الدىن الا بولجامدار بويىنشا, ستانسانىڭ ىشىندە گازبەن جۇرەتىن قۇرىلعىسى بار جەڭىل ماشينا بولعان. ستانسا ولاردىڭ قۇرىلعىسىن اۋىستىرىپ, جوندەپ بەرۋمەن اينالىسادى. جارىلىس سالدارىنان قاتتى ءورت شىعىپ, ستانسا عيماراتى تۇگەلىمەن قۇلاپ, جانىپ كەتتى. توتەنشە وقيعا تۇسكى ساعات 12.00-دە بولعان. شۇعىل حابار تۇسىسىمەن توتەنشە جاعدايلار, ءورت ءسوندىرۋ قىزمەتتەرىنىڭ ماماندارى, قىزمەتكەرلەرى, «جەدەل جاردەم» قىزمەتى وقيعا ورنىنان تابىلدى.
«بىزگە بۇگىن تۇسكى ساعات 12.02-دە پوليتسيا حابارلاعاننان كەيىن دارىگەرلىك بريگادا جەتى مينۋتتىڭ ىشىندە وقيعا ورنىندا بولدى. جارىلىستان عيمارات ورتەنگەن. زارداپ شەككەن ادامدار باسىنان جاراقاتتانعان, دەنە جاراقاتتارىن العان جانە تەرىسىن 20 پروتسەنتكە دەيىن كۇيىك شالعان. 3 ادام شۇعىل تۇردە اۋرۋحاناعا جاتقىزىلدى, ءۇش ادامعا مەديتسينالىق كومەك كورسەتىلدى» دەيدى «جەدەل جاردەم» قىزمەتىنىڭ باس دارىگەرى يرينا شتەيگەرۆالد.
توتەنشە جاعدايلار دەپارتامەنتى ءباسپاسوز قىزمەتىنىڭ جەتەكشىسى ءۋاليحان دوسانوۆ مالىمدەگەنىندەي, ءورت ءسوندىرىلدى, وقيعا ورنىندا 78 ادام, 21 تەحنيكا جۇمىس ىستەپ جاتىر.
قوستاناي