وڭىرلەر مىقتى بولسا, مەملەكەت تە قۋاتتى

وسىنىڭ ءوزى-اق قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ «اقتوبە – ەل ەكونوميكاسىن العا تارتا الاتىن لوكوموتيۆتەردىڭ ءبىرى» دەگەن سالماقتى دا ساليقالى پىكىرى تەكتەن تەك ايتىلماعانىن كورسەتەدى. سونداي-اق ەلباسىنىڭ وبلىسقا كەلگەن ساپارلارىنىڭ بىرىندە ايتقان «اجارىڭ اتقان تاڭداي اشىلا بەرسىن, ارايلى اقتوبە» دەگەن جۇرەكجاردى لەبىزى دە ءالى كۇنگە دەيىن اقتوبەلىكتەردىڭ جا­دىندا ءجۇر. وسىنداي ەكونو­مي­كالىق الەۋەتى مىقتى, ونەر­كاسىبى قارىشتاپ دامىعان, الەۋمەتتىك سەرپىنى جوعارى ءوڭىر­گە ەل پرەزيدەنتى قاسىم-جو­مارت توقاەۆتىڭ جۇمىس ساپارىمەن كەلگەنى تامىرى تەرەڭ ساباقتاستىق پەن قامقورلىقتىڭ كورىنىسىندەي اسەر قالدىردى.

حالىقتان اسقان دانا جوق. قازاقستان پرەزيدەنتى ق.تو­قاەۆ­تىڭ اقتوبە وبلىسىنا ساپارى­نىڭ باستى ءتۇيىنى قازاقتىڭ تۇڭعىش دارىگەر قىزى اققاعاز دوسجانوۆا اتىنداعى كونگرەسس-حوللدا ءوڭىر جۇرتشىلىعىمەن وتكىزىلگەن كەزدەسۋدە جاسالدى ءارى قورىتىندىلاندى.

– سارسەنبىنىڭ ءساتتى كۇنى قۇتتى مەكەن اقتوبەگە جولىم ءتۇسىپ, وزدەرىڭىزبەن كەزدەسىپ وتىر­­­­عانىما قۋانىشتىمىن. مۇ­­عال­جار تاۋىنىڭ بوكتەرىندە ور­­نا­­لاسقان ءوڭىردىڭ تاريحى مەن شەجىرەسى تەرەڭ. بۇل توپى­­راق­تا ءابىل­قايىر حان, ايتە­كە, ءموڭ­كە بيلەر سەكىلدى تاري­­حي تۇل­­عالاردىڭ كىن­دىگى كەسىل­گەن. سون­داي-اق اق­توبە حالقى­مىز­دىڭ ماقتان تۇتار باتىر قىزى – ءاليا­­­نىڭ كىشى وتانى. تا­ريح­تى ءبىل­مەگەننىڭ بو­لا­شاعى بۇ­لىڭ­عىر. قالىڭ تاري­حى­مىزدىڭ ءبىر­نە­شە بەتتەرى وسى ءوڭىر­دەن تامىر تار­تادى, – دەدى ەل پرەزيدەنتى ق.توقاەۆ.

مەملەكەت باسشىسى جيىنعا قا­تىسۋشىلاردى اقتوبە قالا­سى­ن­ىڭ الداعى 150 جىلدىق مەرەيتويىمەن قۇتتىقتاپ, بۇگىندە ءوڭىر­دىڭ وندىرىستىك, لوگيستيكالىق جانە ترانزيتتىك الەۋەتى زور ەكە­نىن ايتتى.

– ايماقتىڭ قارقىندى دامۋى ءۇشىن بارلىق مۇمكىندىك بار. جەر­گىلىكتى كاسىپكەرلەردىڭ بەلسەن­دىلىگىن اتاپ ءوتۋ كەرەك. «تۋعان جەر» باعدارلاماسى اياسىندا 1400-دەن استام جوبا ىسكە اسىرىلدى. بۇدان بولەك, شەتەلدىك ينۆەستورلار وڭىردە الەۋمەتتىك نىساندار سالۋعا بەلسەندى اتسالىسۋدا, – دەدى ق.توقاەۆ.

قازاقستان پرەزيدەنتى حالىق­تىڭ ءومىر ءسۇرۋ ساپاسىن ارتتىرۋ جانە الەۋمەتتىك-ەكونوميكالىق ءوسىمدى قامتاماسىز ەتۋى ۇكىمەت پەن اكىمدەردىڭ نەگىزگى مىندەتى ەكە­نىن ايتتى.

