«ەگەر 5 جىلدا ورمان القابى 12 293 گەكتارعا كەڭەيسە, ونىڭ ەسەسىنە وسى بەس جىلدا 2713 گەكتار جاسىل القاپ جانىپ كەتكەن. ورمان شارۋاشىلىعى مەكەمەلەرى 2018 جىلى ورتكە قارسى شارالار جۇرگىزبەگەنى جانە ەرەجەلەردى ساقتاماعانى ءۇشىن 32 حاتتاما جاساپ, ءورتتىڭ شىعۋىنا سەبەپكەر بولعان 6 ادامدى انىقتادى. قۇقىق قورعاۋ ورگاندارىنا بەرگەن 42 ماتەريالدىڭ ىشىنەن 1 عانا قىلمىستىق ءىس قورعالدى, 4 اكىمشىلىك ءىس سوتتا قارالدى. 32 اكىمشىلىك ايىپپۇل سالىنىپ, 739 مىڭ تەڭگە الىندى, 549 مىڭ زيان ورنىنا كەلتىرىلدى» دەدى مۇرات شايىموۆ. مۇنىمەن قوسا باسقارما باسشىسى ورمان ورتتەرىنە قارسى كۇرەسۋدە جەرگىلىكتى اتقارۋ ورگاندارىنىڭ قول ۇرمايتىنىن دا ايتىپ ءوتتى.
«مىسالى, ارحيمەد بەگەجان ۇلى, قوستاناي وبلىسىندا ورمان-دالا ءورتىن بوددىرماۋدىڭ 2018-2020 جىلدارعا ارنالعان جوپارىن بەكىتكەن بولاتىنسىز. وندا ءتيىستى ورىنداردىڭ نەمەن اينالىسۋى, ونىڭ ءتارتىبى جونىندە ناقتى كورسەتىلگەن. بىراق, تاجىريبە كورسەتكەندەي, قولعا الىنعان ەشتەڭە جوق» دەدى مۇرات شايىموۆ. ول مىسالعا قامىستى جانە قوستاناي اۋداندارىندا بولعان دالا ورتتەرىن كەلتىردى. قامىستى اۋدانىندا وتكەن جىلى 2 كۇن بويى ورماندى دالاداعى ءورتتى ءورت سوندىرۋشىلەر وشىرگەن, اۋدان اكىمشىلىگى تەك ءۇشىنشى كۇنى عانا كىرىسكەن. ءورت جيىلەيتىن ماۋسىمدا 2019 جىلى 4 دالا ءورتى تۇتانىپ, ول قامىستى جانە قوستاناي اۋداندارىنداعى ورماندى القاپتارعا قاۋىپ توندىرگەن.
بىراق اتالعان اۋداندارداعى اتقارۋ ورگاندارىنان قايران بولماعان. مۇنى قامىستى اۋدانىنىڭ اكىمى عازيز بەكمۇحامەدوۆ تەرىسكە شىعاردى. وسى كەڭەيتىلگەن ماجىلىستە وبلىس اكىمى ورماندارداعى جانە دالاداعى ورتكە قارسى جۇمىستارعا, ونىڭ ىشىندە اۋدان اكىمدەرى جۇرگىزگەن جۇمىستارعا كوڭىلى تولمايتىنىن ايتتى. ارحيمەد بەگەجان ۇلى بۇل جاعدايدىڭ انىق-قانىعىن ءبىلۋدى ورىنباسارى سەرگەي كارپليۋككە تاپسىردى, ەگەر راس بولسا, كىنالىلەر جازالانادى, قىزمەتىنەن بوساتۋعا دەيىن باراتىنىن ەسكەرتتى.