قۇرامىنا 35 ەل كىرەتىن ازيالىق ترياتلون كونفەدەراتسياسىنىڭ باستاماسىمەن كاسىبي سپورتشىلار اراسىندا ترياتلوننان قۇرىلىقتىق ءتۋرنيرى وتەدى.
«ستاندارتتى» قاشىقتىقتاعى جارىس ءۇش كەزەڭدە وتەدى. 1500 م ءجۇزۋ + 40 كم ۆەلوجارىس + 10 كم جۇگىرۋ بويىنشا سىندا جالپى 300-گە جۋىق كاسىبي سپورتشى قاتىسادى. بايراقتى باسەكە شىمكەنتتەگى «جايلاۋكول» ساياباعى مەن «ناۋرىز» الاڭىندا 2 كۇنگە جالعاسادى.
قازاقستاندا تريتلون سپورتى مەن سالاۋاتتى ءومىر سالتىن دامىتۋ ماقساتىندا شىمكەنت قالاسىنىڭ اكىمدىگى, «سپك شىمكەنت» اق, قازاقستان رەسپبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى, قر ۇلتتىق وليمپيادالىق كوميتەتى, «سامۇرۇق-قازىنا» ۇلتتىق ءال-اۋقات قورى» اق, شىمكەنت قالاسىنىڭ ترياتلون فەدەراتسياسى, قازاقستان ترياتلون فەدەراتسياسىنىڭ ۇيىمداستىرۋىمەن وتكىزىلمەك.
ترياتلون – ءجۇزۋ, ۆەلوجارىس جانە جۇگىرۋ سەكىلدى جەكەلەگەن سپورت تۇرلەرىنەن قۇرالعان ءمۋلتيسپورتيۆتى تسيكلدىق وليمپيادالىق سپورت ءتۇرى. ترياتلون كەزەڭدەرىن سپورتشىلار كەزەكپەن جانە ءۇزىلىسسىز باعىندىرادى. حالىقارالىق دەڭگەيدە ترياتلون حالىقارالىق ترياتلون وداعىنىڭ (International Triathlon Union) ەرەجەلەرىمەن رەتتەلەدى. اتالعان جارىستىڭ تەحنيكالىق دەلەگاتى Ms. Kyung Sook Kim (KOR).