سارسەنبى, 20 ناۋرىز 2013 1:45
شاراينا
وتپەلى ۇكىمەت باسشىسى سايلاندى
ىستامبۇلدا سيريالىق وپپوزيتسيالىق ۇلتتىق كواليتسيا وتپەلى ۇكىمەتتىڭ پرەمەر-ءمينيسترىن سايلادى. ول قىزمەتكە 49 داۋىستان 35 داۋىس العان يسلامدىق بەلسەندى حاسان حيتتو سايلاندى.حيتتو بىرنەشە ونداعان جىلداردان بەرى ءوزى ءبىلىم العان اقش-تا تۇرادى.
سارسەنبى, 20 ناۋرىز 2013 1:45
شاراينا
وتپەلى ۇكىمەت باسشىسى سايلاندى
ىستامبۇلدا سيريالىق وپپوزيتسيالىق ۇلتتىق كواليتسيا وتپەلى ۇكىمەتتىڭ پرەمەر-ءمينيسترىن سايلادى. ول قىزمەتكە 49 داۋىستان 35 داۋىس العان يسلامدىق بەلسەندى حاسان حيتتو سايلاندى.حيتتو بىرنەشە ونداعان جىلداردان بەرى ءوزى ءبىلىم العان اقش-تا تۇرادى. 2012 جىلدىڭ قاراشاسىندا ول وپپوزيتسيا باقىلاۋىنداعى اۋماقتارداعى تۇرعىندارعا گۋمانيتارلىق كومەك كورسەتۋ ءۇشىن تەحاستان تۇركياعا كەلگەن بولاتىن. حيتتو وپپوزيتسيا يگىلىگى ءۇشىن قوعامدىق جۇمىستارمەن بەلسەندى اينالىسادى. ول اقش-تا اساد رەجىمىنە قارسىلاستاردى قولداۋ توبىن ۇيىمداستىردى, دەپ اتاپ كورسەتكەن سيريا ۇلتتىق كەڭەسىنىڭ وكىلى ماحمۋد ءال-حامزا.
«فۋكۋسيما» قىزا باستادى
جاپونيانىڭ «فۋكۋسيما-1» اتوم ەلەكتر ستانساسىنىڭ ءۇش ەنەرگوبلوگىندا ءبىر مەزگىلدە ەلەكترمەن جابدىقتاۋدا پروبلەمالار پايدا بولدى. قۋات كوزىنەن اجىراتۋ يادرولىق وتىننىڭ قالدىعىنا ارنالعان باسسەيندى سۋىتۋ جۇيەسىنىڭ توقتاپ قالۋىنا اپارىپ سوقتىرعان.«فۋكۋسيما-1» ستانساسىندا جۇمىس ىستەيتىن ينجەنەرلەردىڭ ورىن العان اقاۋدى قالپىنا كەلتىرۋگە ءدال ءتورت كۇن ۋاقىتتارى بار. وسى مەرزىم وتكەننەن كەيىن ەڭ ىستىق باسسەيندەگى تەمپەراتۋرا قاۋىپتى شەككە جەتىپ, احۋال بارىنشا شيەلەنىسە تۇسەدى. ازىرگە, مامانداردىڭ مالىمەتتەرى بويىنشا, +30,5 گرادۋس تەمپەراتۋرا تىركەلگەن, ال قاۋىپتى مولشەر +65 گرادۋس بولىپ تابىلادى. الدىن الا جاسالعان بولجام بويىنشا, اقاۋعا اەس-ءتىڭ قۋات تاراتۋ قۇرىلعىسىندا ورىن العان اپات سەبەپ بولعان.
