الدىن الا مالىمەتتەر بويىنشا, ليتۆاداعى پرەزيدەنتتىك سايلاۋدىڭ ەكىنشى تۋرىندا تاۋەلسىز كانديدات گيتاناس ناۋسەدا كوش باستاپ تۇر, وعان سايلاۋشىلاردىڭ 66,62% داۋىس بەرگەن. بۇل تۋرالى BBC حابارلادى.
كانديدات گيتاناس ناۋسەدانىڭ رەسمي تۇردە ەشقانداي پارتيامەن بايلانىسى جوق, وعان قوسا ول ەكونوميكانىڭ ليبەرالدى مودەلىنىڭ جاقتاۋشىسى. ونىڭ ەكىنشى كەزەڭدەگى قارسىلاسى بۇرىنعى قارجى ءمينيسترى, سەيم دەپۋتاتى, «وتان وداعى-حريستيان دەموكراتتارى» كونسەرۆاتيۆتىك پارتياسىنان ۇمىتكەر ينگريدا شيمونيتە, دەگەنمەن ول ناۋسەدادان ايتارلىقتاي ارتتا قالىپ كەلە جاتىر.
پرەزيدەنتتىك سايلاۋدىڭ ەكىنشى كەزەڭىندە سايلاۋشىلاردىڭ كورسەتكىشى – 52,49% قۇرادى. ايتا كەتۋ كەرەك, سوڭعى 15 جىلدا ول كورسەتكىش 52%-دان اسپاعان.
12 مامىردا ليتۆادا وتكەن ءبىرىنشى كەزەڭدە داۋىس بەرۋ قۇقىعى بار ازاماتتاردىڭ 57%-ى قاتىستى – بۇل سوڭعى ون بەس جىلداعى ەڭ جوعارى كورسەتكىش. سوندا ينگريدا شيمونيتە 31,3%, ال گيتاناس ناۋسەدا - 30,9% جينادى.