ال 2019 جىلى اۋىل شارۋاشىلىعىنىڭ جالپى ءونىم كولەمى 18 ملرد تەڭگە ناقتى يندەكس كولەمى -104,6% قۇرايدى دەپ جوسپارلانۋدا. سوڭعى دەرەكتەرگە سايكەس, وبلىستاعى 4 ت ۇلىك مال باسىنىڭ سانى 803 000, قۇس سانى 46000 باسقا جەتىپ, الدىڭعى جىلدىڭ كورسەتكىشىمەن سالىستىرعاندا 9,3% ارتقان.
- جالپى وبلىستا 2081 شارۋا جانە فەرمەر قوجالىعى جانە 59 000 ءۇي شارۋاشىلىعى تىركەلگەن. اۋىل شارۋاشىلىعىن دامىتۋ جانە شارۋا قوجالىقتارىنا قارجىلىق قولداۋ كورسەتۋ ماقساتىندا «اۋىل شارۋاشىلىعىن قارجىلاي قولداۋ قورى» اق ارقىلى 2018 جىلى 233 اۋىل شارۋاشىلىعى سۋبەكتىسىنە 952,5 ملن تەڭگە مولشەرىندە, «اگرارلىق نەسيە كورپوراتسياسى» اق ارقىلى 117 اۋىل شارۋاشىلىعى سۋبەكتىسىنە 1,45 ملرد تەڭگە مولشەرىندە, «نۇر-كاپيتال» باعدارلاماسى بويىنشا 4 اۋىل شارۋاشىلىعى سۋبەكتىسىنە 76 ملن تەڭگە مولشەرىندە ميكرونەسيە بەرىلدى. سونداي-اق «ماڭعىستاۋاگروسەرۆيس» جشس ارقىلى 32 اۋىل شارۋاشىلىعى سۋبەكتىسىنە 114,3 ملن تەڭگە مولشەرىندە ليزينگكە (تاۋارلىق نەسيە) بەرىلدى. وبلىسىمىزدىڭ تابيعي ەرەكشەلىگىنە بايلانىستى, ەگىن شارۋاشىلىعىن دامىتۋداعى نەگىزگى شەشىم - جىلىجاي سانىن ارتتىرۋ. 2018 جىلى وڭىردەگى جىلىجايلاردىڭ جالپى كولەمى 24 گا, ال, 2019 جىلدىڭ 1 توقسانى بويىنشا 27,4 گا قۇراپ وتىر. بيىل جالپى جىلىجايلار كولەمىن 31 گا (29%) ۇلعايتا وتىرىپ, 2022 جىلعا قاراي بۇل كورسەتكىشتى 3 ەسەگە دەيىن جەتكىزۋ جوسپارلانۋدا. ال اۋىل شارۋاشىلىعى ونىمدەرىن قايتا وڭدەۋمەن اينالىساتىن 29 كاسىپورىن جۇمىس ىستەپ تۇر دەدى سەرىك قالدىعۇل.
جيىن سوڭىندا ايماق باسشىسى قالا جانە اۋدان اكىمدەرىنە وبلىستىق ستاتيستيكا مەكەمەسىمەن بىرگە اۋىل شارۋاشىلىعى سالاسىنداعى جۇمىس ىستەپ تۇرعان شارۋا قوجالىقتارى مەن كاسىپورىنداردىڭ ناقتى سانىن انىقتاۋدى, سونىمەن قاتار, اۋىل شارۋاشىلىعى ماقساتىندا پايدالانۋعا بەرىلگەن جەر ۋچاسكەلەرىنىڭ كولەمىن نورماتيۆكە سايكەستەندىرۋ شارالارىن الۋدى تاپسىردى. سونىمەن قاتار وڭىردەگى اگروونەركاسىپتى كەشەندى تۇردە دامىتۋ ءۇشىن سالا ماماندارىمەن بىرلەسە وتىرىپ, ۇسىنىس ازىرلەۋگە شاقىردى.
ماڭعىستاۋ وبلىسى