قازا تاپقاندار سانى وسە تۇسۋدە
يراكتىڭ استاناسى باعدادتا سەيسەنبى كۇنى بولعان جارىلىستار مەن سودىرلار شابۋىلى سالدارىنان قازا تاپقاندار سانى ەلۋ التى ادامعا جەتىپ, ەكى ءجۇز ادام دەنە جاراقاتتارىن العان.بۇعان دەيىن اۆتوموبيلگە سالىنعان جارىلعىش زاتتىڭ جارىلۋى سالدارىنان جانە ەلدىڭ شيتتەر تۇراتىن اۋدانىنا جاسالعان شابۋىلدان باعدادتا جيىرما ەكى ادام قازا تاۋىپ, ەلۋدەن استام ادام زارداپ شەكتى, دەپ حابارلانعان بولاتىن. سوڭعى بىرنەشە ساعاتتاردا سودىرلار تاعى دا بىرنەشە شابۋىلدار جاساپ, ونىڭ سوڭى جاڭا قۇرباندىقتارعا سوقتىرعان. ازىرگە جاسالعان تەراكتىلەر ءۇشىن جاۋاپكەرشىلىكتى ەشكىم ءوز مويىندارىنا الماي وتىر.
كاپريلەس كۋباعا مۇناي بەرۋدەن باس تارتپاق
ۆەنەسۋەلا پرەزيدەنتتىگىنە وپپوزيتسيادان كانديدات ەنريكە كاپريلەس ەگەر ءوزى پرەزيدەنت لاۋازىمىنا سايلانار بولسا, كۋباعا مۇناي جەتكىزىپ بەرۋدى توقتاتاتىنىن مالىمدەدى.كۋباعا مۇنايدى جەڭىلدىكتى باعامەن ساتۋ ۆەنەسۋەلاعا ەشقانداي پايدا اكەلمەيدى. ەگەر مەن پرەزيدەنت بولىپ سايلانا قالسام كاسترو ۇكىمەتى بىزدەن ءبىر تامشى دا مۇناي المايتىن بولادى, دەپ اتاپ كورسەتكەن ول. ايتا كەتۋ كەرەك, ۋگو چاۆەس ۇكىمەتى كۋباعا مۇنايدى جەڭىلدىكتى باعامەن جەتكىزىپ كەلگەن بولاتىن, ال چاۆەستىڭ ءىزباسارى نيكولاس مادۋرو بۇعان دەيىن ءوزىنىڭ وسى ساياساتتى ودان ءارى جالعاستىراتىنىن حابارلاعان. ەلدەگى پرەزيدەنت سايلاۋى 2013 جىلدىڭ 14 ساۋىرىندە وتەدى.
قىتاي ۇلىبريتانيانى باسىپ وزدى
قىتاي ۇلىبريتانيانى باسىپ وزىپ, الەمدىك ارەنادا قارۋ-جاراق پەن اسكەري تەحنيكانى جەتكىزىپ بەرۋدە بەسىنشى ەلگە اينالدى. قىتاي ەكسپورتىنىڭ ارتۋى سوڭعى جيىرما جىلدا العاش رەت ورىن الىپ وتىر.بۇگىندە اسپان استى ەلىنىڭ ۇلەسىنە رىنوكتىڭ تەك 5 پايىزى عانا تيەدى, ال ليدەرلەر سانالاتىن اقش پەن رەسەي رەيتىنگى تيىسىنشە 36 جانە 26 پايىزدان. سونىمەن بىرگە 2008 جىل مەن 2012 جىل ارالىعىندا قىتاي ەكسپورتى بۇعان دەيىنگى بەسجىلدىقتىڭ كورسەتكىشىمەن سالىستىرعاندا 162 پايىزعا ءوستى. ستوكگولم الەمدىك پروبلەمالاردى زەرتتەۋ ينستيتۋتىنىڭ زەرتتەۋى بويىنشا, قىتاي تەحنيكاسى مەن قارۋ-جاراعىن ساتىپ الۋشى نەگىزگى ەل پاكستان بولىپ وتىر.
