كەشتىڭ باستى ەرەكشەلىگى سول, بەكزات ونەر جولىندا جۇرگەن ءۇش بۋىن وكىلدەرى باس قوسىپ, «قۇلاقتان كىرىپ, بويدى الار» نەبىر حالىق اندەرى مەن تەرمەلەردى شىرقادى. بۇقار جىراۋ, مايلىقوجا, بازار جىراۋ, ء بىرجان سال, جاياۋ مۇسا, اقان سەرى, ۇكىلى ىبىراي سەكىلدى قازاقتىڭ ءبىرتۋار دۇلدىلدەرىنىڭ ەسىمدەرى ارداقتالىپ, كورەرمەندەر وشكەنى جانىپ, ولگەنى تىرىلگەندەي عاجاپ كۇيگە بولەندى.
سانالى عۇمىرىنىڭ 40 جىلىن مادەنيەت سالاسىنا ارناعان اعا بۋىن وكىلى داستەن بايمۇقانوۆ مۇقاعالي ماقاتاەۆتىڭ سوزىنە جازىلعان تىنىشباي راحيموۆتىڭ «نەنى اڭسايمىن» ءانىن ناقىشىنا كەلتىرە ورىنداپ بەردى. تۇڭعىش پرەزيدەنتتىڭ الدىندا اۋەلەتە ءان شىرقاپ, العىسىنا بولەنگەن كاميلا الىباەۆا «مىڭ ءبىر مارجان», بيبىگۇل ابىشەۆا«تىلەك» تەرمەلەرىن, جانات ايتباەۆ «اعاشاياقتى», «قايىرلى عافۋروۆ «سىرعاقتىنى», بالتاباي رامازانوۆ«ەكى جيرەندى» كەلىستىرە ايتىپ بەردى.
ءان فەستيۆالىن ۇيىمداستىرۋشى, جەز تاڭداي ءانشى, جاس تا بولسا باس بولا بىلگەن ءبىرجان ەسجانوۆ جۇرتشىلىققا «اسەت پەن كەمپىربايدىڭ قوشتاسۋىن» ۇسىندى.
كۇللى ۇلتتىق بولمىسىمىزدى, ونەرگە دەگەن ىنتىقتىعىمىزدى, بەكزادا انگە دەگەن ىڭكارلىگىمىزدى ەرەكشە سازبەن, وزىندىك ىرعاقپەن ادەمى دە اسەرلى ەتىپ جەتكىزە بىلگەن ءۇش بۋىن وكىلدەرىنە فيلارمونيانىڭ العىس حاتتارى مەن ەسكەرتكىش سىيلىقتارى تابىس ەتىلدى.
سولتۇستىك قازاقستان وبلىسى