پارلامەنت جوعارعى پالاتاسىنىڭ باسشىسى قازاقستان مەن امىرلىك ىنتىماقتاستىعىنىڭ قارقىندى دامۋىنا ريزاشىلىق بىلدىرە كەلىپ, وعان ەلىمىزدىڭ تۇڭعىش پرەزيدەنتى – ەلباسى ن.نازارباەۆ پەن ءباا-ءنىڭ جوعارى باسشىلىعى, ونىڭ ىشىندە شەيح زايد نەگىزىن قالاعان سەنىمدى قارىم-قاتىناستار ىقپال ەتكەنىن اتاپ ءوتتى.
ءباا ەلشىسى د.نازارباەۆاعا سەنات توراعاسى قىزمەتىنە سايلانۋعا بايلانىستى ءباا ۇلتتىق فەدەرالدىق كەڭەسىنىڭ توراعاسى امال ءال-كۋبيسيدىڭ قۇتتىقتاۋىن جەتكىزدى.
سەنات باسشىسى ەكى ەل اراسىنداعى پارلامەنتتىك الماسۋلاردىڭ ماڭىزدىلىعىن اتاپ ءوتىپ, ءباا دەپۋتاتتارىن قازاقستانعا كەلۋگە شاقىردى.
مۇحاممەد ءال-دجابەر ءابۋ-ءدابيدىڭ مۇراگەر حانزاداسى شەيح مۇحاممەد بەن زايد ءال-ناحاياننىڭ 14 مامىرعا جوسپارلانعان نۇر-سۇلتانعا رەسمي ساپارىنىڭ دايىندىعى تۋرالى حاباردار ەتتى. قازاقستان سەناتىنىڭ باسشىسى بۇل ساپار ءوزارا ءىس-قيمىلدىڭ بارلىق سالالارىنداعى ەكىجاقتى قارىم-قاتىناستاردى ودان ءارى نىعايتۋعا ىقپال ەتەتىنىنە سەنىم ءبىلدىردى.
كەزدەسۋ بارىسىندا ساۋدا-ەكونوميكالىق, كولىك-لوگيستيكالىق, گۋمانيتارلىق ىنتىماقتاستىقتى تەرەڭدەتۋدىڭ كەلەشەگى تالقىلاندى. اۋقىمدى ەكونوميكالىق جوبالاردىڭ اراسىندا - اتىراۋ وبلىسىندا قۇنى 6,5 ملرد دوللار بولاتىن گاز-حيميا زاۋىتىن سالۋ, سونداي-اق تەڭىز پورتتارىنىڭ ءىرى وپەراتورى – «DP World» كومپانياسىنىڭ قازاقستان-قىتاي شەكاراسىندا جانە قازاقستاننىڭ باتىسىندا اقتاۋ تەڭىز پورتىندا كولىكتىك-لوگيستيكالىق حاب جوباسىنا قاتىسۋ جوسپارى بار.
ءباا ەلشىسى قازاقستاندا «SABIS» برەندىمەن جۇمىس ىستەيتىن حالىقارالىق ءبىلىم بەرۋ جەلىسىن قۇرۋ تۋرالى ايتا كەلىپ, بۇل سالا بويىنشا دۇنيە جۇزىندە 65 مىڭنان استام وقۋشىلار ءبىلىم الاتىن 60-تان استام مەكتەپ بار ەكەنىن جەتكىزدى.
سەنات باسشىسى ءبىزدىڭ ەلدەرىمىز اراسىنداعى ۆيزاسىز ءتارتىپتىڭ تۋريستىك الەۋەتىن دامىتۋعا وڭ اسەرىن اتاپ ءوتىپ, ءباا-دەن قازاقستانعا تۋريستەر اعىنىن ۇلعايتۋدى ۇسىندى.