وبلىس ورتالىعىنداعى ەستاي اتىنداعى مادەنيەت سارايىنىڭ الدىندا قالالىق كاسىپكەرلىك جانە اۋىل شارۋاشىلىعى ءبولىمى ۇيىمداستىرعان ازىق-ت ۇلىك جارمەڭكەسى سايلاۋشىلارعا ارنالدى.
جارمەڭكەدە جۇمىرتقانىڭ قورابى 185 تەڭگەدەن, 2 كەلىلىك ۇن 270 تەڭگەدەن, 5 كەلىلىك قانت 1125 تەڭگەدەن ساتىلۋدا.
ۋچاسكەلىك كوميسسياسى توراعاسى ءبىرجان وسكەمباەۆتىڭ ايتۋىنشا, ۋچاسكەدە 2203 سايلاۋشى تىركەلگەن.
قازىر تۇرعىندار بەلسەندى تۇردە داۋىس بەرۋدە.
ساعات 11:00-دە 670-كە جۋىق ادام داۋىس بەرىپ ۇلگەردى. العاش داۋىس بەرۋگە تاڭەرتەڭ 16 ادام كەلگەن.
سونداي-اق, مۇمكىندىگى شەكتەۋلى 20 ادام ۇيىندە داۋىس بەرۋگە ءوتىنىش ءبىلدىردى. ولارعا ارنالىپ 2 جاشىك بولىنگەن.
ال, سايلاۋ ۋچاسكەسىندە مۇمكىندىگى شەكتەۋلى جاندارعا ارنالعان كەرەكتى قۇرالدارمەن جابدىقتالعان ارنايى بۇرىش بولىنگەن.
ۋچاسكەدە نوۆوسىبىردەن كەلگەن شەتەلدىك باقىلاۋشى مەن پارتيالاردىڭ جانە پرەزيدەنتتىككە ۇمىتكەرلەردىڭ سەنىمدى وكىلدەرى بار.