سونداي-اق فيلوسوفيا عىلىمدارىنىڭ دوكتورى, پروفەسسور التاي تايجانوۆ ءتيىستى زاڭ تالاپتارىنا ءسايكەس كەز كەلگەن رەسپۋبليكا ازاماتىنىڭ پرەزيدەنتتىك سايلاۋعا قاتىسىپ, ءوز ەركىمەن تاڭداۋىن بىلدىرە الۋى, ءوزىن تولعاندىرعان ماسەلەلەردى جوعارى مەملەكەتتىك ورگاندارعا جەتكىزە ءبىلۋى مەملەكەتتىڭ دەموكراتيالىق تۇرپاتىنا ءسايكەس كەلەدى دەگەن وي قورىتتى.
دوڭگەلەك ۇستەل ءماجىلىسى كەزىندە ورتاعا: «ءسىز كىمگە داۋىس بەرەسىز؟» دەگەن ساۋال تاستالىپ, وعان ورنىقتى دا تۇجىرىمدى جاۋاپتار قايتارىلدى. بۇل رەتتە ءاربىر سايلاۋشىنىڭ پرەزيدەنتتىككە كانديداتتاردىڭ سايلاۋالدى باعدارلامالارمەن تانىسۋىنا تولىق مۇمكىندىكتەرى بار. سوعان سايكەس ءار ازامات ءوز تاڭداۋىن جاساي الادى. ارينە مۇنداي جاعدايدا باستى باسىمدىق ەل مەن حالىق مۇددەسىن قورعاي الاتىن كانديداتتار مەن تۇلعالارعا بەرىلەتىنى تالاس تۋعىزبايدى.
م.وسپانوۆ اتىنداعى اقتوبە مەملەكەتتىك مەديتسينا ۋنيۆەرسيتەتىندە ۇيىمداستىرىلعان دوڭگەلەك ءۇستەلدە ايتىلعان باستى تۇجىرىمداردىڭ ءبىرى وسىنداي. سايلاۋعا قاتىسۋ – اركىمنىڭ ءوز ەركى, ءوز كونستيتۋتسيالىق قۇقىعى. مۇنى ەشكىم جارلىقپەن نەمەسە دەكرەتپەن بەكىتە المايدى. قالاي دەگەندە دە قازىرگى كەزدە قازاقستاندىقتاردىڭ ەڭ لايىقتى تۇلعالارعا داۋىس بەرۋى وتە ماڭىزدى بولىپ قالا بەرەدى دەگەن ءتۇيىن جاسالدى دوڭگەلەك ءۇستەل قورىتىندىسىندا. اقتوبە