«بۇل ۇزاق جىلعى كەلىسسوزدەردىڭ ناتيجەسى. ورتالىق ازيا ەلدەرى تاريحىندا قازاق كينوسى تۇڭعىش رەت اعىلشىن تىلىنە ءتارجىمالاندى. دۋبلياجعا امەريكالىق كينو-تەاتر ۇيىرمەلەرىنىڭ مۇشەلەرى قاتىستى. ولاردى تابۋ نەمەسە كەلىستىرۋ بىزگە وڭاي بولعان جوق», - دەيدى مايرا قارساقباەۆا بىزبەن اڭگىمەسىندە.
ايتا كەتۋ كەرەك, «Romford film festival» شىمىلدىعىن قازاقتىڭ كلاسسيكالىق كينوسىمەن اشىلادى. ونىڭ كورسەتىلۋ ۋاقىتى 6 ماۋسىم كۇنى جەرگىلىكتى ۋاقىتپەن ساعات 14-دە باستالادى. اتالمىش كينوفەستيۆالدە قازاقستاندىق كينورەجيسسەر ءازيز زايىروۆتىڭ «قىز بەن تەڭىزى» كينوسىنىڭ تانىستىرىلىمى بولادى. مايرا قارساقباەۆانىڭ حابارلاۋىنشا, «مەنىڭ اتىم قوجانىڭ» باستى كەيىپكەرلەرى نۇرلان سانجار مەن گۇلنار قۇراباەۆا لوندونعا باراتىن دەلەگاتسيا قۇرامىنا كىرمەي قالعان. سەبەبى «Romford film festival» كومپانياسىمەن جاسالعان كەلىسىمشارتتا ولاردىڭ جول شىعاندارى قاراستىرىلماپتى.
بۇل قوجانىڭ العاشقى شەتەلدىك ساپارى ەمەس. 2018 جىلدىڭ قازان بەردىبەك سوقپاقباەۆتىڭ «مەنىڭ اتىم قوجا» كىتابى تۇڭعىش رەت تۇرىك تىلىنە اۋدارىلىپ, انادولى جەرىندەگى ءوز وقىرماندارىمەن قاۋىشقان بولاتىن. دۇنيەجۇزىنىڭ 67 تىلىندە جارىق كورگەن شىعارمانى تۇرىك تىلىندە سويلەتكەن اۋدارماشى ءجاميلا كىنادجى.
الماتى