قازاقستان حالقى بىرلىگى كۇنى وبلىس ورتالىعىنان الىس ورنالاسقان ايىرتاۋ اۋدانىنىڭ تۇرعىندارى ۇلكەن قۋانىشقا بولەندى.
وبلىس اكىمىنىڭ ورىنباسارى اسقار ساقىپكەرەەۆ پايدالانۋعا بەرىلگەن 80 پاتەرلى ءۇيدىڭ كىلتتەرىن قونىستانۋشىلارعا سالتاناتتى تۇردە تابىس ەتتى.
«ادامداردىڭ قولجەتىمدى باسپاناعا مۇقتاجدىعىن شەشۋ باعىتىندا مەملەكەت تاراپىنان اۋقىمدى جۇمىستار جۇرگىزىلىپ كەلەدى. بۇل ورايدا, از قامتىلعان جاندار مەن كوپبالالى وتباسىلار ءۇشىن جەڭىلدىكتەر قاراستىرىلعان», دەدى اسقار جولامان ۇلى.
ءتورت بالا تاربيەلەپ وتىرعان انا ولگا بەياەۆا ءۇي كەزەگىندە سەگىز جىل تۇرىپتى. ءبىر بالاسى – مۇگەدەك. بۇعان دەيىن باسپانا جالداپ, كۇن كەشىپ كەلگەن. ەندى ءۇش بولمەلى باسپاناعا قول جەتكىزىپ وتىر.
التى ۇل-قىزى بار جالعىزىلىكتى انا اسەمگۇل جانىقۇلوۆا ءتورت بولمەلى پاتەرگە يە بولدى.