– ازاماتتارعا قاجەتتى جاع­داي جاساۋ بارلىق دەڭگەيدەگى مەم­لەكەتتىك ورگانداردىڭ مىندەتىنە اينالۋى ءتيىس. مەملەكەتتىڭ باستى بايلىعى – ونىڭ حالقى! ولاردىڭ تىلەكتەرىن ەسكەرىپ, تولعاندىرعان ماسەلەلەرىن شەشۋ ۇكىمەتتىڭ نەگىزگى قاعيداتى بولۋى ءتيىس, – دەدى مەملەكەت باسشىسى.

ق.توقاەۆ جۇرتشىلىقپەن كەز­دەسۋىندە ءوڭىردىڭ بىرقاتار شە­شىل­مەگەن ماسەلەلەرىن دە اتاپ ءوتتى.

– وبلىستاعى ورتاشا جالا­قى­نىڭ كولەمى – 141 مىڭ تەڭگە, ال رەس­پۋبليكا بويىنشا 168 مىڭ تەڭگە. بۇدان بولەك, بىرقاتار اۋ­دان تۇرعىندارىنىڭ تابىس كولەمىندە ايتارلىقتاي ايىر­ما­شىلىق بار. لايىقتى جا­لاقى – حالىقتىڭ ءال-اۋقاتىنا ىق­پال ەتەتىن ماڭىزدى فاكتور. سون­دىقتان ازاماتتارىمىزدىڭ تا­بى­سىن ارتتىرۋ ارقاشان مە­نىڭ باستى نازارىمدا بولادى. حالقىنىڭ تابىس كولەمى وب­لىس اكىمدىكتەرىنىڭ جۇمىس كورسەتكىشىنە اينالۋى ءتيىس, – دەدى قازاقستان پرەزيدەنتى.

مەملەكەت باسشىسى ۇكىمەتكە جانە جەرگىلىكتى اتقارۋشى ورگان­دارعا ساپالى ءارى قولجەتىمدى تۇر­عىن ءۇي سالۋدى, حالىقتىڭ تابى­سىن ارتتىرۋدى, ىسكەرلىك بەل­سەندىلىكتى قولداپ, ورتا تاپ قالىپتاستىرۋدى, سونداي-اق ءوڭىردىڭ كولىك-ترانزيتتىك الەۋەتىن دامىتۋ جونىندە قاجەتتى شارالار قابىلداۋدى تاپسىردى.

قاسىم-جومارت كەمەل ۇلى ەل ەكونوميكاسىنداعى شاعىن جانە ورتا بيزنەستىڭ ۇلەسىن 2050 جىلعا دەيىن 50 پايىزعا ارتتىرۋ تۋرالى ەلباسىنىڭ مىندەتتەمەسىن ەسكە سالىپ, الداعى بەس جىلدا بۇل كورسەتكىشتىڭ 30 پايىزعا جەتۋى ءتيىس ەكەنىن ايتتى.

– وبلىس اكىمىنە «بيز­نەستىڭ جول كارتاسى-2025» رەس­­پۋب­­ليكالىق باعدار­لا­ما­سىنىڭ اياسىندا جۇيەلى شارالار قا­بىلداۋدى تاپسىرامىن. بيىل­­دان باستاپ وعان بولىنەتىن قار­جى 30 ميلليارد تەڭگەگە ءوستى. كاسىپكەرلەر ءوز ءىسىن دامىتۋ ءۇشىن بەرىلەتىن ميك­رونەسيەلەردى كە­دەر­گىسىز الۋى ءتيىس. ءبىز ولارعا جان-جاقتى قول­داۋ كورسەتىپ, بولا­شاعى بار ءار جوباعا كوڭىل ءبولۋى­مىز قاجەت, – دەدى ق.توقاەۆ.

سونىمەن قاتار قازاقستان پرەزيدەنتى وڭىردەگى تسيفرلان­دى­رۋ دەڭگەيىنىڭ تومەن, اۋىلدار­داعى ينتەرنەت شەكتەۋلى ەكەنىن ايتىپ, ەلدى مەكەندەردى دامىتۋ جونىندە بىرقاتار مىندەت قويدى.

