شىعارماشىلىق كەشتە قالاداعى №21 مەكتەپتىڭ مۇعالىمى ج.مۇرسالوۆانىڭ جەتەكشىلىگىمەن ءبىر توپ وقۋشى ە.قوراباەۆتىڭ ولەڭدەرىن جاتقا ايسا, ءپان مۇعالىمى ءا.بيمۋرزاەۆا اقىننىڭ «سىر-ساۋال» اتتى ولەڭىن مانەرلەپ وقىپ بەردى.
شارا بارىسىندا كورەرمەندەر سۇراق قويىپ قانا قويماي, اقىننىڭ ولەڭدەرىنەن ءۇزىندى دە كەلتىرىپ, شىعارماشىلىق كەشتىڭ شىرايىن كەلتىردى. دەپارتامەنت قىزمەتكەرلەرى ج.شىرتانوۆا «قىز ولەڭ» دەگەن شىعارمانى ناقىشىنا كەلتىرىپ وقىپ بەرسە, ال اقىننىڭ جەرلەسى ح.قۇسپانوۆا «ەسكى توعان» اتتى ولەڭدى وقىدى.
شىعارماشىلىق كەشتە ەسىمى ەلگە بەلگىلى انشىلەر ا.كوشەروۆ پەن م.سافاروۆ ەرەكەڭنىڭ «ءتور جايلاۋ-بەينەۋ», «نارلى مەكەن», «قاراتاۋ بويىندا» اندەرىن ورىنداپ بەردى.
كەش سوڭىندا اقىن اعاعا العىسىن بىلدىرگەن دەپارتامەنت باسشىسى اقىننىڭ «ماڭعىستاۋ ازىلدەرى» كىتابىنان وسى جۇمىستىڭ باعىتىنا سۇرانىپ تۇرعان جولداردى مىسالعا كەلتىرىپ, «ءوزىڭدى ءوزىڭ تۇزەگەنىڭ دۇرىس شىعار, ايتپەسە ۇكىمەت ارالاسىپ تۇزەتسە, قيىن بولادى» دەگەن تىركەستىڭ ادەپ كەڭەسى وتىرىسىنىڭ ۇرانىنداي ەكەن دەدى.
دەپارتامەنتتە مەملەكەتتىك قىزمەتشىلەرگە ارنالىپ جاساقتالعان «رۋحاني جاڭعىرۋ» اتتى كىتاپتار بۇرىشىنا اقىن اعا ءوزىنىڭ «ماڭعىستاۋ ازىلدەرى», «ەسى بار تەنتەك» كىتاپتارىن قولتاڭباسىن قالدىرا وتىرىپ, ەستەلىككە ۇسىندى.
ماڭعىستاۋ وبلىسى