قازاقستانعا شەتەلدەردەن كۇنى بۇگىنگە دەيىن قۇس ەتى ونىمدەرى تاسىمالدانىپ كەلەدى. ۇلانعايىر دالاسى بار, اۋىلشارۋاشىلىعىنىڭ بارلىق تۇرلەرىمەن اينالىسۋعا جاعدايى جەتەتىن ەلىمىزدە وسى ولقىلىقتاردىڭ ورنىن تولتىرۋعا كاسىپكەرلەرىمىز قاتتى اتسالىسىپ جاتىر. شيەلى اۋدانىندا ءۇش جىل بۇرىن 165 ملن. تەڭگەگە «ءمولدىر ي ك» سەرىكتەستىگى قۇس فەرماسىن ىسكە قوسقان بولاتىن.
قۇس فەرماسىنا 2016 جىلدىڭ جەلتوقسان ايىندا 12 مىڭ بالاپان اكەلىنگەن. ودان بەرگى ۋاقىتتا فەرماداعى 11 مىڭ تاۋىقتان تاۋلىگىنە 10 مىڭ دانا جۇمىرتقا الىنىپ كەلدى.
2017 جىلى «بيزنەستىڭ جول كارتاسى 2020» باعدارلاماسى ارقىلى ەكىنشى دەڭگەيلى بانكتەن 33 ملن 500 مىڭ تەڭگە قوسىمشا قاراجات الىنىپ, قۇس فەرماسىنىڭ 2 تسەحى ىسكە قوسىلدى. سونىمەن قاتار, تۇركىستان وبلىسىنان تاعى 12 مىڭ بالاپان اكەلىندى.
بۇگىندە قۇس فەرماسىندا 10 ادام تۇراقتى جۇمىسپەن قامتىلعان. فەرمادا ءونىم كولەمى دە ارتىپ, مۇندا تاۋلىگىنە 20 مىڭ دانا جۇمىرتقا الىنادى.
ءوز ەڭبەكتەرىنىڭ جەمىسىن كورگەن سەرىكتەستىك ەندى ەت باعىتىنداعى قۇستاردى ءوسىرۋدى جوسپارلاپ وتىر. وسىلايشا, جىلىنا 66 توننا قۇس ەتىن دايىنداۋعا بەكىنگەن فەرما بۇل جۇمىستاردىڭ كوكجيەگىن الداعى ۋاقىتتاردا كەڭەيتە بەرمەك.