سەيسەنبى, 19 اقپان 2013 7:17
ەكس-پرەمەردى قايتارۋدى سۇرادى
تاجىكستاننىڭ باس پروكۋراتۋراسى رەسمي كيەۆكە ەلدىڭ بۇرىنعى پرەمەر-ءمينيسترى ابدۋماليك ابدۋللودجونوۆتى ەكستراديتسيالاۋعا قاتىستى قۇجاتتار جولدادى. قۇجاتتاردا ەكس-پرەمەرگە تاعىلعان ايىپتار كورسەتىلگەن.
سەيسەنبى, 19 اقپان 2013 7:17
ەكس-پرەمەردى قايتارۋدى سۇرادى
تاجىكستاننىڭ باس پروكۋراتۋراسى رەسمي كيەۆكە ەلدىڭ بۇرىنعى پرەمەر-ءمينيسترى ابدۋماليك ابدۋللودجونوۆتى ەكستراديتسيالاۋعا قاتىستى قۇجاتتار جولدادى. قۇجاتتاردا ەكس-پرەمەرگە تاعىلعان ايىپتار كورسەتىلگەن.
حالىقارالىق ىزدەۋ جاريالانعان ەكس-پرەمەر 5 اقپاندا بوريسپول اۋەجايىندا ۇستالىپ, سوت شەشىمىمەن 40 تاۋلىككە قاماۋعا الىنعان بولاتىن. تاجىكستان بۇرىنعى پرەمەردى پرەزيدەنت ەمومالي راحمونعا 1997 جىلى قاستاندىق جاساۋدى ۇيىمداستىردى دەپ ايىپتايدى. سونداي-اق, وعان 1998 جىلى سوگدي وبلىسىندا ونداعان ادام قازا تاپقان تارتىپسىزدىكتى ۇيىمداستىردى دەگەن كىنا تاعادى. ونىڭ ۇستىنە ول پرەمەر بولعان كەزدە اسا ءىرى كولەمدە مەملەكەت مۇلكىن تالان-تاراجعا سالعان دەگەن كۇدىك كەلتىرەدى. كەزىندە ەكس-پرەمەر پرەزيدەنتتىك سايلاۋعا قاتىسىپ, قازىرگى پرەزيدەنتتەن جەڭىلىس تاپقان ەدى.
«شۇباركول مەتەوريتى» دەگەن اتاۋعا يە بولادىرەسەي عالىمدارى 15 اقپان كۇنى چەليابى وبلىسىنداعى شۇباركول كولىنىڭ اۋماعىنا قۇلاعان مەتەوريتتىڭ قالدىقتارىن تاپتى. «نوۆوستي» اقپارات اگەنتتىگىنىڭ حابارلاۋىنشا, قالدىقتار ۋرال فەدەرالدى ۋنيۆەرسيتەتىنىڭ «نانوتەح» عىلىمي زەرتحاناسىنا تاپسىرىلعان.جۇرگىزىلگەن تالداۋ-زەرتتەۋ كورسەتكەنىندەي, مەتەوريت كادىمگى حوندريتتەر كلاسىنا جاتادى, ونىڭ قۇرامىندا 10 پايىزعا جۋىق تەمىر بار. ۋنيۆەرسيتەت عالىمى ۆيكتور گوروحوۆسكيدىڭ ايتۋىنشا, بۇل جاڭا مەتەوريت حالىقارالىق كاتالوگقا «شۇباركول مەتەوريتى» دەگەن اتاۋمەن ەنۋى مۇمكىن. رەسەيلىك مامانداردىڭ جاساعان بولجامىنا قاراعاندا, مەتەوريت اتموسفەراعا ساعاتىنا 54 مىڭ شاقىرىم جىلدامدىقپەن كىرىپ, جەردەن 30-50 شاقىرىمداي بيىكتىكتە جارىلعان.
پرەزيدەنتتىك سايلاۋ باستالدىكەشە ارمەنيادا پرەزيدەنتتىك سايلاۋ باستالدى. ەلدىڭ اۋماعىنداعى سايلاۋ ۋچاسكەسىندە 1988 سايلاۋشى داۋىس بەرىپ جاتىر. بۇل جونىندە «ينتەرفاكس» اقپارات اگەنتتىگى حابارلادى.ەلدىڭ سايلاۋ زاڭنامالارىنا سايكەس سايلاۋشىلار تەك ەل اۋماعىندا عانا داۋىس بەرۋلەرى ءتيىس. ديپلوماتيالىق ميسسيالاردىڭ قىزمەتكەرلەرىنە جانە ولاردىڭ وتباسىلارىنا ەلدەن تىس جەرلەردە داۋىس بەرۋگە قۇقىق بەرىلگەن. ولاردىڭ جالپى سانى – 243 ادام. بۇلار ءۇشىن ەلەكتروندى داۋىس بەرۋ ۇيىمداستىرىلعان. پرەزيدەنتتىككە جەتى كانديدات: ەلدىڭ قازىرگى باسشىسى, رەسپۋبليكالىق پارتيانىڭ توراعاسى س.سارگسيان, «بوستاندىق» پارتياسىنىڭ جەتەكشىسى گ.باگراتيان, «ميراس» پارتياسىنىڭ باسشىسى ر.وۆوننيسيان, ۇلتتىق ءوزىن ءوزى ايقىنداۋ پارتياسىنىڭ توراعاسى پ.ايريكيان, تاۋلى قاراباقتىڭ بۇرىنعى سىرتقى ىستەر ءمينيسترى ا.مەليكيان جانە ساياساتتانۋشى ا.گۋكاسيان بار.
