سارسەنبى, 6 اقپان 2013 7:20
كحدر اقش-تى «جەرمەن-جەكسەن ەتتى»سولتۇستىك كورەيانىڭ مەملەكەتتىك پورتالى ناسيحات بەينەروليگىن جاريالادى. وندا اقش-تىڭ نيۋ-يورك قالاسىن ەلەستەتەتىن مەگاپوليسكە «زىمىراندىق سوققى بەرۋ» سالدارى كورسەتىلەدى. بەينەجازبا كورەيانىڭ جەر شارىن اينالىپ ۇشاتىن عارىش كەمەسىنىڭ بورتىنان جاسالعان سوققىنى كولدەنەڭ تارتادى.
سارسەنبى, 6 اقپان 2013 7:20
كحدر اقش-تى «جەرمەن-جەكسەن ەتتى»سولتۇستىك كورەيانىڭ مەملەكەتتىك پورتالى ناسيحات بەينەروليگىن جاريالادى. وندا اقش-تىڭ نيۋ-يورك قالاسىن ەلەستەتەتىن مەگاپوليسكە «زىمىراندىق سوققى بەرۋ» سالدارى كورسەتىلەدى. بەينەجازبا كورەيانىڭ جەر شارىن اينالىپ ۇشاتىن عارىش كەمەسىنىڭ بورتىنان جاسالعان سوققىنى كولدەنەڭ تارتادى.
روليكتەگى ۇشىرىلىم 2012 جىلدىڭ 12 جەلتوقسانىندا سولتۇستىك كورەيانىڭ سپۋتنيگىن وربيتاعا شىعارعان «ىنحا-3» زىمىرانىنىڭ كومەگىمەن جۇزەگە اسىرىلعان-مىس. ال, بەينەروليكتە اقش-تىڭ اسا ءىرى شاھارىنىڭ سوققىدان كەيىنگى ك ۇلى كوككە ۇشقان ءۇيىندىسى بۇگە-شىگەسىنە دەيىن ايقىن كورسەتىلگەن. حالىقارالىق قوعامداستىق بولسا, كحدر يادرولىق سىناق جاساۋعا دايىندالىپ جاتىر-اۋ دەپ قاۋىپتەنەدى.
جاڭا زىمىراننىڭ قۇنى قانشا؟رەسەيدىڭ «ەنەرگيا» زىمىراندىق-عارىشتىق كورپوراتسياسى جاڭا كولىك عارىش كەمەسىنىڭ ەكونوميكالىق پارامەترلەرىن بەلگىلەدى. ونىڭ قۇنى 160 ملرد. رۋبلگە تەڭ. باس كونسترۋكتوردىڭ ورىنباسارى الەكساندر دەرەچيننىڭ سوزىنە قاراعاندا, عارىش كەمەسى «ەنەرگيا-بۋران» جوباسىمەن پارا-پار جانە حالىقارالىق عارىش ستانساسىنا ۇشىپ جۇرگەن «سويۋز» اپپاراتتارىن الماستىرادى.جاڭا عارىش كەمەسى وربيتاعا شىعىپ قانا قويماي, ايعا دا ۇشا الاتىن بولادى. بۇل جەردە ونى اقش-تىڭ ءوزى تەكتەس Orion oت Lockheed Martin عارىش كەمەسىمەن سالىستىرۋعا بولادى. بىراق, Orion-نىڭ پلانەتاارالىق ۇشىرىلىمدارعا ارنالعان ارتىقشىلىقتارى بار ەكەنىن دە ايتا كەتكەن ءجون. ال, رەسەيدىڭ جاڭا كەمەسى 2017 جىلى سىناقتان وتكىزىلۋى مۇمكىن دەلىنىپ وتىر.