– اگروونەركاسىپ سەكتورى – ءوڭىردىڭ الەۋمەتتىك-ەكونو­مي­كالىق دامۋىنىڭ نەگىزگى ارقاۋى. اقتوبە وبلىسى – جەرىنىڭ كو­لە­مى جاعىنان ەلىمىزدەگى ءىرى ءوڭىر­لەردىڭ ءبىرى. اكىمدىك اۋىل شارۋا­شىلىعىن دامىتۋ ءۇشىن ناقتى جۇ­مىس جوس­پارىن ازىرلەۋى ءتيىس. ءوڭىر ازىق-ت ۇلىك قاۋىپسىزدىگىن قام­­تا­ماسىز ەتۋ ىسىندە ماڭىزدى ءرول ات­قارۋى كەرەك, – دەدى ق.تو­قاەۆ.

     ءىس-شارا سوڭىندا قازاق­ستان پرەزيدەنتى اقىن ب.قال­ما­­عان­بەتوۆتى, ەڭبەك ارداگەرى س.قۇ­سايىنوۆانى, قازاق كامەرالىق حورىنىڭ كوركەمدىك جەتەكشىسى ءارى ديريجەرى م.قۇسپانوۆتى, اق­توبە فەرروقورىتپا زاۋى­تى­نىڭ اۆتوكولىكتى پايدالانۋ ءجونىن­دەگى شەبەرى ۆ.پلۋگيندى جانە الەۋ­مەتتىك قىزمەت كور­سە­تۋ ورتا­لى­عىنىڭ مەدبيكەسى ل.مار­شەني­نانى العىس حاتتارمەن ماراپاتتادى.

پرەزيدەنتتىڭ وبلىس جۇرت­شى­لىعىمەن كەزدەسۋى كەزىندە وبلىستىق ارداگەرلەر كەڭەسىنىڭ توراعاسى كەڭەس ءبىرمانوۆ, قا­زاق­ستاننىڭ ەڭبەك ەرى سال اۋرۋلارىنا شالدىققان مۇگەدەك ازاماتتاردى قولداۋ قورىنىڭ ءتورايىمى قۇرالاي بايمەنوۆا, وبلىستىق ىسكەر ايەلدەر قاۋىمداستىعىنىڭ ءتورايىمى اينۇر باقتىعاليەۆا جانە قازاقستان حالقى اسسام­بلەيا­سىنىڭ مۇشەسى, اقتوبە وبلىستىق  ءماسليحاتىنىڭ دەپۋتاتى سەرگەي ۆيشنياك ءسوز سويلەپ, پرەزيدەنتتىڭ وي-تۇ­جىرىمدارى كوڭىلدەرىنەن شىق­قانىن جەتكىزدى.

مەملەكەت باسشىسى جۇرت­شى­لىقپەن كەزدەسۋ الدىندا «Green Capital Kazakhstan» جىلىجاي كەشەنىنە بارعان بولاتىن. قازاقستان پرەزيدەنتى اقتوبە وبلىسىنا جۇمىس ساپارى بارىسىندا جىلىنا 3 مىڭ توننا كو­كونىس وسىرەتىن «Green Capital Kazakhstan» جشس-ءنىڭ جىلىجاي كەشەنىن ارالاپ كوردى.

قاسىم-جومارت توقاەۆ كاسىپ­ورىننىڭ شىعاراتىن ونىمدەرىمەن تانىستى جانە جاڭا جۇمىس ورىن­دارىن اشىپ, حالىقتىڭ ءال-اۋ­قاتىن ارتتىرۋ ءۇشىن وسىنداي ين­ۆەستيتسيالىق جوبالاردى ىسكە قو­سۋدىڭ ماڭىزدى ەكەنىن اتاپ ءوتتى.

قازاقستان پرەزيدەنتى ق.تو­قاەۆ كەلەسى كەزەكتە اقتوبە قالا­سىنىڭ يندۋستريالىق ايماعىنىڭ جۇمىسىمەن تانىستى. مەملەكەت باسشىسىنا گرانيت پەن كە­­راميكالىق تاقتايشالار شىعا­راتىن «زەردە-كەراميكا اقتوبە» جشس زاۋىتىنىڭ قۇرى­لىسى جونىندە مالىمەت بەرىلدى. اتالعان ينۆەستيتسيالىق جوبانىڭ جالپى قۇنى 9,2 ميلليارد تەڭگە.

