جىلىجاي قوجايىندارى ءوز ونىمدەرىن كوتەرمە باعادا ساتىلىپ جاتقانىن جەتكىزدى. «گرينحاۋس قازاقستان» جشس, «يزەت گرەن حاۋس» جشس, «اقتوبە جىلىجاي» جشس-ءنىڭ جۇمىستارىن ارالاعان وبلىس اكىمى ءونىمنىڭ ساپالى ءارى باعاسى تومەن بولۋىن قاتاڭ باقىلاۋدا ۇستايتىنىن جەتكىزدى. سەبەبى, تۇرعىندار وسى كوكونىس باعاسىنا قاتىستى ماسەلەنى ءجيى كوتەرەدى.
«وزىمىزدەن شىعاتىن ءونىم ەڭ الدىمەن ءوزىمىزدىڭ نارىقتى قامتۋى قاجەت. تۇرعىندار تۇتىناتىن ونىمدەرىمىزدىڭ باعاسى شارىقتاماۋى قاجەت»,-دەدى وڭداسىن ورازالين.
سونداي-اق, ول كوكونىستەردىڭ باعاسىن ءوز كوزىمەن كورۋى ءۇشىن اقتوبەدەگى بىرنەشە ءىرى ساۋدا ۇيلەرىنە باردى. دۇكەندەردى جوسپاردان تىس ارالاعان وڭداسىن ورازالين كوكونىستەردىڭ باعاسىن تەكسەرىپ كورىپ, قيار, قىزاناق باعالارىن تۇرعىندارعا قولجەتىمدى ەتۋدى تاپسىردى.