سارسەنبى, 24 ءساۋىر 2013 2:27
قازىر ەكىنىڭ ءبىرىنىڭ اۋزىندا مەملەكەتتىڭ زەينەتاقى جۇيەسىن جاڭعىرتۋ تۋرالى اڭگىمە ءجۇر. ايەلدەردىڭ زەينەت جاسىن ەرلەرمەن تەڭەستىرىپ, 63-كە دەيىن ۇلعايتۋ تۋرالى جوبا ءومىردىڭ ءار سالاسىندا ەڭبەك ەتىپ جۇرگەن ايەلدەردى ويلاندىرىپ تاستاعانى راس.
سارسەنبى, 24 ءساۋىر 2013 2:27
قازىر ەكىنىڭ ءبىرىنىڭ اۋزىندا مەملەكەتتىڭ زەينەتاقى جۇيەسىن جاڭعىرتۋ تۋرالى اڭگىمە ءجۇر. ايەلدەردىڭ زەينەت جاسىن ەرلەرمەن تەڭەستىرىپ, 63-كە دەيىن ۇلعايتۋ تۋرالى جوبا ءومىردىڭ ءار سالاسىندا ەڭبەك ەتىپ جۇرگەن ايەلدەردى ويلاندىرىپ تاستاعانى راس.
جاقىندا زەينەتاقى جۇيەسىن جاڭعىرتۋعا بايلانىستى وبلىستا وتكەن ءماجىلىس وسى سۇراقتاردىڭ ءبىرازىنا جاۋاپ بەرگەندەي بولدى. وعان اۋدان, قالا اكىمدەرىمەن قاتار, ەڭبەك ۇجىمدارىنىڭ جەتەكشىلەرى, كاسىپوداق ۇيىمدارىنىڭ وكىلدەرى قاتىستى.
– قازاقستاندى دامىتۋدىڭ قازىرگى زامانعى ساتىسىندا ءبىز ادىستەر مەن ءتۇرلى شارالاردىڭ قاجەتتىگىن جانە ونى قابىلداۋ كەرەك ەكەنىن تۇسىنۋگە ءتيىسپىز. بۇل ءۇشىن ءبىزدىڭ قىزمەتىمىزدە انىقتىق, ايعاقتىق, سەنىمدى مالىمەت جانە اقپاراتتار بولۋى كەرەك, –دەپ مالىمدەدى وبلىس اكىمى نۇرالى سادۋاقاسوۆ.
ال وبلىس اكىمىنىڭ ورىنباسارى سەرىك بەكتۇرعانوۆ وسى تاقىرىپقا بايانداما جاساپ, زەينەتاقى جۇيەسىن جاڭعىرتۋ ۇدەرىسىنەن كەرى شەگىنبەيتىنىمىزدى بەلگىلى ايعاقتاردى مىسالعا الا وتىرىپ, ءتۇسىندىردى. ايەلدەردىڭ زەينەت جاسىن ۇلعايتۋ زەينەتاقى جۇيەسىن جاڭعىرتۋدىڭ ءبىر كەپىلى بولماق. مۇنداي شارا بارلىق دامىعان ەلدەردە جۇرگىزىلىپ جاتقان ۇدەرىس.
– قازىر ىنتىماقتى زەينەتاقىنىڭ ۋاقىتىن كەمىتۋ جيناقتاۋشى ەمەس, بازالىق زەينەتاقىمەن وتەلىپ وتىر. 2040 جىلدان باستاپ, ايەلدەر ەڭبەك ءوتىلىمەن ەسەپتەلەتىن ىنتىماقتى زەينەتاقى المايدى. 1980-1982 جىلى ومىرگە كەلگەندەردەن باستاپ ءارى قاراي ايەلدەر تەك ءوزىنىڭ جيناقتاعان زەينەتاقىسىنا سەنەتىن بولادى. مەملەكەتتىڭ ەڭ تومەنگى كەپىلى تاعى بار. دەگەنمەن, قامسىز قارتتىعىن قامتاماسىز ەتەمىن دەگەندەر تەك ەڭبەكپەن جيناقتاعان قارجىسىنا عانا ارقا سۇيەيدى, – دەدى سەرىك شىڭعىس ۇلى.
سەرىك بەكتۇرعانوۆ بىرىڭعاي جيناقتاۋشى زەينەتاقى قورىنىڭ ارتىقشىلىقتارىن ءتۇسىندىردى. ارينە, كوپ بالالى انالار, اۋىر جۇمىستاعى, بازاردا ءبىر كۇندىك ناپاقاسىن تاۋىپ تۇرعان ايەلدەر, مۇگەدەكتەر تۋرالى ساۋالدار دا جەتەرلىك. وسى ورايدا نەگىزىنەن ايەلدەردەن تۇراتىن ۇجىم – «الپامىس» اياق كيىم فابريكاسىنىڭ ديرەكتورى الماگۇل ساۋدەنوۆانىڭ پىكىرىن بىلگەنبىز.
– زەينەتاقى جۇيەسىن جاڭعىرتۋدان ەڭبەك ەتكەن, جۇمىسى بار ايەلدەر ۇتىلادى دەپ ويلامايمىن. تەك قازىر بىزدە الەۋمەتتىك ءارتۇرلى توپتاعى ايەلدەر بار. وسى جاڭعىرتۋ كەزىندە سولاردىڭ جاعدايى ەسكەرىلسە دەپ ويلايمىن. ال ەڭ باستىسى, دۇنيە ءجۇزىندەگى دامىعان ەلدەر ءتاجىريبەدەن وتكىزىپ جاتقان بۇل ءىستى مەملەكەت بەكەر قولعا الىپ وتىرعان جوق. مەملەكەتتى دامىتاتىن قارجىنى ينۆەستيتسيالىق قارىمدى جوبالارعا سالماي, پىشاق ۇستىنەن زەينەتاقىعا ءبولىپ بەرە بەرسە, ول ەلدىڭ قازىناسىندا قانداي بەرەكە قالادى؟ بۇل – مەملەكەتتى دامىتۋ, سول ارقىلى ادامداردىڭ ءال-اۋقاتىن كوتەرۋ ءۇشىن بارىپ وتىرعان شارا. سوندىقتان ونى پاتريوتتىق سەزىممەن ءتۇسىنۋىمىز كەرەك. مەملەكەت دامىسا, ەشكىمدى دە تاعدىر تالكەگىنە تاستامايدى, – دەيدى الماگۇل قاسىمقىزى.
ماجىلىستە سويلەگەندەر قۇجاتقا ۇسىنىستار جاساۋمەن قاتار, ادامداردىڭ نارىققا بەيىمدەلۋى, مەنتاليتەتىمىزگە سىني قاراۋىمىز قاجەتتىگىن دە اڭگىمە ەتتى. «كوز قورقاق, قول باتىر» دەگەن ەمەس پە؟ ماسىلدىقتان ءبىرجولاتا ارىلىپ, اركىم ءوز ءومىرىن جاستان ويلاۋعا, جوسپارلاي بىلۋگە تاربيەلەيتىن ۋاقىتقا جەتەلەيتىن شارا بولار دەگەن ويدى سوزگە تارتقاندار ايتىپ جاتتى. كوپشىلىكتىڭ كۇدىگى سەنىمگە اينالىپ كەلە جاتقانداي.
ءنازيرا جارىمبەتوۆا,
«ەگەمەن قازاقستان».
قوستاناي.