قازاقستان پرەزيدەنتىنە ين­دۋستريالىق-يننوۆاتسيالىق دامۋ مەملەكەتتىك باعدارلاماسىنىڭ جۇزەگە اسىرىلۋى, ونەركاسىپتىڭ جاڭ­عىرتىلۋى, شاعىن جانە ورتا بيزنەستىڭ دامۋى تۋرالى باياندالدى. سونداي-اق ق.توقاەۆقا وب­لىستاعى ءىرى ءوندىرىس نىساندارى, سونىڭ ىشىندە مۇناي وندىرەتىن «سنپس-اقتوبەمۇنايگاز» اكتسيو­نەرلىك قوعامىنىڭ جانە جەل ەلەكترى ستانساسىنىڭ قۇرى­لى­سى­مەن اينالىساتىن «ARM WIND» جاۋاپكەرشىلىگى شەكتەۋلى سەرىك­تەس­تى­گىنىڭ جۇمىسى جونىندە مالىمەت بەرىلدى.

ق.توقاەۆ كومپانيا باسشىلا­رىنا ارنالعان سوزىندە ەڭبەك­كەرلەردىڭ جالاقىسىن جىل سايىن ءوسىرۋ جانە ساتىپ الىناتىن تاۋارلار مەن كورسەتىلەتىن قىز­مەت­تەردەگى قازاقستاننىڭ ۇلە­سىن ارت­تىرۋ قاجەتتىگىن ايتتى. مەم­­لە­كەت باسشىسى شاعىن جانە ورتا بيز­نەستى دامىتۋ ءۇشىن ءىرى كاسىپ­ورىن­داردىڭ اينالاسىندا بەلدەۋ قۇ­رۋدىڭ ماڭىزدىلىعىن اتاپ ءوتتى.

سوڭىندا قازاقستان پرەزي­دەنتى وبلىس باسشىلىعىنا وڭىرگە ين­ۆەستيتسيا تارتۋ بويىنشا كە­شەن­دى شارا قابىلداۋدى تاپ­سىر­دى.

قازاقستان پرەزيدەنتى ق.تو­قاەۆ سونداي-اق اقتوبەدەگى «قاز­حروم» تۇك» اكتسيونەرلىك قوعا­مى­­نىڭ فەرروقورىتپا زاۋىتىندا بولدى. مەملەكەت باسشىسىنا قازاقستان مەتاللۋرگياسى كوش­باسشىلارىنىڭ ءبىرى سانالاتىن زاۋىتتىڭ تەحنولوگيالىق ۇدەرىسى مەن وندىرىستىك كورسەتكىشتەرى كورسەتىلدى.

پرەزيدەنتكە «حا­لىق باقى­لاۋى» جوباسى تانىس­تى­رىلدى. باس­تاما اياسىندا ءمۇم­كىن­دىگى شەك­تەۋلى جاندار ءوندىرىس ور­­نىن­دا قاۋىپسىزدىك تەحني­كاسى­نىڭ ساق­تالۋى مەن ەڭبەكتىڭ قور­عا­­لۋىن قامتاماسىز ەتۋگە اتسالى­سادى.

مەملەكەت باسشىسى جوبانىڭ الەۋمەتتىك ماڭىزىن اتاپ ءوتىپ, ونىڭ ىسكە اسىرىلۋ ناتيجەلەرىن جوعارى باعالادى, سونداي-اق بۇل تاجىريبەنى كەڭىنەن قولدانۋدى تاپسىردى.

– ءبىز بۇل باستامانى قولدايمىز. ويتكەنى وندىرىستە جاراقات الىپ قالۋ قاۋپى جوعارى بولعاندىقتان, مۇنداي جۇمىس وتە پايدالى جانە قاجەت. ەڭبەككەرلەردى الەۋمەتتىك جاعىنان قىزىقتىراتىن جوبانىڭ ماڭىزى زور. بارشاڭىزعا دەن­ساۋ­لىق, باق-بەرەكە تىلەيمىن, – دەدى ق.توقاەۆ.

قازاقستان پرەزيدەنتى ق.تو­قاەۆ وڭىرگە جۇمىس ساپارى شەڭ­بەرىندە مەديتسينا قىزمەت­كەر­لەرىنىڭ فو­رۋمىنا قاتىستى. اقتوبە مەدي­تسي­­نالىق ورتالى­عىندا وتكەن ءىس-شا­را بارىسىندا قازاقستان پرە­زي­دەنتىنە مەدي­تسي­نالىق كلاس­تەر قۇرۋ تاجىريبەسى جانە اق­توبە وب­لىسىنىڭ ۇلگىسى بو­يىن­شا وڭىرلەر­دەگى دەنساۋلىق ساق­تاۋ سالا­سىندا كلاستەرلىك ءادىستى قولدا­نۋدىڭ پەرسپەكتيۆالارى جونىندە مالىمەت بەرىلدى.

