بالامالى حابار تاراتۋدان تسيفرلىققا كوشكەن كەزدە وبلىس ورتالىعىنڭ تۇرعىندارى وتاندىق 26 تەلەارنالاردى قاراي الادى, ال اۋداندار مەن قالالار 11 تەلە ارنانى تاماشالاۋعا مۇمكىندىك تۋادى. قازىر اۋدانداردا تەك وتاندىق 3 تەلە ارنا – حابار, قازاقستان, ەۋرازيا عانا كورسەتەدى.
تسيفرلىق دەڭگەيگە وتۋدە كىلتيپان دا جوق ەمەس. وبلىستا 2014 جىلدان بۇرىن شىققان تەلەۆيزورلار ارقىلى تسيفرلىق ەفيردى تاماشالاۋ ءۇشىن ارنايى قوسىمشا قوندىرعى (پريستاۆكا) الىنۋى ءتيىس. مۇنداي تەلەۆيزيالىق قوندىرعىلارمەن الەۋمەتتىك از قورعالعان, ادرەستىك ارنايى كومەك الىپ وتىرعان وتباسىلار بيۋدجەت ەسەبىنەن قامتاماسىز ەتىلۋى ءتيىس. بۇگىنگە دەيىن 7 ملن 557 مىڭ تەڭگەگە 687 پريستاۆكا الىندى. ال كەيبىر اۋداندار ءۇشىن سپۋتنيكتىك تارەلكالار كەرەك. ونىڭ قامىستى جانە دەنيسوۆ اۋداندارىندا قاجەتتىگى ءبىلىنىپ وتىر. وبلىس اكىمى ارحيمەد مۇحامبەتوۆ اتالعان اۋدان اكىمدەرىنە 1 شىلدەگە دەيىن سپۋتنيكتىك تارەلكالار تۇرعىندار ەڭ از تۇراتىن ەلدى مەكەندەردىڭ بارلىعىندا بولۋىن تاپسىردى.
«قازتەلەراديو» اق وبلىستىق فيليالىنىڭ مالىمەتىنشە, وڭىردە, ونىڭ ىشىندە قوستاناي اۋدانىنان باستاپ, بالامالى ەفير تاراتۋدى ءوشىرۋ جۇمىستارى 24-26 ماۋسىم ارالىعىندا جۇرە باستايدى. ودان كەيىن تامىز-قاراشا ايلارىندا بالامالى ەفير تاراتۋ قۇرالدارىن بولشەكتەۋ, بۇزۋ جۇمىستارى جۇرەتىن بولادى.
قوستاناي