كجپ تۇرىك ارمياسىمەن بىتىمگە كەلمەك
تۇركياداعى نەعۇرلىم ىقپالدى كۋرد پارتياسى بولىپ تابىلاتىن تۇركيانىڭ بەيبىتشىلىك پەن دەموكراتيا پارتياسىنىڭ دەلەگاتسياسى وتكەن دۇيسەنبى كۇنى كۋرد جۇمىسشى پارتياسىنىڭ تۇتقىنداعى كوسەمى ابدۋللا ودجالانمەن كەلىسسوزدەر جۇرگىزگەن.ودجالان ۇستىمىزدەگى جىلدىڭ 21 ناۋرىزىندا كۋرد جۇمىسشى پارتياسىنىڭ ۇكىمەت اسكەرىمەن ارادا رەسمي تۇردە ءبىتىم جاريالايتىنىن مالىمدەگەن. ايتا كەتۋ كەرەك, كجپ 1979 جىلى قۇرىلعان. ول قارۋلى جولمەن تۇركيا مەن يراكتىڭ شەكاراسىنداعى كۋردتەر جيناقى ورنالاسقان اۋدانىندا تاۋەلسىز مەملەكەت قۇرۋعا ۇمتىلادى. قازىرگى ۋاقىتتا وسى ۇيىمنىڭ نەگىزىنەن يراكتا تۇراتىن قارۋلانعان مۇشەلەرى تۇركيا اۋماعىنا ءوتىپ تەررورلىق اكتىلەر ۇيىمداستىرىپ تۇرادى.
قحر توراعاسى العاشقى ساپارىن رەسەيگە جاساماق
قىتاي حالىق رەسپۋبليكاسىنىڭ توراعاسى سي تسزينپين ءوزىنىڭ العاشقى رەسمي ساپارىن رەسەيگە جاساماق.قحر توراعالىعىنا سايلانعاننان كەيىن ءوزىنىڭ العاشقى شەتەلدىك ساپارىن رەسەيگە جاساۋى رەسەي-قىتاي قارىم-قاتىناستارىنىڭ ايرىقشا سيپاتىن بىلدىرەدى. ونى قىتاي مەن رەسەي باسشىلارىنىڭ جوعارى نازار اۋدارۋى دا كورسەتىپ وتىر, دەپ اتاپ كورسەتكەن ءباسپاسوز ءماسليحاتىندا قحر سىرتقى ىستەر ءمينيسترىنىڭ ورىنباسارى چەن گوپين. ساپار باعدارلاماسى وتە تىعىز. قحر توراعاسىنىڭ قاتىسۋىمەن جيىرماعا جۋىق ءىس – شارا ءوتىپ, ول تاڭەرتەڭنەن كەشكە دەيىن جالعاسپاق. ءسوز ورايىندا قحر توراعاسىنىڭ رەسەيگە ساپارىنىڭ 22-24 ناۋرىزعا جوسپارلانىپ وتىرعانىن دا ايتا كەتۋ كەرەك.
23 جىلدان سوڭ اشىلعان قىلمىس
فەدەرالدىق تەرگەۋ بيۋروسىنىڭ قىزمەتكەرلەرى 1990 جىلى بوستونداعى جەكە مەنشىك كوركەمسۋرەت گالەرەياسىن توناپ كەتكەن قىلمىسكەرلەردىڭ ىقتيمال دەگەن ىزىنە تۇسكەن.1990 جىلدىڭ 18 ناۋرىزىندا پوليتسەي كيىمىن كيگەن ەكى ەر ادام يزابەللا ستيۋارت گاردنەردىڭ مۋزەيىنە كىرىپ الەمگە تانىمال سۋرەتشىلەر – كلود مونەنىڭ, رەمبراندتىڭ, يان ۆەرمەەردىڭ, ەدگار دەگانىڭ ون ءۇش پولوتنوسىن ۇرلاپ كەتكەن. وسىلايشا. باق-تىڭ مالىمدەۋىنشە, قىلمىسكەرلەر گالەرەياعا 500 ميلليون دوللار شىعىن كەلتىرگەن. فتب قىزمەتكەرلەرى توناۋشىلار ەسىمدەرىنىڭ كىم ەكەنىن انىقتاعان. بىراق ازىرگە ۇرلانعان كارتينالاردىڭ قايدا جاسىرىلعانى بەلگىسىز بولىپ وتىر.
ينتەرنەت ماتەريالدارى نەگىزىندە ازىرلەندى.