جوبا اياسىندا جۇمىسشى توپ جاساقتالىپ, ارنايى جول كارتاسىن ازىرلەنگەن بولاتىن. قازىر ەلىمىزدىڭ بارلىق وڭىرىندە بۇل ىسكە باسىمدىق بەرىلىپ وتىر. وسى «قۇتتى مەكەن» ۇلتتىق جوباسى اياسىنداعى جۇمىستار جەتىسۋ وڭىرىندە دە قىزىپ تۇر. قازىر وسى جوبا بويىنشا وبلىستاعى ماڭىزدى نىساندار مەن تاس جولداردا باستالعان قۇرىلىس جۇمىستارىنان تولىق اقپارات بەرەتىن ارنايى بيلبوردتار مەن اقپاراتتىق تاقتايشالار ورناتىلىپ, تۇرعىن ءىس بارىسىنان حاباردار بولىپ وتىرعا قول جەتكىزدى. جاقىندا «Nur Otan» پارتياسى پارتيالىق باقىلاۋ قىزمەتىنىڭ باسشىلىعى الماتى وبلىسىنىڭ جامبىل اۋدانىنا ءىس ساپارمەن كەلەدى. ارنايى توپ وڭىردەگى رەسپۋبليكالىق ماڭىزى بار «الماتى-بىشكەك» تاس جولىنىڭ 63-101 شاقىرىمىندا جۇرگىزىلىپ جاتقان جوندەۋ جۇمىستارىمەن تانىستى.
- «نۇرلى جول», «نۇرلى جەر», مەملەكەتتىك جانە ۇكىمەتتىك باعدارلامالارىن جۇزەگە اسىرۋ اياسىندا وبلىستىڭ دەپۋتاتتىق فراكتسياسى جانىنداعى تۇراقتى بەس كوميسسيانىڭ مۇشەلەرى, ەلباسىنىڭ «بەس الەۋمەتتىك باستاماسى» اياسىندا قۇرىلعان قوعامدىق كەڭەستىڭ, وبلىستىق فيليالدىڭ پارتيالىق باقىلاۋ كوميسسياسىنىڭ مۇشەلەرى ۇلتتىق قوردان بولىنەتىن قاراجاتتىڭ ءتيىمدى پايدالانۋىنا باقىلاۋ جۇرگىزەتىن بولادى, دەدى تۇرعىندارمەن كەزدەسۋدە پارتيالىق باقىلاۋ قىزمەتىنىڭ باسشىسى داۋرەن بيجۇمانوۆ.
جالپى الماتى وبلىسى بويىنشا «نۇرلى جول» باعدارلاماسى اياسىندا 116 جوبانىڭ جۇزەگە اسۋى ءۇشىن 92,6 ملرد.تەڭگە قاراجات بولىنگەن ەكەن. ونىڭ ىشىندە 85 جوبا قولدانىسقا بەرىلسە, 31 جوبا جۇزەگە اسىرىلۋدا. ال «نۇرلى جەر» مەملەكەتتىك باعدارلاماسى اياسىندا اعىمداعى جىلى 101 جوبانىڭ جۇزەگە اسىرىلۋىنا 17,8 ملردتەڭگە كولەمىندە قاراجات قاراستىرىلىپتى.
- وبلىستا وسى جىلى كولىك ينفراقۇرىلىمىن دامىتۋ ءۇشىن 12,3 ملرد تەڭگە قاراجات قاراستىرىلعان. ونىڭ ىشىندە 3,2 ملرد تەڭگە ءۇش اۆتوكولىك جولىنىڭ قايتا قالپىنا كەلتىرۋىنە, 9 ملردتەڭگە جول جوندەۋ جۇمىستارىنىڭ قوسىمشا 27 جوباسىنا ءبولىندى. ال «نۇرلى جەر» باعدارلاماسى اياسىندا 784,5 مىڭ شارشى مەتر باسپانا بەرىلۋى ءتيىس. وسى جۇمىستاردىڭ بارلىعى پارتيانىڭ «قۇتتى مەكەن» جوباسى بويىنشا قاداعالانىپ, ساپا مەن ناىقتى ناتيجەگە تۇرعىندارمەن بىرگە قول جەتكىزەمىز, دەدى «Nur Otan» پارتياسى وبلىستىق فيليال توراعاسىنىڭ ورىنباسارى گۇلنار تويلىباەۆا.