قاشقانداردىڭ دەنى قايتا ورالدىقىرعىزستان پرەزيدەنتى المازبەك اتامباەۆتىڭ مەملەكەتتىك رەزيدەنتسياسىن كۇزەتەتىن 39 سولدات كۇزەت ورىندارىن تاستاپ كەتكەن بولاتىن. اراعا ءبىر كۇن سالىپ ولاردىڭ 22-ءسى اسكەري بولىمدەرىنە قايتا ورالعان. اسكەري قىزمەتشىلەردىڭ جاپپاي قاشۋىنا بايلانىستى قىرعىزستان ءىىم قىزمەتتىك تەكسەرۋ باستاسا, قالعان قاشقىنداردىڭ قايدا ەكەندەرى انىقتالۋ ۇستىندە.سولداتتاردىڭ اسكەري بولىمدەردى تاستاپ قاشقاندارى تۋرالى اقپارات ءىىم-گە 4 اقپان كۇنى بەلگىلى بولادى. ءبولىم باسشىلىعى ءبىر تاۋلىك بويى قاشقىنداردى ءوز كۇشتەرىمەن ىزدەپ تابۋعا تىرىسىپ, ەشقايدا حابارلامايدى. ال سولداتتار مەملەكەتتىك رەزيدەنتسيانى ناريادقا تۇسكەن كەزدە تاستاپ قاشىپ كەتكەن. قاشقىنداردىڭ بارلىعى الداعى كوكتەمدە دەموبيليزاتسياعا شىعاتىندار ەكەن. ەندى ولاردىڭ دەر كەزىندە ۇيلەرىنە قايتۋى ەكىتالاي.
قىسقا قايىرىپ ايتقاندا:
*امەريكالىق سەناتور دجون ماككەين يران پرەزيدەنتى ماحمۇد احمادينەجادتى ونىڭ عارىشقا ۇشۋ نيەتى بار ەكەنى تۋرالى مالىمدەمەسىنە وراي مايمىل دەپ اتادى. ويتكەنى, وتكەن اپتادا عارىشقا يراننان مايمىل بارىپ قايتقان ەدى. l ءۇندىستان ۇستىمىزدەگى جىلى رەسەيدەن جەتى پالۋبالىق جويعىش ۇشاقتارىن الادى. بۇل 2004 جىلى ەكى ەل اراسىندا قول قويىلعان العاشقى كەلىسىم-شارت شەڭبەرىندەگى 16 ۇشاقتىڭ سوڭعىلارى. ال, ەكىنشى كەلىسىم-شارت بويىنشا جالپى قۇنى 1,5 ملرد. دوللارلىق 29 ۇشاق ساتۋ جۇزەگە اسپاق.*اقش-تىڭ الاباما شتاتىندا 5 جاسار بالانى كەپىل رەتىندە ۇستاعان 65 جاستاعى دجيممي لي دايكەس ەسىمدى بىرەۋ اتىپ ءولتىرىلىپ, ءسابي بوساتىپ الىندى. وعان ەشقانداي زارداپ تيمەگەن. دايكەس ۆەتنام سوعىسىنىڭ ارداگەرى كورىنەدى.* يراك سوعىسىندا مەرگەندىگىمەن تانىلىپ, ءولىم شاشقان تەحاستىق كريس كايلدى قارسىلاستارى «شايتان» دەپ اتاعان ەكەن. ول 160 يراندىقتى وققا بايلاسا كەرەك. بۇل – رەسمي مالىمەت. ال رەسمي ەمەس ەسەپ 200-دەن اسىپ جىعىلادى. وتكەن سەنبى كۇنى مەرگەن بۇرىنعى قارۋلاس جولداسىنىڭ قولىنان قازا تاپقان. ونىڭ نە ءۇشىن اتىپ ولتىرىلگەنى ازىرشە بەلگىسىز.
