كورمەگە وبلىستىق مۋزەيلەرمەن كىتاپحانالار قاتىستى. وندا ەلباسىعا ارنالعان 150 – دەن استام كىتاپتار مەن 200 – دەن استام ەستەلىك ماعلۇماتتار جيىنتىعى قويىلدى. كورمەنىڭ نەگىزگى ماقساتى - قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ تاۋەلسىز قازاقستاننىڭ تاريحي ومىرىندەگى ءرولىن جۇيەلى تۇردە كەڭىنەن كورسەتۋ. «ەلباسى جانە قازاقستان» اتتى كورمە تۇركىستان حالقىنىڭ قىزىعۋشىلىعىن تۋدىرىپ, كوپشىلىكتىڭ جۇرەگىن جاۋلادى. جالپى العاندا كورمەنى 1500 مىڭنان استام ادام تاماشالادى. كورمەنىڭ اشىلۋ سالتاناتىنا «مادەنيەت جانە تىلدەردى دامىتۋ باسقارماسىنىڭ» باستىعى نۇرداۋلەت ەركىن ۇلى يسابەك ءسوز سويلەپ اشتى. كورمەدە مەملەكەت باسشىسىنىڭ شەشىمدەرىن ايشىقتايتىن مۋزەي جانە ارحيۆ قورىنان الىنعان بىرەگەي جادىگەرلەر قويىلدى.
قازاقستان تاۋەلسىزدىگى مەن ەلباسى اجىراماس تۇسىنىكتەر ەكەنى ءسوزسىز. ەلىمىزدىڭ بولاشاعى ب ۇلىڭعىر بولعان تاۋەلسىزدىكتىڭ ەڭ العاشقى كۇردەلى جىلدارىندا نۇرسۇلتان ءابىش ۇلى ۇلكەن جاۋاپكەرشىلىكتى ارقالاپ, قازاقستاندى الەمدىك دەڭگەيدەگى تانىلعان ءارى تابىستى مەملەكەتتەردىڭ قاتارىنا الىپ شىقتى. بۇگىن مىنە, بيىك شىڭىمىزدا وتىرىپ, ەلىمىزدىڭ قانشاما قيىندىقتاردى باستان وتكەرگەندىگىنە كۋا بولىپ وتىرمىز. ەلباسىمىز ساياسي كورگەندىگى مەن كوشباسشىلىق دارىندىلىعىنىڭ ارقاسىندا قازاقستان حالقىنىڭ باسىن بىرىكتىرىپ, ۇيىتا ءبىلدى. مەملەكەت باسشىسىنىڭ جىل سايىنعى جولداۋى مەن ستراتەگيالىق قۇجاتتارىنىڭ, جازبالارىنىڭ باستى تاقىرىبى – ەلىمىز بەن وسكەلەڭ ۇرپاعىمىزدىڭ بولاشاعى, قازاقستاننىڭ كوركەيىپ, گۇلدەنۋىنە ارنالادى. بارلىق قازاقستاندىقتار ءۇشىن نۇرسۇلتان نازارباەۆ وتانى مەن ونىڭ مۇددەسىنە قالتقىسىز قىزمەت ەتۋدىڭ جارقىن ۇلگىسى بولىپ تابىلادى.