سارسەنبى, 18 شىلدە 2012 7:32
لوندوندا وتەتىن وليمپياداعا ساۋساقپەن سانارلىقتاي كۇن قالدى. بۇل الەمدەگى سپورت اۋەسقويلارىنىڭ عانا ساعىنا كۇتەتىن شاراسى ەمەس, ءار ەلدىڭ نامىسى قايرالار تۇس. دۇنيەنى دۇبىرلەتكەن جارىسقا قوستاناي وبلىسىنان جەلاياق مارينا ماسلەنكو مەن بوكسشى يۆان دىچكو قاتىسادى. ءبىز جول جۇرەر الدىندا ي. دىچكونىڭ جاتتىقتىرۋشىسى ۆلاديمير شايەرمەن شاكىرتى تۋرالى از-كەم اڭگىمەلەسكەن ەدىك.
سارسەنبى, 18 شىلدە 2012 7:32
لوندوندا وتەتىن وليمپياداعا ساۋساقپەن سانارلىقتاي كۇن قالدى. بۇل الەمدەگى سپورت اۋەسقويلارىنىڭ عانا ساعىنا كۇتەتىن شاراسى ەمەس, ءار ەلدىڭ نامىسى قايرالار تۇس. دۇنيەنى دۇبىرلەتكەن جارىسقا قوستاناي وبلىسىنان جەلاياق مارينا ماسلەنكو مەن بوكسشى يۆان دىچكو قاتىسادى. ءبىز جول جۇرەر الدىندا ي. دىچكونىڭ جاتتىقتىرۋشىسى ۆلاديمير شايەرمەن شاكىرتى تۋرالى از-كەم اڭگىمەلەسكەن ەدىك.
– ۆلاديمير يۆانوۆيچ, لوندونوليمپياداسىنا جۇرەر الدىندا يۆاندىچكو «نۇر وتان» پارتياسىنا مۇشەلىككەوتىپ, بيلەتىن الدى. بوكسشى بۇل قادامىنقالاي باعالايدى؟
– بۇل ءبىر جاعىنان جاۋاپكەرشىلىك. «نۇر وتان» حالىقتىق-دەموكراتيالىق پارتياسى – ەلىمىزدەگى جەتەكشى پارتيا. ەلباسىمىز – وسى پارتيانىڭ كوشباسشىسى. «نۇر وتاننىڭ» بيلەتىن الۋ وعان پاتريوتتىق سەرپىن بەرەتىنى انىق. ەكىنشىدەن, سپورتشىلار كوبىنەسە ىرىمشىل جاندار عوي. «نۇر وتان» پارتياسى قۇرىلعالى حالىقتىڭ ءىلتيپاتىنا, سەنىمىنە بولەنىپ كەلەدى. سوندىقتان, بوكسشى دا القالى توپقا پارتيانىڭ بيلەتىمەن بارۋدى جاقسىلىققا بالاعانى راس.
– دىچكونى حالىقارالىق دارەجەدەگى سپورتشى دەڭگەيىنە كوتەرگەنقانداي جارىس ەدى؟
– 2009 جىلى مەكسيكادا وتكەن جاسوسپىرىمدەر اراسىنداعى الەم چەمپيوناتى. ول وسى چەمپيوناتتىڭ ءفيناليسى بولدى. ودان كەيىن ەرەسەكتەر اراسىندا قازاقستاننىڭ ءۇش دۇركىن چەمپيونى اتاندى. پرەزيدەنت كۋبوگىن ەكى رەت الدى. وتكەن جىلى قىتايدا ءوتكەن ازيا ويىندارىندا دا فينالعا شىقتى. ال بيىل باكۋدە وتكەن الەم بىرىنشىلىگى وعان وليمپياداعا جولداما الىپ بەردى. دىچكو وسى بىرىنشىلىكتە قولا مەدال يەلەندى.
– يۆان دىچكو – ەلىمىزدىڭ قۇراماسى ساپىنداعى اسا اۋىر سالماقتاعىبوكسشى. سالماعى قانشا؟
– سالماعى قازىر 105 كيلوگرامم. ال العاش رينگكە 68 كيلوگرامم سالماقپەن شىققان ەدى. اۋەلدە ارىق كورىنەتىن.
