حالىقارالىق اككرەديتتەۋ بويىنشا CIS ديرەكتورى ستيۋارت ماكلەي مەكتەپكە قۇتتىقتاۋ حاتىن جولداپ, ۇجىمنىڭ ءبىلىم مەن تاربيەدەگى ۇمتىلىستارىن جوعارى باعالاعان.
ءساۋىر ايىنىڭ باسىندا كەڭەستىڭ ساراپشىلارىنان قۇرالعان جۇمىس توبى وڭىردەگى مەكتەپتىڭ حالىقارالىق ستاندارتارعا سايكەستىگىن باعالاۋ ماقساتىندا كەلگەن ەدى. اۆستراليا, رۋمىنيا, فرانتسيا, بەلگيا, تايلاند, ءباا, وزبەكستان ەلىنەن كەلگەن تاۋەلسىز ساراپشىلار بەس كۇن بويى ۇيىمنىڭ تىنىس-تىرشىلىگىمەن تانىسىپ, اكىمشىلىك وكىلدەرى, پەداگوگتارمەن, وقۋشىلار جانە اتا-انالارمەن كەزدەسىپ, ءبىلىم بەرۋ جۇيەسىنە باقىلاۋ جۇرگىزدى. CIS كومانداسى ءبىلىم بەرۋ پروتسەسى مەن مەكتەپ ءومىرىنىڭ ۇيىمداستىرىلۋىنا دا باعا بەردى. ساراپشىلار ساباقتارعا, ۇيىرمەلەرگە, سپورت سەكتسيالارىنا قاتىسىپ, بالالاردىڭ تاماقتانۋ جانە مەديتسينالىق كومەك الۋ مۇمكىندىكتەرىن ءوز كوزدەرىمەن كوردى. ماماندار توتەنشە جاعدايداعى بالالار مەن ۇجىم قاۋىپسىزدىگىنە باسا نازار اۋدارىپ, بىرنەشە سيتۋاتسيالىق جاعدايلاردى دا باقىلادى.
- حالىقارالىق مەكتەپتەر كەڭەسىنەن اككرەديتتەلۋىنەن ءوتۋ مەكتەبىمىزگە ۇزدىكسىز دامۋعا تاماشا مۇمكىندىكتەر اشادى. بۇل وقۋ ورنىنىڭ ۇنەمى جوعارى ءبىلىم ساپاسىنا ۇمتىلىسىنىڭ دالەلى جانە بىزگە ۇلكەن جاۋاپكەرشىلىك جۇكتەيدى, - دەدى مەكتەپ ديرەكتورى ەرمەك پايزوۆ.
ماڭعىستاۋ وبلىسى