قالانىڭ قاق ورتاسىنا, ياعني التىنسارين جانە ءال-فارابي كوشەلەرىنىڭ قيىلىسىنا "جولدا قابىلداۋ" اكتسياسىنىڭ شاتىرى تىگىلدى. وندا قوستاناي وبلىسى پد باستىعىنىڭ ءبىرىنشى ورىنباسارى, پوليتسيا پولكوۆنيگى نىعىمەت ىسماعۇلوۆ جانە قوستاناي قالاسى پوليتسيا باسقارماسىنىڭ باستىعى, پوليتسيا پولكوۆنيگى قۇرمەت ماجىكەنوۆ باستاعان ءتارتىپ ساقشىلارى ازاماتتارعا قىزمەت كورسەتتى. تۇرعىندار ءتۇرلى سۇراقپەن كەلگەن, ولاردىڭ ماسەلەسى وسى جەردە تالقىلانىپ, ءارى قاراي زاڭ جۇزىندە ارەكەت ەتۋگە جىبەرىلدى. كولىك تىزىگندەگەن ازاماتتار ايىپپۇلدارىن تەكسەرتىپ, سول مەزەتتە تولەپ جاتتى.
ءتارتىپ ساقشىلار كومەگىنە جۇگىنگەندەردىڭ ءبىرى - ۆلاديمير سون. ول سوڭعى 17 جىل قوستاناي قالاسىندا تۇرادى, بىراق قۇجاتتارىنىڭ دۇرىس بولماۋىنا بايلانىستى قر ازاماتتىعىن الا الماي ءجۇر. قوستاناي پوليتسەيلەرىنىڭ ارالاسۋىمەن ەندى ول الداعى اپتادا قر ازاماتتىعىن الاتىن بولدى.
قوستاناي قالاسىنىڭ 21 جاستاعى تۇرعىنى يگور گاۆريلوۆ اسكەري بورىشىن وتەپ, مامانداندىرىلعان ورتا ءبىلىم العان. ەندى ول پوليتسياعا جۇمىسقا ورنالاسقىسى كەلەدى. "جولدا قابىلداۋ" اكتسياسىنا وسىنداي سۇراقپەن كەلگەن يگورعا باعىت-باعدار بەرىلدى. قوستاناي قالاسى پوليتسيا باقسارماسىنىڭ كادر جۇمىسى ءبولىمى الداعى ۋاقىتتا بوس ورىندار بولسا, وعان حابارلاسۋعا ۋادە ەتتى. ول ءۇشىن گاۆريلوۆ مەملەكەتتىك ەمتيحان تاپسىرۋى قاجەت.
"جولدا قابىلداۋ" اكتسياسى وبلىس بويىنشا ۇيىمداستىرىلۋدا. وسى جولى تەك جول بويىندا عانا ەمەس, كوپ قاباتتى تۇرعىن ءۇي اۋلالارىندا دا ازاماتتاردى قابىلداۋ ءجۇردى.
كەنجە قونىسباي,
قوستاناي وبلىسى پد ءباسپاسوز قىزمەتى