ق.توقاەۆ «حالىقتىڭ دەن­ساۋ­لىعىن ساقتاۋ: سايا­سات, عىلىم, ءبىلىم, العاشقى مەدي­تسي­نالىق-سانيتارلىق جاردەم ءتاجى­ريبەسى» اتتى حالىقارالىق عى­لىمي-ءتا­جى­ريبەلىك كونفەرەنتسيادا ءسوي­لەگەن سوزىندە ۇلت دەنساۋلىعى مەم­لە­كەتىمىزدىڭ باستى بايلىعى ەكەنىن ايتتى.

– ەلباسىنىڭ تاپسىرماسىمەن نەگىزى قالانعان اقتوبە مەديتسينا ورتالىعى وتاندىق دەنساۋلىق ساق­تاۋ سالاسىنىڭ  الەۋەتىن ارتتى­رۋعا ايرىقشا ۇلەس قوسىپ وتىر. ءبۇ­گىندە تۇرعىندار نۇر-سۇلتان, الماتى قالالارىنا بارماي, شەتەلگە شىقپاي, وسى ورتالىقتا نەيروحيرۋرگيا, بالالار كارديولوگياسى, ترانسپلانتولوگيا سالالارى بويىنشا ساپالى ەم قابىلداي الادى. بارلىق وبلىس وسىنداي دەڭگەيگە ۇمتىلۋى قاجەت. بۇعان الەۋەتىمىز جەتەدى, – دەدى قازاقستان پرەزيدەنتى.

مەملەكەت باسشىسى ەلىمىزدە مە­ديتسينالىق-دەموگرافيالىق احۋال­دىڭ جاقسارىپ كەلە جات­قا­نىن اتاپ ءوتىپ, تاۋەلسىزدىك جىلدار­ىندا قازاقستان حالقىنىڭ سانى 2 ميلليون ادامعا ءوسىپ, ازا­مات­تاردىڭ ءومىر ءسۇرۋ ۇزاقتىعى 6 جىلعا ۇزارعانىن ايتتى.

– ينفراقۇرىلىم ايتارلىقتاي جاڭاردى. 219 جاڭا اۋرۋحانا, 1200-گە جۋىق جاڭا زاماناۋي ەمحانا مەن امبۋلاتوريالىق مەكەمەلەر سالىندى. ءبىز بىرىڭعاي ۇلتتىق دەنساۋلىق ساقتاۋ جۇيەسىن ەنگىزدىك. بۇگىندە رەسپۋبليكالىق كلينيكالار بۇرىن تەك شەتەلدەردە عانا جۇزەگە اسىرىلاتىن كۇردەلى وپەراتسيالاردى جاسايدى, – دەدى قاسىم-جومارت توقاەۆ.

قازاقستان پرەزيدەنتى دەن­ساۋلىق ساقتاۋ ينفرا­قۇ­رى­لىمىن ودان ءارى جاڭعىرتۋ, مەدي­تسينالىق قىزمەت پەن ءدارى-دارمەك­تەردىڭ ساپاسىن جاقسارتۋ جانە ولاردىڭ حالىققا قولجەتىمدى بولۋىن قام­تاماسىز ەتۋ, وتاندىق مەديتسينا عىلىمىن دامىتۋ, سونداي-اق دەن­ساۋلىق ساقتاۋ جۇيەسىن تسيفرلاندىرۋ جونىندەگى شارالارعا ەگجەي-تەگجەيلى توقتالدى.

– العاشقى جاردەم ادامدارعا بارىنشا جاقىنداتىلۋى ءتيىس. ساپالى مەديتسينالىق قىزمەت ازاماتتاردىڭ تۇرعىلىقتى جە­رىنە قاراماستان بارىنە بىردەي قول­جەتىمدى بولۋى كەرەك. سونىمەن قاتار الداعى ۋاقىتتا قوعامدىق دەنساۋلىق ساقتاۋ قىزمەتىنە جانە العاشقى مەديتسينالىق-سانيتارلىق جاردەمگە بولىنەتىن قارجىنى وسى سالاعا جۇمسالاتىن قاراجاتتىڭ جالپى كولەمىنىڭ 60 پايىزىنا دەيىن ارتتىرۋ قاجەت. ناتيجەسىندە 2025 جىلعا دەيىن الدىن الۋ شارالارىنا عانا بولىنەتىن قارجى ەكونوميكالىق ىنتىماقتاستىق جانە دامۋ ۇيىمى ەلدەرىنىڭ دەڭگەيىنە جەتەدى, – دەدى مەملەكەت باسشىسى.

