وڭتايلىسى دا وسى. تالاپ بيىگىنەن تابىلاتىن ءتوتە جول قايسى؟ بۇل ەڭ الدىمەن, شيپاجايلاردىڭ شيپاسىن ارتتىرۋ. بۋراباي باۋرايىنداعى «وقجەتپەس» ەمدەۋ-ساۋىقتىرۋ كەشەنىندە وسى ماسەلەنىڭ ءمان-جايىن تەرەڭ قامتىعان «شيپاجاي-2019» ءىV حالىقارالىق عىلىمي-ءتاجىريبەلىك فورۋمى ءوتتى. ەڭ الدىمەن بۋراباي كۋرورتتى ايماعىن دامىتۋ جولدارىن ىزدەستىرۋدى كوزدەگەن فورۋم جۇمىسىنا پرەزيدەنت ءىس باسقارۋشىسىنىڭ ورىنباسارى قانات شوكەنوۆ, اقمولا وبلىسىنىڭ اكىمى ەرمەك مارجىقپاەۆ, ۆەنگريانىڭ قازاقستانداعى توتەنشە جانە وكىلەتتى ەلشىسى اندراش باراني, پرەزيدەنت ءىس باسقارماسى مەديتسينالىق ورتالىعىنىڭ باسشىسى الەكسەي تسوي, سونداي-اق رەسەي, گرۋزيا, شۆەيتساريا, ليتۆا, چەحيا, ۆەنگريا مەملەكەتتەرىنەن دەلەگاتتار قاتىسىپ, مەديتسينالىق تۋريزمدى دامىتۋ ءجونىندە پىكىر الماستى.
قازاقستاننىڭ, سونداي-اق ءبىرنەشە شەت مەملەكەتتەردىڭ مەديتسينالىق وڭالتۋ, كارديولوگيا, ۋرولوگيا, ونكولوگيا, گينەكولوگيا, كۋرورتولوگيا, فيزيوتەراپيا, ەمدىك دەنە شىنىقتىرۋ سالالارىنىڭ جەتەكشى ماماندارى باس قوستى. كوپ بولىپ كەڭەسكەن ءىستىڭ ناتيجەلى دە بولارى بەلگىلى. الداعى ۋاقىتتا اتقارىلۋعا ءتيىس جۇمىس اۋقىمى پىسىقتالدى.
ساناتوريالىق-كۋرورتتىق ۇيىمداردىڭ نەگىزگى قىزمەت باعىتى – حالىقتىڭ دەنساۋلىعىن قورعاۋ, اۋرۋدىڭ الدىن الۋ. كۋرورتولوگيا سالاسىنداعى زەيىندى زەرتتەۋلەر وسى سالانىڭ دەنساۋلىق ساقتاۋ جۇيەسىندە ايرىقشا ماڭىزعا يە ەكەنىن الدەقاشان دالەلدەگەن. فورۋمدا ءسوز العان پرەزيدەنت ءىس باسقارۋشىسىنىڭ ورىنباسارى قانات شوكەنوۆ پرەزيدەنت ءىس باسقارماسى مەديتسينالىق ورتالىعىنىڭ ەمدەۋ-ساۋىقتىرۋ كەشەندەر جۇيەسىنە 743 ورىنعا شاقتالعان شيپاجاي كىرەتىنىن ايتىپ ءوتتى. بۇل شيپاجايلاردا جىل سايىن 20 مىڭعا تاياۋ ادام ەم قابىلدايدى. اقمولا وبلىسىنىڭ اكىمى ەرمەك مارجىقپاەۆ وڭىردەگى تابيعي مۇمكىندىكتەردى ءىلكىمدى پايدالانا وتىرىپ, اۋرۋدىڭ الدىن الۋدىڭ قانشالىقتى ماڭىزدى ەكەنىن تاراتىپ ايتىپ بەردى. ششۋچە-بۋراباي كۋرورتتى ايماعىندا ءبىر مەزگىلدە 3 مىڭ ادامعا قىزمەت كورسەتە الاتىن 15 شيپاجاي جۇمىس ىستەيدى. بۇل ەلىمىزدەگى بارلىق شيپاجايلاردىڭ 9 پايىزى. اۋرۋدىڭ الدىن الۋعا تازا اۋا, ءمولدىر سۋ, تامىلجىعان تابيعات سەپتىگىن تيگىزىپ-اق تۇر. شيپاجايلار نەگىزىنەن تىنىس الۋ, جۇرەك, قان تامىرلارى, اس قورىتۋ, تىرەك-قيمىل ورگاندارى سىرقاتتارىن ەمدەۋمەن اينالىسادى. قازىر زامانداستارىمىز تابيعات تارتۋىن جەتە ءتۇسىنۋدە. 