سەيسەنبى, 19 اقپان 2013 7:38
اپاتتىڭ ءتۇرى كوپ ەكەن. جەر قوزعالىسىنىڭ, سۋ تاسقىنىنىڭ, كولىك اپاتتارىنىڭ الدىن الۋ جۇمىستارى تۋرالى اۋىز جاپپاي ايتىلىپ جۇرگەندە, پالە اسپاننان ءتۇستى. وتكەن اپتانىڭ جۇما كۇنى تانەرتەڭگى ساعات 9.30 شاماسىندا قوستاناي جۇرتشىلىعى اسپاننان ساناۋلى سەكۋندتار ىشىندە كوز قارىقتىرىپ اعىپ وتكەن شارعا اڭ-تاڭ بولىپ قارادى. الدىمەن نە بولعانىن بىلمەي ابدىراعان جۇرت ونىڭ مەتەوريت ەكەنىن كەيىن بارىپ ءبىلدى. جارقىراپ, اعىپ تۇسكەن «دوپتى» قوستانايلىقتاردىڭ كوپشىلىگى بايقادى.
سەيسەنبى, 19 اقپان 2013 7:38
اپاتتىڭ ءتۇرى كوپ ەكەن. جەر قوزعالىسىنىڭ, سۋ تاسقىنىنىڭ, كولىك اپاتتارىنىڭ الدىن الۋ جۇمىستارى تۋرالى اۋىز جاپپاي ايتىلىپ جۇرگەندە, پالە اسپاننان ءتۇستى. وتكەن اپتانىڭ جۇما كۇنى تانەرتەڭگى ساعات 9.30 شاماسىندا قوستاناي جۇرتشىلىعى اسپاننان ساناۋلى سەكۋندتار ىشىندە كوز قارىقتىرىپ اعىپ وتكەن شارعا اڭ-تاڭ بولىپ قارادى. الدىمەن نە بولعانىن بىلمەي ابدىراعان جۇرت ونىڭ مەتەوريت ەكەنىن كەيىن بارىپ ءبىلدى. جارقىراپ, اعىپ تۇسكەن «دوپتى» قوستانايلىقتاردىڭ كوپشىلىگى بايقادى. ارتىنشا ينتەرنەتتە ونىڭ چەليابى قالاسىنىڭ ماڭىنداعى شۇباركولگە قۇلاعانى, قالانى ءبىراز دۇرلىكتىرگەنى تۋرالى اقپاراتتار كورىنە باستادى. مەتەوريتتى قوستاناي وبلىسىنىڭ چەليابى جولىنداعى ترويتسك قالاسىمەن شەكتەسەتىن قارابالىق اۋدانى تۇرعىندارى دا انىق بايقاعان. رەسمي ەمەس دەرەك كوزدەرىنەن العانىمىزداي, وسى اۋداننىڭ پوبەدا, نوۆوترويتسك ەلدى مەكەندەرىندە دە مەتەوريتتىڭ تولقىنى انىق بىلىنگەن. كەيبىر ۇيلەردىڭ تەرەزەلەرى شىتىناعان.
چەليابىدەگى قانداستارىمىزدىڭ «بىرلىك» مادەني-قوعامدىق ورتالىعىنىڭ مۇشەسى قارلىعاش يگەمباەۆاعا حابارلاسقانبىز.– مەتەوريتتىڭ تولقىن كۇشى وتە قاتتى بولدى. كوپكە دەيىن نە بولعانىن بىلمەي اڭتارىلىپ, ودان قورقىنىش بويىمىزدى بيلەدى. ءبىزدىڭ ءۇيدىڭ تەرەزەسى سىنا قويعان جوق, بىراق ءۇيدىڭ ماڭايىنداعى بالاباقشانىڭ اينەكتەرى قيراپ, بۇلدىرشىندەر اۋرۋحاناعا جەتكىزىلدى. شىتىناپ ۇشقان شىنىدان جاراقات العانداردى ەستىپ جاتقان بولارسىز. ءبىزدىڭ جۇمىس كەڭسەسىنىڭ تەرەزەسى قيراپ, بولمەلەردىڭ توبەسىنە جاپسىرىلعان پەنوپلاستىڭ بارلىعى ءتۇسىپ قالدى, – دەيدى قارلىعاش.قانداستارىمىزدىڭ ايتۋىنا قاراعاندا دا, ينتەرنەت جانە رەسەيدىڭ ەلەكتروندى بۇقارالىق اقپارات قۇرالدارىنان بايقاعانىمىزداي, چەليابى قالاسىنىڭ حالقىن اسپاننان تۇسكەن اپاتتان جاراتقان يەنىڭ ءوزى ساقتاپ قالعانداي.سەنبى كۇنى وتكەن ناسا ماماندارىنىڭ ءباسپاسوز ءماسليحاتىندا ۋرال جەرىنە تۇسكەن مەتەوريتتىڭ 1908 جىلعى تۋنگۋس اپاتىنان كەيىنگى ءىرى اسپان دەنەسى بولعانىن جانە ونىڭ ەنەرگيالىق تولقىن قۋاتى حيروسيمادا جارىلعان يادرولىق بومبادان دا بىرنەشە ەسە اسىپ تۇسكەنى ايتىلدى. «مەتەوريت جەردەن 20-25 شاقىرىم بيىكتىكتە جارىلعان, ونىڭ جارىلعان كەزدە بولگەن ەنەرگيا قۋاتى 300 كيلوتوننا بولدى», دەپ مالىمدەدى مارشالل اتىنداعى عارىشتىق ۇشۋلار ورتالىعىنىڭ مەتەوريتتىك بولىمشەسىنىڭ مامانى بيلل كۋك.ماماندار ءجۇز جىلدا ءبىر رەت بولادى دەپ باعالاعان اسپان اپاتىنىڭ سالدارىنان 1200-دەي ادام مەديتسينالىق كومەككە ءماجبۇر بولعان. مەتەوريت تۇسكەن اۋماقتاعى تۇرعىن ءۇي, الەۋمەتتىك نىساندار – بارلىعى ءۇش مىڭداي عيمارات ب ۇلىنگەن. مەتەوريت كورشىمىز چەليابىلىكتەرگە 1 ميلليارد رۋبل شاماسىندا شىعىن اكەلدى. ابىروي بولعاندا, ادام شىعىنى جوق. كورشىنىڭ تايى وزسا قۋاناتىن قازاق ەمەسپىز بە, ادامنىڭ اماندىعىنا قوستانايلىقتار دا شۇكىرلىك ەتتى.ءنازيرا جارىمبەتوۆا,«ەگەمەن قازاقستان».قوستاناي.