مەملەكەت باسشىسى قاسىم-جومارت توقاەۆ رەسەي فەدەراتسياسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى الەكسەي بوروداۆكيندى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
الەكسەي بوروداۆكين قاسىم-جومارت توقاەۆقا كەزدەسۋگە ءمۇمكىندىك بەرگەنى ءۇشىن ريزاشىلىق ءبىلدىرىپ, پرەزيدەنت سايلاۋىنداعى جەڭىسىنە بايلانىستى رەسەي فەدەراتسياسىنىڭ پرەزيدەنتى ۆلاديمير ءپۋتيننىڭ قۇتتىقتاۋىن جەتكىزدى.
– مەن ءسىزدى داۋىس بەرۋشىلەر بەلسەندى قاتىسقان سايلاۋداعى ايقىن جەڭىسىڭىزبەن قۇتتىقتايمىن. بۇل – تازا جەڭىس ءارى حالىقتىڭ ءسىزدى قازاقستان پرەزيدەنتى رەتىندە تاڭداۋىنىڭ ايقىن دالەلى, – دەدى رەسەي ەلشىسى.
سونىمەن قاتار قازاقستان-رەسەي قارىم-قاتىناستارىن ودان ءارى تەرەڭدەتۋ جانە ەكى ەلدىڭ حالىقارالىق ۇيىمدار اياسىنداعى ىنتىماقتاستىعىنا قاتىستى ءماسەلەلەر تالقىلاندى.