مەملەكەت باسشىسىنىڭ كوپبالالى جانە از قامتىلعان وتباسىلاردى قولداۋ شارالارىن كۇشەيتۋ جونىندەگى تاپسىرماسىن ورىنداۋ ماقساتىندا قوسىمشا 2,5 ملرد تەڭگە ءبولىنىپ, نەگىزسىز جوبالاردى قارجىلاندىرۋدى وڭتايلاندىرۋ ەسەبىنەن قالالىق «باقىتتى وتباسى» الەۋمەتتىك باعدارلاماسىن جۇزەگە اسىرۋعا 3,1 ملرد تەڭگە جۇمسالاتىن بولادى.
ناۋرىزباي جانە اۋەزوۆ اۋداندارىندا قارتتاردى قولداۋ بويىنشا ەكى ورتالىق, مەدەۋ اۋدانىندا اۋىتقۋشىلىعى بار مۇگەدەك بالالار ەمدەلەتىن كۇندىزگى ءبولىم جانە تۇركسىب اۋدانىندا پسيحونەۆرولوگيالىق سىرقاتقا ۇشىراعان جاندارعا ارنايى الەۋمەتتىك قىزمەت كورسەتەتىن 360 ورىندى ورتالىق اشۋعا قارجى ءبولىندى.
ءبىلىم بەرۋدە جاڭا نىساندار سالۋ ەسەبىنەن قازىرگى كەزدە مەكتەپتەردە ورىنداردىڭ جەتىسپەۋشىلىگى 20%-عا, بالا باقشالاردا 14%-عا ازايدى. دەگەنمەن, قالا تۇرعىندارىنىڭ سانى جىل سايىن ورتا ەسەپپەن 50 مىڭ ادامعا, وقۋشىلار سانى 10-12 مىڭعا, مەكتەپ جاسىنا دەيىنگىلەر قاتارى 5-7 مىڭعا وسۋدە. ناتيجەسىندە كەيبىر مەكتەپتەردە وقۋشىلار سانى ارتىپ كەتكەن. مامىر-5,6 ىقشام اۋداندارىندا 1200 ورىندى ەكى مەكتەپ, نۇرشاشقان پوسەلكەسىندە 600 ورىندى مەكتەپ, اقساي-3ا ىقشام اۋدانىندا 225 ورىندى, ال دۋمان-1 ەلدى مەكەنىندە 850 ورىندى قوسالقى نىساندار سالۋعا رەسپۋبليكالىق بيۋدجەتتەن 3,3 ملرد تەڭگە ءبولىندى. جاس قانات, العاباس ىقشام اۋداندارى مەن بوستاندىق اۋدانىندا سالىنىپ جاتقان ءۇش بالا باقشا قۇرىلىستارىن اياقتاۋ ءۇشىن جەرگىلىكتى بيۋدجەتتەن 212,6 ملن تەڭگە جۇمسالاتىن بولادى.
بۇكىلالەمدىك بانكتىڭ بيزنەستى جەڭىل جۇرگىزۋ رەيتينگى بويىنشا الماتى ەلىمىز بويىنشا ءبىرىنشى ورىندا تۇر, شوب ۇلەسى العاش رەت ەكونوميكادا 42%-عا جانە سالىقتا 64%-عا ءوستى. سونىمەن قاتار, ەل پرەزيدەنتى قاسىم-جومارت توقاەۆتىڭ تاپسىرماسىن ورىنداۋ ماقساتىندا بيزنەس ءۇشىن نەسيەنىڭ مولشەرىن سۋبسيديالاۋعا بولىنەتىن 4 ملرد تەڭگەدەن وزگە الماتىدا قوسىمشا تاعى دا 1,9 ملرد تەڭگە بولىنەدى. جاستار جىلى اياسىندا كاسىپكەرلىكتى دامىتۋعا, جوعارى بىلىكتى جانە باسەكەگە قابىلەتتى ماماندار دايارلاۋعا ارنالعان «جاستار - ەل تىرەگى» الەۋمەتتىك جوباسى قول الىندى. الماتى مەملەكەتتىك كوللەدجىنىڭ سەرۆيسى مەن تەحنولوگياسىن, كيىم تىگۋدى كونسترۋكتسيالاۋ مەن ونىڭ كوركەمدىك گرافيكاسىن جاقسارتۋ, تىگىن شەبەرحانالارىن تولىق قايتا جابدىقتاۋ, كەڭسەلەردى كوركەم مودەلدەۋ مەن شاشتاراز ونەرىنە باۋلۋ, ونىڭ ىشىندە ينكليۋزيۆتى ءبىلىم بەرۋ ءۇشىن 100 ملن تەڭگە ءبولىندى.