37 بەيبىت تۇرعىن مەرت بولدى«اسسوشەيتەد پرەسس» اگەنتتىگىنىڭ حابارلاۋىنشا, باعدادتا بولعان بىرنەشە جارىلىس سالدارىنان 37 ادام مەرت بولىپ, 130-دان استام ادام جارالانعان. جارىلىستار نەگىزىنەن مۇسىلمان شيتتەر باسىم قونىستانعان اۋداندا جاسالعان.جەرگىلىكتى پوليتسيا ورگاندارىنىڭ دەرەكتەرىنە قاراعاندا, بۇل اۋماقتا جارىلعىش زاتتار قويىلعان بەس اۆتوكولىك بىرىنەن سوڭ ءبىرى جارىلعان. پوليتسەيلەر جارىلعىش قوندىرعىلار ورناتىلعان ەكى اۆتوماشينانى زالالسىزداندىرىپ ۇلگەرىپتى. قازىرگە جارىلىس جاۋاپكەرشىلىگىن ەشكىم موينىنا العان جوق. جارىلىستى ءسۇننيت ەكسترەميستەرى جاسادى دەگەن بولجام ايتىلۋدا.
ەۆكۋروۆ وتستاۆكاعا كەتۋى مۇمكىنينگۋشەتيا باسشىسى يۋنۋس-بەك ەۆكۋروۆ جاقىندا وتستاۆكاعا كەتۋى مۇمكىن. رەسەيلىك كەيبىر اقپارات اگەنتتىكتەرىنىڭ جازۋىنا قاراعاندا, قازىرگى كەزدە كرەمل ونىڭ ورنىنا ادام ىزدەستىرىپ جاتقان سياقتى. ونىڭ كىم ەكەنى قۇپيا ساقتالىپ وتىر.جوسپار بويىنشا ينگۋشەتيادا سايلاۋ وسى جىلدىڭ قىركۇيەگىندە ءوتۋى ءتيىس. دەرەك كوزدەرى بويىنشا ەۆكۋروۆ ينگۋشەتيا ءۇشىن قاتال باسشى ەمەس سياقتى. «ۆەدوموستي» باسىلىمىنىڭ جازۋىنشا, رەسپۋبليكانىڭ جاڭا باسشىلىعىنا مۋراد زيازيكوۆ كەلىپ قالۋى ىقتيمال. ول بۇعان دەيىن دە ينگۋشەتياعا باسشىلىق ەتكەن. بيىلعى جىلدىڭ قاڭتارىندا رەسەي پرەزيدەنتى ۆلاديمير پۋتين داعىستان رەسپۋبليكاسىنىڭ باسشىسى ماگومەدسالام ماگوماەۆتىڭ وتستاۆكاسىن قابىلداعان بولاتىن.
ءبىرىنشى تۋردىڭ ناتيجەسىن شىعاردىكيپر جەكسەنبى كۇنى پرەزيدەنتتىك سايلاۋدىڭ ءبىرىنشى تۋرىنىڭ ناتيجەسىن شىعاردى. «فرانس-پرەسس» اگەنتتىگىنىڭ اقپاراتتارى بويىنشا سايلاۋدىڭ ەكىنشى تۋرىنا ديسي پارتياسىنان ۇسىنىلعان كانديدات نيكوس اناستاسياديس پەن ايەل كوممۋنيستىك پارتياسىنان كانديدات ستاۆروس مالاس شىققان.اناستاسياديس سايلاۋشىلار داۋىسىنىڭ 45 پايىزىنا, مالاس 27 پايىزىنا يە بولعان. سايلاۋ ۋچاسكەسىنە سايلاۋشىلاردىڭ 83 پايىزى كەلىپ, ءوز تاڭداۋلارىن جاساپتى. پرەزيدەنتتىك سايلاۋدىڭ ەكىنشى تۋرى 24 اقپاندا وتەدى. كيپر 2011 جىلدان بەرى قارجى داعدارىسىن ايتارلىقتاي كورىپ كەلەدى. بۇل از بولعانداي, وتكەن جىلى ءىرى رەيتينگتىك اگەنتتىكتەر كيپردىڭ كرەديتتىك رەيتينگىن بىرنەشە ساتىعا تومەندەتكەن بولاتىن. ال سايلاۋشىلار نيكوس اناستاسياديسقا سەنىم ارتاتىن سياقتى.
قىسقا قايىرىپ ايتقاندا:* تۇركىمەنستاندا ساياسي بەلسەندىلەر ا.امانكلىچەۆ پەن س.حادجيەۆ بوستاندىققا شىقتى. ولار وزدەرىنىڭ ساياسي كوزقاراستارى ءۇشىن 2006 جىلدان بەرى تۇرمەدە وتىرعان بولاتىن.* يزرايل پرەمەر-ءمينيسترى ب.نەتانياحۋ سيريا بوسقىندارىنىڭ ەل اۋماعىنان تەك تولقۇجاتتى كورسەتۋ ارقىلى وتە الاتىنىن مالىمدەدى. بۇل قاۋىپسىزدىك ءۇشىن قاجەت.* بيىلعى جىلى رەسەيدە ميللياردەرلەر سانى وسى ەل تاريحىندا رەكوردتىق كورسەتكىشكە جەتىپ, 131 ادامدى قۇرادى.* جەكسەنبى كۇنى وتكەن پرەزيدەنتتىك سايلاۋدا ەكۆادور پرەزيدەنتى رافاەل كوررەا جەڭىسكە جەتىپ, ەكىنشى مەرزىمگە سايلاندى.
ينتەرنەت ماتەريالدارى نەگىزىندە ازىرلەندى.