نەگىزى وبلىس وڭىرىندە مەديتسينا قالدىقتارىن جويۋ ماسەلەسى وزەكتى كۇيىندە قالىپ وتىر. 2018 جىلى ەمحانالار مەن اۋرۋحانالاردا قوردالانىپ قالىپ, جويىلعان 3 مىڭ توننا قالدىقتىڭ 19,2 پروتسەنتى «ب» (قاۋىپتى) كلاسىنان بولسا, اسا قاۋىپتى سانالاتىن 3 پروتسەنتى «ۆ» كلاسىنا جاتادى.
ەڭ الدىمەن مەديتسينالىق قالدىقتارعا قاتىستى وزەكتىلىك اۋىلدىق جەرلەردە ورنالاسقان ەمدەۋ مەكەمەلەرىنە قاتىستى. كەلىسىم شارتتار وبلىس ورتالىعىنداعى مەكەمەلەرمەن جاسالادى, ال اۋىلداردىڭ قالاعا ۇزاقتىعى 100 شاقىرىمنان 400 شاقىرىم ارالىعىندا بولادى. سوندىقتان مەديتسينالىق قالدىقتار اۋىلداعى ەمدەۋ مەكەمەلەرىندە ۇزاق ساقتالادى. ونىڭ قاۋىپتىلىگى سەيىلمەيدى. مىسالى, 2019 جىلدىڭ ءى توقسانىندا وبلىستا مەديتسينالىق كومەك كورسەتكەننەن كەيىن جۇققان 3 جۇقپالى اۋرۋ تىركەلگەن.
وبلىس وڭىرىندە جۇقپالى ەپيدەميالىق اۋرۋلاردىڭ الدىن الۋ شارالارى وتكىزىلەدى. جۇقپالى اۋرۋلار وتكەن جىلى ءار 100 مىڭ ادامعا شاققاندا 266,9 كەلدى. ال بيىلعى جىلدىڭ ءبىرىنشى توقسانىندا قىزىلشا اۋرۋىنىڭ ورشۋىنە بايلانىستى بۇل كورسەتكىش 86 بولدى.
قوستاناي