ماڭعىستاۋ وبلىسىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى گۇلجان يسمۋرزينا تاۋەلسىزدىك جىلدارىندا قازاقستان ۇلى جولدى باستان وتكەرگەنىن اتاپ ءوتتى.
- ءبىزدىڭ ەلىمىز ەكونوميكالىق جانە الەۋمەتتىك وزگەرىستەردىڭ ەڭ پەرسپەكتيۆتى ديناميكاسى بار ەلدەر توبىنا جاتادى. قازاقستان پرەزيدەنتىنىڭ سايلاۋىن وتكىزۋ تاريحي داۋىردە شەشۋشى ءرول اتقاراتىن ماڭىزدى پروتسەسس, دەدى گۇلجان يسمۋرزينا.
ماڭعىستاۋ وبلىسى قازاقستان حالقى اسسامبلەياسى جانىنداعى كاسىپكەرلەر اسسوتسياتسياسىنىڭ توراعاسى جامبۋلات تانگيەۆ ءوز
سوزىندە اعىمداعى جىلدىڭ ناۋرىز ايىنداعى جوعارعى بيلىكتى اۋىستىرۋ نەگىزگى زاڭنىڭ تالاپتارىنا سايكەس جۇرگىزىلگەنىن اتاپ ءوتتى. بيلىك تۇراقتىلىعىنىڭ جوعارى دەڭگەيىن, دەموكراتيالىق ينستيتۋتتاردىڭ پارمەندىلىگىن, ساياسي مادەنيەت پەن ازاماتتاردىڭ بىرلىگىن اتاپ ءوتىپ, ول سايلاۋ ەلدىڭ ىشكى جانە سىرتقى ساياساتىنىڭ ساباقتاستىعى مەن بولجامدىلىعىن راستاۋعا مۇمكىندىك بەرەتىنىنە سەنىم ءبىلدىردى.
«جانعىرۋ جولى» وبلىستىق جاستار شتابىنىڭ ءتورايىمى انتونينا وگاي ەلدە تۇراقتى جاعدايدى كۇتكەن وتاندىق جانە شەتەلدىك بيزنەس تاقىرىبىنا توقتالا وتىرىپ, مەرزىمىنەن بۇرىن سايلاۋ وتكىزۋدىڭ ماڭىزدىلىعى تۋرالى ءوز پىكىرىن ءبىلدىردى.
- قازاقستان رەسپۋبليكاسىنىڭ پرەزيدەنتىن كەزەكتەن تىس سايلاۋىن وسى جىلدىڭ 9 ماۋسىمىندا وتكىزۋ تۋرالى شەشىم – ءوز ۋاقىتىندا قابىلدانعان تاريحي شەشىم. ويتكەنى, ەل تاريحىندا مەملەكەت باسشىسىن سايلاۋ, ونى ءادىل دە اشىق وتكىزۋ ارقىلى قوعام دامۋىنىڭ قالىپتى جاعدايدا جالعاسىن تابۋىنا ارقاۋ بولاتىنى بارشاعا بەلگىلى. ەلىمىزدە تۇراقتىلىق پەن كەلىسىمنىڭ ۇندەستىك تابۋى دا, ەكونوميكامىزدىڭ ورلەۋى دە, قازاقستاننىڭ گۇلدەنىپ الەمگە تانىمال ەلگە اينالۋى دا ەلباسى نۇرسۇلتان ءابىش ۇلى نازارباەۆ جۇرگىزگەن ساليقالى دا سالماقتى ساياساتىنىڭ جەمىسى بولدى. مىنە, وسى ءۇردىس ءوز دەڭگەيىندە جالعاسىن تابۋ ءۇشىن بيىلعى جىلى پرەزيدەنت سايلاۋىن جوعارى دەڭگەيدە وتكىزۋگە ءاربىر ازامات اتسالىسۋى قاجەت. پرەزيدەنتتى انىقتاپ, بيلىك تىزگىنىن ۇستاتۋ – جاۋاپكەرشىلىگى زور, حالىق تاعدىرىن ايقىندايتىن وتە ماڭىزدى ءىس.
قازاقستاننىڭ جاستارى ءبىزدىڭ ەلىمىزدىڭ بولاشاق دامۋىنا جانە بولاشاق مەملەكەت باسشىسىنا قاتىستى كوپتەگەن ماسەلەلەرگە يە.
قازاقستانداعى كەزەكتەن تىس پرەزيدەنتتىك سايلاۋ جاريالانعاننان بەرى ماڭعىستاۋ وبلىسىنىڭ «جاس وتان» جاستار قاناتى, داۋىس بەرۋگدىن ماڭىزدىلىعىن ءتۇسىندىرىپ, جاستارمەن بىرنەشە كەزدەسۋلەردىڭ وتكىزدى, دەدى «نۇر وتان» پارتياسىنىڭ جانىڭداعى «جاس وتان» جاستار قاناتىنىڭ توراعا ورىنباسارى ارۋجان شايدەنوۆا.
شاراعا قاتىسقاندار, قر پرەزيدەنتىنىڭ كەزەكتەن تىس سايلاۋىن حالىق ءۇشىن بەرەرى كوپ ەكەندىگىن, جانە ەلدەگى ەلباسىنىڭ بەيبىتشىلىك پەن بىرلىكتى ۇستانىمىنا ءاردايىم قولداۋ بىلدىرەتىندىكتەرىن جەتكىزدى.