17 جانە 18 مامىردا ساعات 09:00 مەن 19:00 ارالىعىندا اكىمشىلىك, جەرگىلىكتى جانە كوشى-قون قىزمەتتەرىنىڭ پوليتسيا قىزمەتكەرلەرى ارنايى جابدىقتالعان اۆتوبۋستاردا ازاماتتاردى قابىلدايدى دەپ حابارلايدى ەلوردا اكىمدىگىنىڭ رەسمي سايتى.
قالا تۇرعىندارى مەن قوناقتارى پوليتسيا قىزمەتكەرلەرىنەن كەڭەس جانە قۇقىقتىق كومەك الۋ, جول قاۋىپسىزدىگى مەن كوشى-قون زاڭنامالارىن ۇستانۋ جانە تاعى دا باسقا سۇراقتارمەن جۇگىنە الادى. ءموبيلدى توپتار ازاماتتاردى «جولدا قابىلداۋ» جازۋى بار شاعىن اۆتوبۋستاردا قابىلدايدى.
ءىس-شارا قالانىڭ 4 اۋماعىندا وتەدى:
- ەسىل اۋدانىندا – «Ailand» ودو (قورعالجىن تاس جولى, 2);
- بايقوڭىر اۋدانىندا – نۇر-سۇلتان ق. پد ءاپب (جەتىگەن كوشەسى, 16);
- سارىارقا اۋدانىندا – مامانداندىرىلعان حقكو (20-40 كوشەسى); «نۇر-سۇلتان 1» تج ۆوكزالى الدىندا (گەتە كوشەسى, 1);
- الماتى اۋدانىندا – «راحمەت» سوسو (ب. مومىش ۇلى داڭعىلى, 10); «الاتاۋ» سك (تاۋەلسىزدى داڭعىلى, 1/1).
«جەدەل جەلى» تەلەفوندارى: 8 (7172) 71-60-77, ۇيالى تەل: 87761972348.