ونىڭ بارىسىندا ىسكەرلەر ءۇشىن ايتۋلى شارالار «التىن ساپا» مەن «قازاقستاننىڭ ۇزدىك تاۋارى» كورمە-بايقاۋىنا قاتىسۋعا شاقىردى. بايقاۋلاردىڭ تالاپتارى مەن شارتتارىن كەڭىنەن ءتۇسىندىرىپ بەردى. بۇل تۋرالى ماڭعىستاۋ وبلىسىنىڭ كاسىپكەرلەر پالاتاسى ءباسپاسوز قزىمەتى حابارلادى.
«اتامەكەن» قر ۇلتتىق كاسىپكەرلەر پالاتاسى 2015 جىلدان باستاپ «التىن ساپا» بايقاۋى مەن «قازاقستاننىڭ ۇزدىك تاۋارى» رەسپۋبليكالىق كورمە-بايقاۋىن ۇيىمداستىرىپ كەلەدى. بايقاۋدىڭ باستى ماقساتى – وتاندىق ءوندىرۋشىنى قولداۋ, وتاندىق تاۋار مەن قىزمەت ساپاسىنىڭ جوعارىلاۋىنا, سونداي-اق وتاندىق وندىرۋشىلەردىڭ باسەكەلىك قابىلەتى مەن ساپا يدەياسى تانىمالدىعىنىڭ ارتۋىنا ىقپال ەتۋ. كەڭىنەن قارايتىن بولساق, بۇل بايقاۋلار كومپانيا ىشىندەگى جۇمىستى قۇرىلىمداپ جانە جۇيەلەندىرۋگە, جەتىلدىرۋ ۇدەرىسىن باستاۋعا جول اشادى.
-ايتۋلى بايقاۋعا ۇسىنىلعان كاسىپورىننىڭ قارجىلىق تازالىعى, قارىزدارى مەن بەرەشەكتەرىنىڭ جوعى دا تەكسەرىلەدى. بايقاۋعا قر اۋماعىندا ساپالى جاسالعان كەز-كەلگەن تاۋار تۇرلەرىن ءوندىرۋشى كومپانيالار قاتىسا الادى. «التىن ساپاعا» 3 جىل نارىقتا جۇمىس ىستەگەن, ال «قازاقستاننىڭ ۇزدىك تاۋارىنا» 2 جىل ءونىم وندىرگەن كاسىپورىندار ءوتىنىش بەرە الادى. جىل ساناپ قاتىسۋشىلار سانى ارتىپ كەلەدى. ماسەلەن 2015 جىلى 157 مەكەمە باق سىناعان بولسا, وتكەن جىلى 182 كاسىپورىننان ءوتىنىش ءتۇستى. ماڭعىستاۋ وبلىسىنىڭ كاسىپكەرلەرى دە زور ىقىلاس ءبىلدىرىپ وتىر, دەيدى س. ابدىكارىموۆا.
تۇيمەش ابدۋللاەۆا ماڭعىستاۋ اۋدانىندا 2011 جىلدان باستاپ نان ونىمدەرىن پىسىرەدى. تۇرىك تەحنولوگياسى بويىنشا ناۋبايحانا اشقان كاسىپكەر بۇعان دەيىن ماڭىزدى شاراعا قاتىسقان. بيىل دا بايقاۋدا باق سىناپ كورمەك.
-2015 جىلى ەلورداعا كورمە-بايقاۋعا بارىپ, ەلباسىمەن كەزدەسىپ كەلدىك. بيىل دا قۇجاتتارىمدى دايىنداپ جاتىرمىن. تالاپ وتە جوعارى. ءوز كاسىپورنىڭنىڭ شىن مانىندە لايىقتى ەكەنىن دالەلدەيتىن قۇجاتتاردى جۇيەلى, ساپالى ەتىپ جيناقتاۋ كەرەك. وڭىرلىك بايقاۋدان ءساتتى وتكەندەر, رەسپۋبليكالىق دارەجەگە جولداما الادى, دەيدى كاسىپكەر تۇيمەش ابدۋللاەۆا.
«التىن ساپا» بايقاۋىندا سىيلىقتار شاعىن كاسىپكەرلىك سۋبەكتىسىنە, ورتا كاسىپكەرلىك سۋبەكتىسىنە جانە ءىرى كاسىپكەرلىك سۋبەكتىسىنە «وندىرىستىك ماقساتتاعى ۇزدىك كاسىپورىن», «حالىققا ارنالعان تاۋار شىعاراتىن ۇزدىك كاسىپورىن», «قىزمەت كورسەتەتىن ۇزدىك كاسىپورىن», «ازىق-ت ۇلىك تاۋارلارى نەمەسە اۋىلشارۋاشىلىق ونىمدەرىن شىعارۋشى ۇزدىك كاسىپورىن» سىندى ءتورت اتالىم بويىنشا بەرىلەدى.
سونىمەن قاتار كاسىپورىنداردى بايقاۋعا قاتىسۋعا ىنتالاندىرۋ ءۇشىن «التىن ساپا» لاۋرەاتتارىنا 1 ملن. تەڭگە كولەمىندە سىياقى بەرىلەدى.
ال, «قازاقستاننىڭ ۇزدىك تاۋارى» كورمە-بايقاۋىندا كاسىپكەرلەر «وندىرىسىتىك ماقساتتاعى ۇزدىك تاۋار», «حالىققا ارنالعان ۇزدىك تاۋار» جانە «ۇزدىك ازىق-ت ۇلىك تاۋارى» سىندى ءۇش اتالىمدا جەڭىمپاز بولادى.
ايتا كەتەيىك, «التىن ساپا» بايقاۋىنىڭ جەڭىمپازدارى مەملەكەت باسشىسىنىڭ قولىنان سىيلىق الادى. «التىن ساپا» بايقاۋى لاۋرەاتتارى مەن «قازاقستاننىڭ ۇزدىك تاۋارى» كورمە-بايقاۋىنىڭ ديپلومانتتارى بايقاۋ بەلگىسىن جارنامالىق ماقساتتا ءتورت جىلعا دەيىن قولدانۋ قۇقىعىنا يە بولادى.