وپپوزيتسياشىلار تۇتقىندالدىازەربايجاندا تارتىپسىزدىكتەرمەن بايلانىستى ەكى وپپوزيتسيالىق پارتيانىڭ وكىلدەرى تۇتقىندالدى. باكۋ قالاسىنداعى ناسيمين اۋداندىق سوتىنىڭ شەشىمى بويىنشا «مۋساۆات» پارتياسى توراعاسىنىڭ ورىنباسارى توفيگ ياگۋبلۋ مەن REAL قوزعالىسىنىڭ توراعاسى يلگار مامەدوۆ قاماۋعا الىندى.تۇتقىندالعاندارعا قوعامدىق ءتارتىپتى بۇزدى, بيلىك وكىلدەرىنە قارسىلىق كورسەتتى دەگەن باپتار بويىنشا ايىپ تاعىلعان. ال, تارتىپسىزدىكتەرگە باكۋ تۇرعىنى, «چىراگ» قوناق ءۇيىنىڭ ديرەكتورى, اۋدان اكىمشىلىگى باسشىسىنىڭ نەمەرە ءىنىسى, ەڭبەك ءمينيسترى ۆۋگار الەكپەروۆتىڭ ۇلى ەميل ءشامساددينوۆتىڭ «قىزۋ» كۇيدە جول-كولىك اپاتىن جاساپ قانا قويماي, ەكىنشى كولىكتىڭ جۇرگىزۋشىسىن سوققىعا جىققانى, بىراق ەشقانداي جازا الماعانى سەبەپ بولىپتى.
زورلىقشىلارعا ىسىنە ساي ءجازاۇندىستان پرەزيدەنتى پراناب مۋكەردجي ايەلدەرگە قاتىستى زورلىق جاساعاندارى ءۇشىن قولدانىلاتىن ەڭ اۋىر جازا – ءولىم جازاسىن ماقۇلدادى. مەملەكەت باسشىسىنىڭ بۇل شەشىمىن التى اپتا ىشىندە پارلامەنت ماقۇلداۋى ءتيىس. سودان كەيىن-اق بۇل زاڭ كۇشىنە ەنەدى. جاڭارتىلعان زاڭعا سايكەس زورلىقشىل كەم دەگەندە 7 جىل تۇرمەگە قامالادى نەمەسە ءولىم جازاسىنا كەسىلەدى.ءۇندىستان باسشىلىعى مۇنداي قادامعا وتكەن جىلدىڭ سوڭىندا 23 جاستاعى ستۋدەنت قىز زورلانعاننان كەيىن بارىپ وتىرعان سىڭايلى. وعان اۆتوبۋس سالونىندا 6 ەركەك زورلىق كورسەتسە, اراعا 13 كۇن سالىپ العان جاراقاتتارىنان ول كوز جۇمعان بولاتىن. ستۋدەنت قىزدىڭ ءولىمى دەليدە عانا ەمەس, بۇكىل ءۇندىستان اۋماعىندا ۇلكەن نارازىلىق تۋىنداتقان ەدى.
سىياقىنى قايتارۋدان باس تارتتىاتاقتى امەريكالىق ۆەلوشاباندوز لەنس ارمسترونگتىڭ دوپينگ قولدانعانى ءۇشىن بارلىق اتاقتارىنان ايىرىلعانى بەلگىلى. ەندى ول «تۋر دە فرانس» كوپكۇندىگىندەگى جەتى جەڭىسى ءۇشىن العان 12 ملن. دوللار سىياقىنى قايتارۋدان باس تارتىپ وتىر.ل.ارمسترونگ اسا بەدەلدى كوپكۇندىكتى 1999 – 2005 جىلدار ارالىعىندا قاتارىنان جەتى مارتە جەڭىپ العان بولاتىن. الايدا, ول ۇستىمىزدەگى جىلدىڭ قاڭتارىندا سول جىلداردىڭ بارىندە تىيىم سالىنعان پرەپاراتتار قولدانعانىن مويىنداعان ەدى. كوپكۇندىكتى ۇيىمداستىرۋ كوميتەتىنىڭ باسشىسى كريستيان پريۋدومم شاباندوز سىياقى رەتىندە العان بارلىق اقشانى قايتارۋى كەرەك دەسە, ارمسترونگتىڭ ادۆوكاتى ديسكۆاليفيكاتسيالانعان سپورتشىلاردىڭ سىياقىلاردى ەشقاشان قايتارمايتىنىن كولدەنەڭ تارتادى.
ينتەرنەت ماتەريالدارى نەگىزىندە ازىرلەندى.