جامبىل اۋداندىق ەكونوميكا جانە بيۋدجەتتىك جوسپارلاۋ ءبولىمىنىڭ مالىمەتى بويىنشا اتالمىش اۋداندا بيىل بيۋدجەتتىك نەسيەلەر باعدارلاماسىنا 189 ملن 375 مىڭ تەڭگە بولىنگەن. وسى قاراجاتتان 21 جاس مامانعا 76 ملن 071 مىڭ تەڭگە بيۋدجەتتىك نەسيە تولەۋگە قۇجاتتار راسىمدەلۋدە. ونىڭ ىشىندە, دەنساۋلىق ساقتاۋ سالاسى بويىنشا 5 مامان, ۆەتەريناريادا – 1, بىلىمدە 15 جاس ۇستاز بار. ءاربىر جاس مامانعا تۇرعىن ءۇي ساتىپ الۋ ءۇشىن بولىنەتىن بيۋدجەتتىك قارجى – 1500 ايلىق ەسەپتىك كورسەتكىش مولشەرىندە. بۇل – 3 ملن 787 500 تەڭگە سوماسىندا.
اۋداندا «اۋىلدىق ەلدى مەكەندەرگە جۇمىس ىستەۋ جانە تۇرۋ ءۇشىن كەلگەن دەنساۋلىق ساقتاۋ, ءبىلىم بەرۋ, الەۋمەتتىك قامسىزداندىرۋ, مادەنيەت, سپورت جانە اگروونەركاسىپتىك كەشەن ماماندارىنا الەۋمەتتىك قولداۋ شارالارىن ۇسىنۋ» باعدارلاماسىن جۇزەگە اسىرۋعا 11 ملن 489,0 مىڭ تەڭگە بولىنگەن. ول قاراجاتتان 31 جاس مامانعا 5 ملن 479,2 مىڭ تەڭگە كولەمىندە كوتەرمە جاردەماقى تولەندى. وسى كوتەرمە جاردەماقىنى العانداردىڭ 21-ءى – ءبىلىم, 5-ءۋى –ۆەتەرينارلىق, تاعى 5-ءۋى – دەنساۋلىق ساقتاۋ سالاسىندا. ولاردىڭ ارقايسىسى 176 750 تەڭگەدەن قارجىلاي قولداۋعا يە بولدى.