ق.توقاەۆ 2019-2021 جىلدارى جەتى وڭىردەگى 10 مەديتسينالىق نىساننىڭ قۇرىلىسىنا 120 ميل­ليارد تەڭگەگە جۋىق قارجى ءبولى­نەتىنىن ايتتى. پرەزيدەنتتىڭ ءسوزى­نە قاراعاندا الداعى ءۇش-بەس جىلدا وتاندىق مەديتسينانى, سونىڭ ءىشىن­دە اۋىلدىق جەرلەردەگى اۋرۋ­حانالاردى ماتەريالدىق-تەحني­كالىق جابدىقتارمەن جانە كو­لىكپەن قامتاماسىز ەتۋ ماسەلە­لەرىن تولىق شەشۋ كوزدەلىپ وتىر.

– مەديتسينالىق قىزمەتتىڭ قولجەتىمدىلىگى مەن ساپاسىنا بايلانىستى مىندەتتەردى, ءدارى­گەر­لەردىڭ مارتەبەسى مەن بەدەلىن كوتەرمەي جۇزەگە اسىرۋ مۇمكىن ەمەس. بيىلعى 1 ماۋسىمنان باستاپ بيۋدجەت سالاسى قىزمەتكەرلەرىنىڭ, سونىڭ ىشىندە دارىگەرلەردىڭ ەڭبەكاقىسى جەكەلەگەن كاتەگوريالار بويىنشا 30 پايىزعا ارتادى. مامان دايارلاۋ ساپاسى بويىنشا مەديتسينالىق جوعارى وقۋ ورىندارى مەن كوللەدجدەرگە تالاپتى كۇشەيتۋ قاجەت. مۇندا تەوريالىق بازا عانا ەمەس, سونداي-اق ءتا­جى­ريبەلىك داعدىعا ماشىقتانۋ دا ماڭىزدى. سوندىقتان وڭىرلىك ەمحانالاردىڭ ءبىر بولىگىن مەدي­تسي­نالىق جوعارى وقۋ ورىندارىنا بەرۋ كەرەك. نۇر-سۇلتان, ال­ماتى جانە شىمكەنت سياقتى ءىرى قالالار جوعارى تەحنولوگيالى مە­ديتسينالىق ورتالىقتارعا اي­نالۋى ءتيىس, – دەدى قازاقستان پرە­زيدەنتى.

سوڭىندا مەملەكەت باسشىسى كونفەرەنتسياعا قاتىسۋشىلارعا تابىس جانە جەمىستى پىكىرتالاس تىلەدى.

قازاقستان پرەزيدەنتى ق.تو­قاەۆ وڭىرگە جۇمىس ساپارىنىڭ سوڭىندا «جەكپە-جەك» سارايىنا باردى. مەملەكەت باسشىسى گيمناستيكاعا جانە باسقا دا جاتتىعۋلارعا ارنالعان زالداردى ارالاپ كوردى. بۇل كەشەندە بوكس, كۇرەس, دزيۋدو جانە وزگە دە سپورتتىڭ جەكپە-جەك تۇرلەرىنەن حالىقارالىق دەڭگەيدەگى جارىس­تار وتكىزۋگە مۇمكىندىك بار.

قاسىم-جومارت كەمەل ۇلى قازاق كۇرەسىنەن جاستار اراسىندا ءوتىپ جاتقان وڭىرلىك كوماندالىق تۋر­نيرگە قاتىسۋشىلاردىڭ بەل­دەسۋلەرىن تاماشالادى.

قازاقستان پرەزيدەنتى تانىمال سپورتشىلارمەن اڭگىمەلەسىپ, ولارعا جەتىستىكتەرى ءۇشىن ريزا­شى­لىق ءبىلدىردى. مەملەكەتتىڭ ءار­دايىم سپورتقا جان-جاقتى قول­داۋ كورسەتەتىنىن جەتكىزدى.

اقتوبە وبلىسى