سارسەنبى, 30 قاڭتار 2013 7:51
بۇرناعى كۇنى برازيليانىڭ سانتا-ماريا قالاسىنداعى تۇنگى كلۋبتا بولعان ءورت سالدارىنان 231 ادام قازا تاپقانى بەلگىلى. وسى قايعىلى وقيعاعا بايلانىستى ەلدە 3 كۇندىك قارالى كۇن جاريالاندى. كوز جۇمعانداردىڭ جاقىندارى بيلىككە كىنالىلەردى ادىلەتتى جازالاۋ كەرەك دەگەن تالاپ قويىپ وتىر.
سارسەنبى, 30 قاڭتار 2013 7:51
بۇرناعى كۇنى برازيليانىڭ سانتا-ماريا قالاسىنداعى تۇنگى كلۋبتا بولعان ءورت سالدارىنان 231 ادام قازا تاپقانى بەلگىلى. وسى قايعىلى وقيعاعا بايلانىستى ەلدە 3 كۇندىك قارالى كۇن جاريالاندى. كوز جۇمعانداردىڭ جاقىندارى بيلىككە كىنالىلەردى ادىلەتتى جازالاۋ كەرەك دەگەن تالاپ قويىپ وتىر.
نيدەرلاند پاتشايىمى بەاتريكس تاعىن ۇلكەن ۇلى, 45 جاستاعى حانزادا ۆيللەم-الەكساندرعا بەرەتىن بولدى. بۇل تۋرالى پاتشايىم ۇلتقا تەلەۇندەۋىندە جاريا ەتتى. بەاتريكس 31 قاڭتاردا 75 جاسقا تولادى. ول تاققا اناسى يۋليانادان كەيىن 1980 جىلدىڭ 30 ساۋىرىندە وتىرعان بولاتىن.
گەرمانيا كانتسلەرى انگەلا مەركەلدىڭ كابينەتىندە گەرمان گەرينگتىڭ كوللەكتسياسىنان كىلەم بار ەكەنى بەلگىلى بولدى. بۇل جونىندە «دەيلي تەلەگراف» اگەنتتىگى حابارلادى. باسىلىمنىڭ دەرەكتەرىنشە, پارسى كىلەمى ناتسيستەر ەكىنشى ءدۇنيەجۇزىلىك سوعىس ۋاقىتىندا ۇرلاعان 600-دەن استام ونەر تۋىندىلارىنىڭ ءبىرى بولىپ تابىلادى.
وزبەكستان 40 كۇنگە سوزىلعان ۇزىلىستەن كەيىن رەسەيگە تابيعي گاز جىبەرۋ ۇدەرىستەرىن قايتا جالعاستىردى. ەكسپورت وتكەن جىلدىڭ 16 جەلتوقسانىندا توقتاتىلعان بولاتىن. وزبەك جاعى بۇل قادامعا كۇننىڭ كۇرت سۋىنا بايلانىستى ءوز قاجەتتىلىكتەرىن قاناعاتتاندىرۋ ءۇشىن بارعانىمەن تۇسىندىرگەن ەدى. «گازپروم» وتكەن جىلدىڭ قورىتىندىسى بويىنشا ورتالىق ازيا ەلدەرىنەن 33 ملرد. تەكشە مەتر گاز ساتىپ الىپتى.
يراندا شەتەلدىك باق-تاردىڭ جەرگىلىكتى ءبولىمشەلەرىمەن بايلانىستا بولعان 14 جۋرناليست تۇتقىندالدى. ولاردىڭ 9-ى ەر ادام بولسا, 5-ءۋى ايەل. جۋرناليستەردىڭ ناقتى كىمدەر ەكەنى ايتىلمايدى. جالپى, يراندا ءوز جۋرناليستەرىمەن كۇرەس جۇرگىزىلىپ كەلە جاتقالى ءبىراز بولدى. 2000 جىلدان بەرى ەلدە 120-دان استام گازەت جابىلسا, ولاردىڭ ونداعان رەداكتورلارى مەن قىزمەتكەرلەرى تۇرمەلەرگە جابىلعان.
سەناتور اناتولي لىسكوۆ مەمدۋماعا دەپۋتاتتاردىڭ وكىلەتتىكتەرىن سوتتىڭ شەشىمىنسىز-اق جوياتىن زاڭ جوباسىن ەنگىزدى. بۇل جەردە اڭگىمە ءبىرىنشى كەزەكتە دەپۋتاتتاردىڭ زاڭعا قايشى ارەكەتتەرمەن, اتاپ ايتقاندا, بيزنەسپەن اينالىسۋلارىنا قاتىستى بولىپ وتىر. ويتكەنى, زاڭ كەز كەلگەن كوممەرتسيالىق قىزمەتكە تىيىم سالادى.
تۇركيا «انكا» دەپ اتالاتىن ۇشقىشسىز ۇشاتىن جاڭا ۇشۋ اپپاراتىن قابىلداۋ سىناعىنان وتكىزۋدى اياقتادى. اتالعان اپپاراتتى جاساۋ 2009 جىلدىڭ سوڭىنا تامان قولعا الىنعان بولاتىن. ەندى ونى اسكەريلەرمەن سەريالىق وندىرىسكە قويۋ تۋرالى كەلىسىم-شارت جاسالماقشى.
وزبەكستان قىرعىزستانمەن شەكاراداعى تەمىر جول وتكىزۋ بەكەتىن اشتى. بىراق تولىقتاي ەمەس. قىرعىز جانە وزبەك تاراپى ەندى باسقا وتكىزۋ بەكەتتەرىن قالپىنا كەلتىرۋ جۇمىستارىن جۇرگىزبەك. وزبەكستان قىرعىزستانمەن شەكاراداعى تەمىر جولدى ۇستىمىزدەگى جىلدىڭ 21 قاڭتارىندا بىرجاقتى نەگىزدە جاۋىپ تاستاعان ەدى. قىرعىزدارعا ءىس جۇزىندە كورشى مەملەكەتكە وتۋگە تىيىم سالىنعان-تىن.
اقپارات اگەنتتىكتەرىنىڭ ماتەريالدارى نەگىزىندە ازىرلەندى.