!
اسەم تاڭاتار,
ەۇۋ-ءدىڭ جۋرناليستيكا فاكۋلتەتى ستۋدەنتى