ەلباسى نۇرسۇلتان نازارباەۆقا جەل, كۇن, سۋ جانە گەوتەرمالدى رەسۋرستاردىڭ الەۋەتى, قاتتى تۇرمىستىق قالدىقتار مەن بيوماسسا پوليگوندارىنىڭ ورنالاسۋى تۋرالى اقپاراتتى قامتيتىن تسيفرلىق الاڭنىڭ ۇلگىسى تانىستىرىلدى.
نۇرسۇلتان نازارباەۆ ەكولوگيالىق قاۋىپسىزدىكتى قامتاماسىز ەتۋدىڭ جانە ەلىمىزدە جاڭارتىلاتىن ەنەرگيا كوزدەرىن دامىتۋدىڭ ماڭىزدىلىعىن اتاپ ءوتتى.
ەلباسى قاتتى تۇرمىستىق قالدىقتاردى قايتا وڭدەۋ سالاسىنا وزىق تەحنولوگيا ەنگىزۋ جانە وسى سالاعا ينۆەستورلار تارتۋ ماسەلەلەرىنە باسا ءمان بەردى.
قازاقستاننىڭ تۇڭعىش پرەزيدەنتى, سونداي-اق, قازاقستاندىق جوعارى وقۋ ورىندارىنىڭ جاڭارتىلاتىن ەنەرگيا كوزدەرى سالاسىنداعى پەرسپەكتيۆتى ازىرلەمەلەرىمەن تانىستى.
«جاسىل» تەحنولوگيالاردىڭ جانە ينۆەستيتسيالىق جوبالاردىڭ حالىقارالىق ورتالىعى» كوممەرتسيالىق ەمەس اكتسيونەرلىك قوعامى «استانا – ەكسپو-2017» كورمەسىنىڭ ينفراقۇرىلىمى نەگىزىندە 2018 جىلعى ءساۋىر ايىندا قۇرىلدى.