قر پرەزيدەنتىنىڭ كەزەكتەن تىس سايلاۋى كۇنى ءۇشىنشى مەگاپوليستە 53 ءسابي دۇنيەگە كەلدى.
اق حالاتتىلاردىڭ ايتۋىنشا, ساياسي دودا كۇنى دۇنيەگە كەلگەندەردىڭ باسىم بولىگى قىز بالالار ەكەن.
«ولاردىڭ 29 قىز بولسا, 24-ءى ۇل بالالار. بارلىعىنىڭ دەنساۋلىعى جاقسى. ولاردىڭ ساۋلىعى نازارىمىزدا», دەيدى مەديتسينا قىزمەتكەرلەرى.
ايتا كەتەرلىگى, سايلاۋ كۇنى دۇنيەگە ءسابي اكەلگەن كەلىنشەكتەر كەزەكتەن تىس وتكەن سايلاۋدا ءوز داۋىستارىن بەرگەن. ولار ءۇشىن پەرزەنتحانالاردا سايلاۋ ۋچاسكەلەرى جۇمىس ىستەگەن. ال بولمەسىنەن شىعا الماعان انالارعا ارنايى جاشىك جەتكىزىلگەن. پەرزەنتحاناداعى انالار ساياسي سايلاۋعا 100 پايىز قاتىسىپ, ءوز تاڭداۋىن جاساعان.