قازاق حالىق اۋەندەرىمەن سەۋلدىكتەردى « ۇلى دالا» توبى تانىستىردى.
ەكى كۇن بويى چونگەچون بۇلاعىنداعى الاڭدا كەلۋشىلەرگە قازاقتىڭ ۇلتتىق تاعامدارى مەن كادەسىيلار تارتىلدى. قوناقتار قازاقستاندىق ديزاينەر كاميلا سۇلەيمەنوۆانىڭ ءسان كوللەكتسياسىن تاماشالادى. بارلىق كيىمدەردى ول ءوز قولىمەن كيىزدەن تىككەن. ال قازاق حالىق اۋەندەرىمەن سەۋلدىكتەردى « ۇلى دالا» توبى تانىستىردى. سامات ءابۋتاليپوۆ, المات سايجان جانە جانىبەك ساپاروۆ ءان ايتىپ, شاڭقوبىز, قوبىز, دومبىرا سەكىلدى حالىق اسپاپتارىندا وينادى.
ال ەلىمىزدىڭ ەسترادا اندەرىن قوبىزبەن ايگەرىم ءاشىموۆا ورىندادى. «بۇگىن قازاق مۋزىكاسىن تىنداپ ول كورەي اۋەندەرگە ۇقسايتىن ءتۇسىندىم. قازاقتار دا بىزگە وتە ۇقسايدى. مەن قازاقستاندا ەكى رەت بولدىم, بۇگىن قازاق تاعامدارىنان ءدام تاتىپ, تاعى ءبىر رەت ەلىڭىزگە ساياحات جاساۋعا وي كەلدى», دەيدى سەۋل قالاسىنىڭ تۇرعىنى پاك دجۋ حا.