سەيسەنبى, 12 ماۋسىم 2012 7:01
* چەمپيوناتتىڭ العاشقى ءۇش كۇنىندە (8-10 ماۋسىم) ءۇش توپ (A, B, C) كوماندالارى ءبىرىنشى ماتچتارىن وتكىزدى.
* پولشانىڭ – 4, ۋكراينانىڭ 2 قالاسىندا وتكەن بۇل ويىنداردى 244 605 كورەرمەن ستاديونداردا تاماشالادى.
* كەزدەسۋلەردە 15 گول سوعىلدى. ولاردىڭ 7-ءى ءبىرىنشى, 8-ءى ەكىنشى تايمدا سالىندى.
سەيسەنبى, 12 ماۋسىم 2012 7:01
* چەمپيوناتتىڭ العاشقى ءۇش كۇنىندە (8-10 ماۋسىم) ءۇش توپ (A, B, C) كوماندالارى ءبىرىنشى ماتچتارىن وتكىزدى.
* پولشانىڭ – 4, ۋكراينانىڭ 2 قالاسىندا وتكەن بۇل ويىنداردى 244 605 كورەرمەن ستاديونداردا تاماشالادى.
* كەزدەسۋلەردە 15 گول سوعىلدى. ولاردىڭ 7-ءى ءبىرىنشى, 8-ءى ەكىنشى تايمدا سالىندى.
* ءار ويىندا ورتا ەسەپپەن قاقپالارعا 2,5 دوپتان ءتۇسىرىلدى.
* بىرىنشىلىكتىڭ ءبىرىنشى گولىن پولشا-گرەكيا اراسىنداعى ماتچتىڭ 17-مينۋتىندا پولياك قۇراماسىنىڭ شابۋىلشىسى روبەرت لەۆاندوۆسكي سالدى. ال ءبىرىنشى ءدۋبلدى جاساۋ ەنشىسى رەسەي كومانداسىنىڭ شابۋىلشىسى الان دزاگوەۆقا بۇيىردى. ونىڭ بۇل جەتىستىگىن حورۆات ماريو ماندجۋكوۆيچ سوڭعى كۇنى قايتالادى. بۇلاردان باسقا تاعى مىنا فۋتبولشىلاردىڭ ەنشىسىندە 1 دوپتان بار: ماريو گومەس (گەرمانيا), نيۆيتسا ەلاۆيچ (حورۆاتيا), ميكاەل كرون-دەلي (دانيا), انتونيو دي ناتالە (يتاليا), رومان پاۆليۋچەنكو (رەسەي), ۆاتسلاۆ پيلارج (چەحيا), ديميتريس سالپينگيديس (گرەكيا), شون سەنت-لەدجەر (يرلانديا), سەسك فابرەگاس (يسپانيا), رومان شيروكوۆ (رەسەي).
* العاشقى 6 ويىندا 2 ويىنشى الاڭنان قۋىلىپ, 20 ويىنشى ەسكەرتۋ الدى. چەمپيوناتتىڭ ءبىرىنشى «سارى قاعازى» گرەكيا قۇراماسىنىڭ قورعاۋشىسى سوكراتيس پاپاستاتوپۋلوسقا كورسەتىلدى. ول الاڭنان دا ءبىرىنشى بولىپ قۋىلدى. «قىزىل قاعاز» العان ەكىنشى ويىنشى – پولشا كومانداسىنىڭ قاقپاشىسى ۆويتسەح ششەسنى.
* ءبىرىنشى 11 مەترلىك سوققى پولشا قۇراماسى قاقپاسىنا باعىتتالدى. ول كوماندا قاقپاشىسى ۆويتسەح ششەسنىيدىڭ گرەكتەر فورۆاردى ديميتريس سالپينگيديستى ءوز ايىپ الاڭىندا رۇقسات ەتىلمەيتىن تاسىلمەن قۇلاتقانى ءۇشىن بەلگىلەندى. بۇل پەنالتيدى گرەكتەردىڭ كوماندا كاپيتانى گيورگوس كاراگۋنيس تۇسىرە المادى. ونىڭ ۇرعان دوبىن الاڭعا ەندى شىققان قاقپاشى پشەمىسلاۆ تىتون قولىمەن قايتاردى.
* وتكەن ويىنداردىڭ ءاربىرىندە ءبىر-ءبىر فۋتبولشى ۇزدىك دەپ تانىلدى. ونداي اتاقتارعا ديميتريس سالپينگيديس (گرەكيا), الان دزاگوەۆ (رەسەي), سيمون پوۋلسەن (دانيا), ماريو گومەس (گەرمانيا), اندرەا پيرلو (يتاليا), ماريو ماندجۋكوۆيچ (حورۆاتيا) قول جەتكىزدى.
جاڭالىقتار جاڭعىرىعى
گرەكيا قۇراماسى قاتارىنان ءبىر ويىنشى شىعىپ قالدى. پيرەي «وليمپياكوسىنىڭ» ورتالىق قورعاۋشىسى اۆراام پاپادوپۋلوس پولشامەن وتكەن ءبىرىنشى ماچتىڭ ءبىرىنشى تايمىنىڭ سوڭىنا قاراي تىزەسىنەن جاراقات الىپ قالدى. وسىدان سوڭ الاڭنان كەتۋگە ءماجبۇر بولعان ونىڭ قالعان ويىندارعا دا قاتىسا المايتىنى قازىر بەلگىلى بولدى.
چەمپيوناتتىڭ ءبىرىنشى كۇنى 16 قوعامدىق ءتارتىپتى بۇزۋشىلىق ورىن الدى.بۇل تۋرالى پولشا سپورت جانە تۋريزم مينيسترى يواننا مۋحا مالىمدەدى. ونىڭ ايتۋىنشا, بۇدان باسقا تاعى 314 ادام دارىگەرلەردىڭ كومەگىنە جۇگىنگەن. بۇعان قوسا, رەسەيلىك ءبىر توپ جانكۇيەر رەسەي-چەحيا ماتچىنان كەيىن ب ۇلىك شىعارىپ, ستيۋاردتاردى سوققىعا جىققان. ولاردىڭ وسى بەيباستاقتىقتارى ءۇشىن ەندى رەسەي فۋتبول فەدەراتسياسىنىڭ جازا الاتىن ءتۇرى بار. ۋەفا بۇل ماسەلەنى ءوزىنىڭ 13 ماۋسىم كۇنگى وتىرىسىندا قارايدى.
گۋس حيددينك رەسەي قۇراماسى جارتىلاي فينالدا گوللاندتىقتارمەن كەزدەسەدى دەپ ەسەپتەيدى. رەسەيلىكتەردىڭ بۇرىنعى باس جاتتىقتىرۋشىسى نيدەرلاندىدا شىعاتىن گازەتتەردىڭ بىرىندە وسىنداي بولجام ءبىلدىرگەن. ءوز ءسوزىندە ول: «مەن ورىستار وتە قاۋىپتى دەپ سانايمىن. ءبىرىنشىدەن, ديك ادۆوكاتتىڭ كومانداسى ىرىكتەۋ ءتۋرنيرى بارىسىندا جاقسى ءناتيجەلەرگە قول جەتكىزدى, ەكىنشىدەن, ونىڭ قۇرامىندا وزدەرىنە سەنىمدى وتە تاجىريبەلى ويىنشىلار بار», دەدى.