2016 جىلى بۋراباي باۋرايىنداعى شيپاجايلاردىڭ شيپاسىن كورۋگە 25 مىڭعا جۋىق ادام كەلسە, 2017 جىلى 28500 ادام ەمدەلگەن. ال وتكەن جىلى بۇل كورسەتكىش 30 مىڭ ادامعا جەتكەن. وبلىس اكىمى وسىنداي دەرەكتەردى ايتا كەلە, كەلەسى جىلى مۇنداي فورۋمدى زەرەندى كۋرورتتى ايماعىندا دا وتكىزۋ تۋرالى ۇسىنىسىن ايتتى.
فورۋم جۇمىسىنا قاتىسقان دەلەگاتتار – ۆەنگريانىڭ قازاقستانداعى ءتوتەنشە جانە وكىلەتتى ەلشىسى اندراش باراني, پرەزيدەنت ءىس باسقارماسى مەديتسينالىق ورتالىعىنىڭ باسشىسى الەكسەي تسوي, سونداي-اق Switzerland Tourism كومپانياسىنىڭ دامۋشى نارىقتار جانە ارنايى جوبالار جونىندەگى ديرەكتورى فەدەريكو مارۋگو مەن «Kazakh Tourism» ۇلتتىق كومپانياسى» اق توراعاسىنىڭ ورىنباسارى قايرات سادۋاقاسوۆ مەديتسينالىق ءتۋريزمدى دامىتۋ جونىندە كەڭىنەن اڭگىمەلەپ بەرسە, «استانا» مەديتسينالىق ۋنيۆەرسيتەتىنىڭ رەكتورى داينيۋس پاۆالكيس, ۆەنگريادان كەلگەن دارىگەر-كۋرورتولوگ يرينا نەكراسوۆا مەديتسينا ماماندارىن دايارلاۋ, ۆەنگريانىڭ شيپاجايلارى تۋرالى باياندامالار جاسادى. ال فورۋمنىڭ پلەنارلىق وتىرىسىندا دەلەگاتتار بىلىكتى عالىمداردىڭ وي-پىكىرلەرىن تىڭدادى.
فورۋم اياسىندا «ساناتوري-كۋرورتتىق ىستەگى مەديتسينالىق وڭالتۋدىڭ الەۋەتى. ماسەلەلەر جانە شەشۋ جولدارى», «مەديتسينالىق وڭالتۋدىڭ بولاشاعى بار ما؟», «كۋرورتتىق ىستەگى ەكونوميكا جانە مەنەدجمەنت» اتتى تاقىرىپتاردا كونفەرەنتسيالار وتكىزىلىپ, كۋرورتتى ايماققا اقپاراتتىق تۋر, «وقجەتپەس» شيپاجايىنا ساياحات ۇيىمداستىرىلدى.
پرەزيدەنت ءىس باسقارماسىنىڭ مەديتسينالىق ورتالىعى ۇيىمداستىرعان «شيپاجاي-2019» IV حالىقارالىق عىلىمي-تاجىريبەلىك فورۋمى بارىسىندا اتالعان باسقارمانىڭ مەديتسينالىق ورتالىعى مەن «Kazakh Tourism» ۇلتتىق كومپانياسى اراسىندا ىنتىماقتاستىق جونىندەگى مەموراندۋمعا قول قويىلىپ, قاتىسۋشىلارعا سەرتيفيكاتتار تابىس ەتىلدى.
اقمولا وبلىسى,
بۋراباي اۋدانى