بەيسەنبى, 7 اقپان 2013 7:48
ەلىمىزدە كوپ بالالى وتباسىلارعا مەملەكەت تاراپىنان ءتۇرلى جەڭىلدىكتى-جاردەمدەر بەرىلىپ تۇراتىنى بەلگىلى. بىراق, سوعان قول جەتكىزۋدە كوپتەگەن قيىندىقتار مەن كەيدە ءتىپتى, زاڭسىزدىقتارعا دا جولىعاتىنىمىز جاسىرىن ەمەس.مىسالى, ءتورت نەمەسە ودان دا كوپ بالالى وتباسىلار ۇل-قىزدىڭ تۇڭعىشى كامەلەت جاسقا جەتكەنشە ۇكىمەت تاعايىنداعان التى جارىم مىڭ تەڭگەگە جۋىق جاردەماقىنى الىپ تۇرادى. ايتقانداي, بۇل جاردەماقى مولشەرى جىل باسىنان بەرى تاعى 40 پايىزعا ارتتى.
بەيسەنبى, 7 اقپان 2013 7:48
ەلىمىزدە كوپ بالالى وتباسىلارعا مەملەكەت تاراپىنان ءتۇرلى جەڭىلدىكتى-جاردەمدەر بەرىلىپ تۇراتىنى بەلگىلى. بىراق, سوعان قول جەتكىزۋدە كوپتەگەن قيىندىقتار مەن كەيدە ءتىپتى, زاڭسىزدىقتارعا دا جولىعاتىنىمىز جاسىرىن ەمەس.مىسالى, ءتورت نەمەسە ودان دا كوپ بالالى وتباسىلار ۇل-قىزدىڭ تۇڭعىشى كامەلەت جاسقا جەتكەنشە ۇكىمەت تاعايىنداعان التى جارىم مىڭ تەڭگەگە جۋىق جاردەماقىنى الىپ تۇرادى. ايتقانداي, بۇل جاردەماقى مولشەرى جىل باسىنان بەرى تاعى 40 پايىزعا ارتتى.
سوندا, شامامەن 8 مىڭداي قارجىنى قۇرادى دەۋگە بولادى. سونداي-اق, كوپ بالالى وتباسىلارعا, مەملەكەتتىڭ باقىلاۋىنداعى بيۋدجەتتىك مەكەمە – ءبىلىم وشاقتارى تاراپىنان دا بىرقاتار كومەكتەر كورسەتىلەدى. ماسەلەن, مەكتەپىشىلىك ۇيىمداستىرىلاتىن اقىلى شارالارعا تەگىن قاتىستىرىلادى, ءتۇرلى كونتسەرتتەر مەن تسيرككە نەمەسە ساياحات ت.ت. ءمادەني شارالارعا جەڭىلدىك جاسالىپ, قوعامدىق كولىكتە تەگىن جۇرەتىن جولاقى بيلەتى مەن كىتاپ ۇلەستىرىلۋدە دە وسىنداي وتباسىنان شىققان بالالار الدىمەن نازاردا بولۋعا ءتيىس. اكىمشىلىك تاراپىنان ۇيىمداستىرىلىپ تۇراتىن قامقورلىق تا العاشقى كەزدە جارتىكەش وتباسىلار مەن اكەسىز نەمەسە شەشەسىز ءوسىپ جاتقان بۇلدىرشىندەرگە كورسەتىلەدى.ايتپاعىمىز, وسىنداي يماندى ىستەردىڭ ءبىر ولقىلىعى سوڭعى كەزدەرى قىلاڭ بەرە باستاعان سياقتى. كىسىنى ءجونسىز ابىگەرگە سالۋدىڭ جاعىمسىز ءبىر تۇرىنە ناقتى دالەل كەلتىرسەك, جۋىردا جاس وتباسىلى بولسا دا, قۇداي جارىلقاپ, كوپ بالالى بولىپ ۇلگەرگەن ارىپتەسىمىز باسپاناسىزدىقتان كوشىپ-قونىپ ءجۇرىپ, بالالارىن بىرنەشە مەكتەپكە امالسىز اۋىستىرۋعا ءماجبۇر بولعان-دى. كىشكەنتاي جەڭىلدىكتى كەرەمەتتەي كورەتىن وتاعاسى, ۇل-قىزىنىڭ قۇجاتتارىن مەكتەپكە تاپسىرىپ, بەرىلەتىن ازدى-كوپتى جەڭىلدىكتەن قۇر قالماۋ ءۇشىن, الەۋمەتتىك پەداگوگتان قاجەتتى قۇجاتتار تىزبەسىن الادى.