سەيسەنبى, 30 ءساۋىر 2013 2:23
مەنىڭ «قازاق ءتىلى» قوعامىندا جۇرگەنىمە 23 جىل, قحا-دا جۇرگەنىمە 18 جىل بولدى. اسسامبلەياعا ەلىمىزدىڭ شىعىس وڭىرىنەن كەلدىم. بۇگىندە تىنىشتىقتى كۇزەتكەن قازاق ەلى ءوزىنىڭ تەڭدىگىن دە, كەڭدىگىن دە, تىرلىگىن دە, بىرلىگىن دە وسى 20 جىلدىڭ ىشىندە كورسەتىپ كەلەدى. قحا پرەزيدەنتتىڭ كونستيتۋتسيالىق كەڭەسشىسى بولىپ سانالادى. ول جاي عانا كەڭەسشى ەمەس, رۋحاني كەڭەسشى. ءبىزدىڭ ەندىگى ماقساتىمىز – ۇلتتىڭ مۇددەسىن عانا قوزعاماۋىمىز كەرەك. حالىقتىڭ مۇددەسىن, مەملەكەتتىڭ مۇددەسىن كوزدەيتىن كەزەڭگە جەتكەن سەكىلدىمىز.
سەيسەنبى, 30 ءساۋىر 2013 2:23
مەنىڭ «قازاق ءتىلى» قوعامىندا جۇرگەنىمە 23 جىل, قحا-دا جۇرگەنىمە 18 جىل بولدى. اسسامبلەياعا ەلىمىزدىڭ شىعىس وڭىرىنەن كەلدىم. بۇگىندە تىنىشتىقتى كۇزەتكەن قازاق ەلى ءوزىنىڭ تەڭدىگىن دە, كەڭدىگىن دە, تىرلىگىن دە, بىرلىگىن دە وسى 20 جىلدىڭ ىشىندە كورسەتىپ كەلەدى. قحا پرەزيدەنتتىڭ كونستيتۋتسيالىق كەڭەسشىسى بولىپ سانالادى. ول جاي عانا كەڭەسشى ەمەس, رۋحاني كەڭەسشى. ءبىزدىڭ ەندىگى ماقساتىمىز – ۇلتتىڭ مۇددەسىن عانا قوزعاماۋىمىز كەرەك. حالىقتىڭ مۇددەسىن, مەملەكەتتىڭ مۇددەسىن كوزدەيتىن كەزەڭگە جەتكەن سەكىلدىمىز.
ءبىزدىڭ قازاقستان اياعىنان تىك تۇردى. الەم ساحناسىندا ءوز ورنىن بەلگىلەدى. سوندىقتان, تەك ءوزىمىزدىڭ تىرلىگىمىزدى جاساماي, ەلدىگىمىزدى جاسايتىن, كەڭدىگىمىزدى جاسايتىن كەزەڭ كەلدى. دەمەك, ەلىمىزدى مەكەندەيتىن ءاربىر ەتنوس وكىلدەرى قازاقستاننىڭ ەكونوميكاسىنىڭ دامۋىنا, ەلدىڭ وركەندەۋىنە, مۇددەسىن قورعاۋعا اتسالىسۋى كەرەك. تەك ءوز ۇلتىنىڭ وكىلدەرىن عانا ويلاماي, الدىمەن ەلدىڭ جايىن نازاردا ۇستاۋى كەرەك. ەگەر, قازاقستان حالقى اسسامبلەياسى كوپ ەتنوس وكىلدەرىن قورعايتىن كەپىلگە اينالسا, سول ۇلت وكىلدەرى مەملەكەتتى قورعايتىن كەپىلگە اينالۋى كەرەك.
بۇگىندە قازاقستان حالقى اسسامبلەياسىنا حالىقتىق اسسامبلەيا دەگەن باعا بەرىلۋدە. ول حالىقتىق بولۋعا ءتيىستى. سەبەبى, حالىق, ەل, مەملەكەت – ءبىر. ءبىز ءتىل كوميتەتىمەن بىرگە شىعىس وڭىرىندە «ءبىر ەل, ءبىر وتان, ءبىر قازاقستان» دەگەن اكتسيا وتكىزگەن بولاتىنبىز. بۇل اكتسيا وزگە ۇلت وكىلدەرىنىڭ ىشىندە قازاق ءتىلىن بىلەتىن جاستار اراسىندا وتكىزىلدى. سونداي جاستاردى «قازاق ءتىلى» قوعامىنا مۇشەلىككە قابىلداپ, قازىر ولار قازاققا دا, ورىسقا دا مەملەكەتتىك ءتىلدى ناسيحاتتاۋدا ناتيجەلى جۇمىستار جۇرگىزۋدە. بىلتىرعى جىلى وتكەن سەسسيادا ميحايل گلازيلين دەگەن بالا قازاقتىڭ قىرىق كۇيىن شەرتكەن. ونداي كۇيلەردى قازاقتىڭ ءوزى شەرتە المايدى. مىنە, ءبىزدىڭ ەلىمىزدە قازاقتىڭ وزىنە ۇلگى بولىپ وتىرعان وسىنداي ەتنوس وكىلدەرى بار.
اسسامبلەيانىڭ 20-سەسسياسى «قازاقستان-2050» ستراتەگياسى: ءبىر حالىق ء–بىر ەل – ءبىر تاعدىر» دەگەن تاقىرىپتا وتكىزىلدى. بۇل نەنى كورسەتەدى؟ بۇل دەگەنىمىز ءبىزدىڭ تاعدىرىمىز, وتانىمىز ءبىر دەگەندى بىلدىرەدى. دەمەك, ەندىگى كەزەكتە ءبىزدىڭ الدىمىزدا تۇرعان باستى ماقسات – قازاقستاننىڭ ەكونوميكاسى مەن رۋحاني سالاسىن دامىتىپ, بەيبىتشىلىك پەن كەلىسىمدى ساقتاي وتىرىپ, ەلباسىنىڭ ستراتەگيالىق باعىتىن ىلگەرىلەتۋ.
ورال شارىپباەۆ,
حالىقارالىق «قازاق ءتىلى» قوعامىنىڭ
(شىعىس جانە سولتۇستىك ءوڭىرى بويىنشا)
ۆيتسە-پرەزيدەنتى, قازاقستان حالقى
اسسامبلەياسىنىڭ مۇشەسى.