– جاتتىقتىرۋشى مەن شاكىرت قالاي كەزدەسىپ ەدى؟
– جاتتىقتىرۋشى مەن سپورتشىنىڭ ءتىل تابىسۋى ءوز الدىنا, ولار تالانتتى بولسا, ءبىرىنىڭ ءبىرى باعى دەي بەر. مەنىڭ ۆانيانى تابۋىم قىزىق بولدى. مەن ونى رۋدنىي قالاسىنداعى ءبىر اۋلادان ۇستاپ العانمىن. قالادا سپورت كلۋبتارىنا بارمايتىن, ۇيىرمەلەردىڭ دە ەسىگىنەن قارامايتىن, ساباقتان بوس ۋاقىتىن اۋلادا ويىنمەن وتكىزەتىن بالالار بولادى. ۆانيا اۋلادا ويىننان قولى تيمەيتىن سونداي بالانىڭ ءبىرى ەكەن. بىردە ونى اۋلادا ويناپ جۇرگەن بالالاردىڭ اراسىنان بايقاپ قالدىم. بويى قاتارلاستارىنان تىم ۇزىن كورىندى, يميگەن ارىق, شيكىل سارى بالا. كوڭىلىمە ونىڭ دەنە ءبىتىمى ۇنادى. شاقىرىپ الىپ, قانداي سپورتتىڭ تۇرىمەن اينالىسىپ جۇرگەنىن سۇرادىم. سپورت كلۋبتارىنىڭ, سپورت زالدارىنىڭ ەسىگىن اشپاعان. مەن ودان «بوكسقا قاتىسقىڭ كەلە مە؟» دەپ سۇرادىم. ۇياڭ بالا باسىن يزەپ, كەلىسىمىن بەردى. سول كۇننەن باستاپ جاتتىعۋدان ءبىر كۇن قالىپ كورگەن ەمەس. سپورتزالعا كەلگەن سوڭ بويىن ولشەسەم, 2 مەتر 5 سانتيمەتر. ون بەس جاسىنان باستاپ ەكەۋمىز بىرگەمىز.
– شاكىرتىڭىزدىڭ مىنەزى قانداي؟ جاتتىقتىرۋشى مەن شاكىرت اراسىندا پىكىرالشاقتىعى بولىپ قالماي ما؟
– بىرىنشىدەن, ۆانيا مەنىڭ نەمەرەممەن قاتار. اتا مەن نەمەرەنىڭ اراسىندا مەيىرىم باسىم بولماي ما؟ ونى ءدال جاقسى جاسىندا قولىما ءتۇسىردىم دەپ ويلايمىن. ەكەۋمىز جاقسى ءتىل تابىستىق. سونداي ەڭبەكقور, شىدامدى, ءمىنەزى وتە ۇستامدى. ونىڭ دەنە تۇلعاسىنا عانا ەمەس, مىنەزىنە قاراپ-اق ەشكىم 21 جاس بەرمەيدى, ءوزىنىڭ جاسىنان ۇلكەن كورىنەدى. سوعان لايىق اقىل-پاراساتى دا ەرەسەك. جاتتىعۋ جۇمىستارىنا جاۋاپكەرشىلىكپەن قارايدى. جالپى, ۆانيا جاۋاپكەرشىلىكتى سىيلايتىن ازامات جىگىت.
– بۇگىندە ونىڭ اتا-اناسى دا سپورت جانكۇيەرىنە اينالعان بولار؟
– راسىندا سولاي. يۆاننىڭ اكەسى رۋدنىي قالاسىندا اۆتوسلەسار بولىپ ءىستەيدى. اناسى – پسيحولوگ. ۇلىنا جاقسى تاربيە بەرگەن ونەگەلى وتباسى.
– وليمپياداعا دايىندىقتارىڭىزعا كوڭىلىڭىز تولا ما؟ ىشتەي قاۋپىڭىز باسىم با, الدە سەنىمىڭىز ورنىقتى ما؟
– دايىندىعىمىز جامان بولعان جوق. كۇنىنە ءتورت ساعاتتاي جاتتىقتى. تەر توگىلدى. دەگەنمەن, كوڭىلدىڭ الابۇرتاتىنى راس. ەگەر وليمپيادا رينگىندە جاراقات الىپ نەمەسە سۋديالاردىڭ ادىلەتسىزدىگىنە كەزدەسىپ قالماسا, ءشاكىرتىمنىڭ جالپى دايىندىعىنا سەنەمىن. اۋىرىپ قالعاننان دا قۇداي ساقتاسىن دەيمىن. قانشا دەگەنمەن, اۋا رايىنا ۇيرەنۋ كەرەك. وبلىستاعى باس جاتتىقتىرۋشى ساپابەك مۇقىشەۆ تە وعان كوپ ساباق, كەڭەستەر بەردى. بار ارمانىمىز – كوك تۋدى جامىلاتىن ساتكە جەتۋ! تەك مەنىڭ عانا ەمەس, بۇكىل قازاقستاندىقتاردىڭ كۇتىپ جۇرگەنى وسى! نامىستى قولدان بەرمەۋگە تىرىسامىز.
اڭگىمەلەسكەن ءنازيرا جارىمبەتوۆا,
«ەگەمەن قازاقستان».
قوستاناي وبلىسى,
رۋدنىي قالاسى.