سەنات باسشىسىنىڭ تاسس باس ديرەكتورىنىڭ ءبىرىنشى ورىنباسارى ميحايل گۋسمانمەن كەزدەسۋى بارىسىندا «دەگلوباليزاتسيا: الەم دامۋدىڭ جاڭا ۇلگىلەرىن ىزدەستىرۋدە» وتىرىسى اياسىندا بولعان پىكىرتالاستار تالقىلاندى. وندا توراعالىق ەتۋشىلەر جاھاندانۋدىڭ قازىرگى الەمدىك داعدارىسقا اسەرى جانە دەگلوباليزاتسيا كورىنىستەرى تۋرالى ايتقان بولاتىن.
م. گۋسمان قازاقستاندا 2002 جىلدان بەرى ءوتىپ كەلە جاتقان ەامف-نىڭ قالىپتاسۋى مەن دامۋىنا داريعا نازارباەۆانىڭ قوسقان جەكە ۇلەسىن اتاپ ءوتتى. فورۋمنىڭ اۋقىمدى باعدارلاماسى وزەكتى تاقىرىپتارعا ارنالعان اشىق پىكىرتالاستارعا, ءسوز الۋشىلاردىڭ مازمۇندى سوزدەرىنە, الەمدىك ساراپشىلاردىڭ شەبەرلىك سىنىپتارىنا تولى بولدى. فورۋم اياسىندا سونداي-اق وسى سالانىڭ كاسىبي ماسەلەلەرى – تسيفرلىق الەمدەگى جۋرناليستيكانىڭ بولاشاعى مەن بلوگوسفەرا ىقپالىنىڭ ءوسۋى تالقىلانادى. رەسەيلىك بەدەلدى مەديامەنەدجەر: «مەن ەامف-عا تاڭدانىپ وتىرمىن», - دەدى.
تاراپتار حالىقارالىق كۇن تارتىبىندەگى ماسەلەلەردى, سونداي-اق, قازاقستانداعى ىشكى ساياسي جاعدايدى دا تالقىلادى.