قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ رەسەي فەدەراتسياسىنىڭ پرەزيدەنتى دميتري مەدۆەدەۆپەن تەلەفون ارقىلى سويلەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
مەملەكەت باسشىلارى ەكى مەملەكەتتىڭ ساۋدا-ەكونوميكالىق ىنتىماقتاستىعىنا قاتىستى بىرقاتار ماسەلەلەردى, جاقىندا ءماسكەۋدە بولعان بەيرەسمي كەزدەسۋ بارىسىندا قول جەتكىزىلگەن ۋاعدالاستىقتار اياسىندا ەكىجاقتى قارىم-قاتىناستى دامىتۋدىڭ پەرسپەكتيۆالارىن تالقىلادى. اتاپ ايتقاندا, اڭگىمە ۇلى وتان سوعىسىنداعى جەڭىستىڭ 65 جىلدىعىن بىرلەسىپ مەرەكەلەۋگە دايىندىق تۋرالى ءوربىدى.
قازاقستان مەن رەسەي پرەزيدەنتتەرى سونداي-اق وڭىردەگى جاعدايلار, ەكى مەملەكەتتىڭ شىۇ شەڭبەرىندەگى ءوزارا ءىس-قيمىلى توڭىرەگىندە پىكىر الماستى.