مىنە, قىزىق! مەكتەپ تاراپىنان كورسەتىلەتىن ازدى-كوپتى كومەكتى الۋ ءۇشىن, 12-15 قۇجات تىزبەسىن قۇراپ شىعىپتى. اتا-اناسى مەن بالانىڭ تۋ تۋرالى كۋالىگى, ەرلى-زايىپتىنىڭ نەكە كۋالىگى, جۇمىس ورنىنان انىقتاما, ايلىق تابىسى جونىندە, مەكەن-جايىنىڭ انىقتاماسى… تىزبە وسىلاي جالعاسىپ كەتە بەرەدى. مۇنىڭ ءبارى نەگە جانە كىمگە كەرەك, نەنى دالەلدەۋ ءۇشىن قاجەت دەگەن وي كەلەدى. جارايدى, مۇنى دا قويالىقشى, قۇجاتتىڭ كوشىرمەسىن جاساتىپ, جۇمىس ورنىڭنان ءتيىستى انىقتامانى الۋعا بولار. ال ەندى سول قۇجاتتار تىزبەسىنىڭ اراسىندا مىناداي ءبىر شارتتى تارماق بار ەكەن: «وتباسى قۇرامى تۋرالى انىقتاما». الەۋمەتتىك پەداگوگ تاپسىرىلۋى ءتيىس دەپ تاپقان مىندەتتى قۇجاتتاردىڭ ءبىرى وسى انىقتامانى قايدان, كىمنەن الۋعا بولادى؟ادەتتەگىدەي, جۇگىرىپ جۇمىس ورنىنا كەلگەن. كادر ءبولىمىندەگىلەر زاڭگەرلەرمەن اقىلداسىپ, «قىزمەتكەردىڭ وتباسى قۇرامىن انىقتاپ بەرەتىندەي, ءبىزدىڭ ەشقانداي دا زاڭدىق قۇزىرەتىمىز جوق» دەپ شىعارىپ سالىپتى. سودان, ءبىر بەرسە, سەن بەرەسىڭ دەپ, جۇرت جابىلا ماقتاعان «ءبىر تەرەزە» – حالىققا قىزمەت كورسەتۋ ورتالىعىنا بارعان. ونداعىلار تىپتەن تاڭ-تاماشا قالىپ, ونداي انىقتاما بەرمەيتىن بولىپ شىعىپتى. باسقا قانداي قۇجات كەرەك بولسا, ءبارىن بەرەدى. بەرە المايتىنىنا ءجون سىلتەپ, جول كورسەتىپ جىبەرەدى. ولاردىڭ ايتۋىنا قاراعاندا, ادىلەت دەپارتامەنتى بەرۋى ىقتيمال ەكەن.ەنتىگىپ وعان دا جەتكەن. «نەت, مى نە داديم تاكۋيۋ سپراۆكۋ», دەپ ولار دا سىرعىتپا جاۋاپپەن شىعارىپ سالعان. قويشى ايتەۋىر, قايسى مەكەمەگە بارسا دا قاجەتىن تابا الماي, الگى الەۋمەتتىك پەداگوگكە جاعدايدى ايتىپ قايتا كەلەدى. تالاپ ەتىلگەن انىقتامانى بەرەتىن كەڭسەنى تابۋ قيىنعا سوعىپ تۇرعاندىعىن ايتىپ, مۇمكىن, ءوزى كومەكتەسىپ جىبەرەر دەپ دامەلەنەدى. سويتسە, الگى الەۋمەتتىك پەداگوگ: «ءا, بەرمەي مە ەكەن ەشكىم, جارايدى, وندا جيعان-تەرگەن قۇجاتىڭىزدى تاپسىرا قويىڭىز», دەپتى ەش ىڭعايسىزدانباستان.مۇنداي دا سۇمدىق بولادى ەكەن دەپ جاعامىزدى ۇستادىق. «اكەل» دەيدى, ال ونىسى ورىنسىز ەكەندىگىن ەسكەرتسەڭ, «ءجا, قويا سال وندا» دەيدى. بۇل نە قىلعان مازاق, نەندەي بەيباقتاستىق؟ وسىنداي قاتەلىگى ءۇشىن ءار شەنەۋنىك زاڭ الدىندا جاۋاپ بەرۋگە ءتيىس بولسا, وندا مۇنداي سوراقىلىق تا ازايار ما ەدى, كىم ءبىلسىن؟ مۇمكىن بۇل جاس وتباسىلاردى تيەسىلى الەۋمەتتىك كومەككە قول جەتكىزبەۋ ءۇشىن الدەكىمدەر قولدان جاساپ وتىرعان قيتۇرقى امال بولار؟ سوندا جۇيكە جۇقارتقان ءجونسىز جۇگىرتۋ كىمگە كەرەك؟
نۇرباي ەلمۇراتوۆ.